रोमी 9:21 - ह्योल्‍मो

²¹ सासागी नेक्‍यी ज़ोएँ मिहगी राहङगी च्‍योप्‍क्‍यो सासालेगी राहङ सेमला ने़जेबा नेक्‍यी ज़ोएँ। सासा फोल्‍दोङ च्‍यी़लेगी लाहलाला चा़ छ्यिम्‍बु ल़ेहगी तेहन्‍दाला लाहलाला फेमा ल़ेहगी तेहन्‍दाला नेक्‍यी ज़ोएँ। दि खोगी सेमगी ताम यिहम्‍बा।

रोमी 9:21 Referans Kwoze

ल़ेह-पेन 9:15

यिहॱनाङ चो़वो छ्येवागी हननिया़ला सुङ नाङसीन, “ख्‍ये सोङ, च्‍यिबेमाना लेहमेन क्‍यिहपाया़ला, क्‍याहल्‍बुया़ला ओहले इस्राएली छार्क्‍यीनया़गी दिनला ङाहगी मिहन ङोह स्‍य़े च्‍य़ूज्‍येला ङाहगी खोला दाम्‍दी येह।

रोमी 9:11

यिहॱनाङ ओ़ह जाउँले पुह ङ्यी़ आमाकी फोवा नाहङला येहकेंमु ओहले खुङ ङ्यी़गी च्‍यिरा या़हबु चोक्‍पा ल़ेह पेहकें म़ेदी तोहङलेराङ किन्‍ज्‍योगी जाउँले पुह ङ्यी़ नाहङला च्‍यी़ला दाम नाङदी रिबेकाला सुङ नाङसीन, “आदादीगी नो़हला स्‍याहप्‍तो स्‍युहज्‍ये येह।” किन्‍ज्‍योगी सुङ नाङग्‍यो ल़ेहमुराङ छ्य़ेला दि ल़ेहमु प्री़हदी येहबा, “ङाहगी याकूबला चेवा पेहसीन ओहले एसावलाती क्‍युक्‍टो पेहसीन।” दि ल़ेहमु जेती किन्‍ज्‍योगी मिहया़की ल़ेहला ज़ी़दी दाम मेहनाङगे यिहॱनाङ मिहरोगी थुला ठुङग्‍यो ल़ेहमु जे नाङगे सुङदी किन्‍ज्‍योगी थिउ-निउ जे नाङसीन।

रोमी 9:18

ओ़ह सोङबे किन्‍ज्‍योगी राहङला थु-सेम जे नाङग्‍योया़ला मिहरोगी थुज्‍यी ज़ी़ नाङगे, ओहले मिहरोगी थु-सेम जे नाङग्‍यो मिहया़गी यिहला सान्‍दी ज़ो नाङगे।

रोमी 9:20

यिहॱनाङ मिह काहल्‍दी किन्‍ज्‍योला ल़ेहन क्‍याहप्‍के ख्‍ये सु यिहम्‍बा? सासाकी नेक्‍यीगी “ङाहला च्‍यिबे दि ल़ेहमु ज़ोक्‍यो?” म़ेदीमाॱराङ ज़ोएँ मिहला टी़ह ख़ूएँ ले?