रोमी 8:32 - ह्योल्‍मो

³² मिहरोगी राहङगी च्‍यिमे च्‍यी़राङ स़ेबुलानी सी़दी ज़्‍या़ माहनाङ, यिहॱनाङ ओहराङ थाम्‍ज्‍यीगी तेहन्‍दाला नाङसीन। ओहराङगी तेहन्‍दाला राहङगी स़ेबु नाङगे किन्‍ज्‍योगी तोहरोङ मास्‍यीका ङ्याम्‍बुराङ लेहमेन थाम्‍ज्‍यीराङ से़हया़ ओहराङला मेहनाङडो ले?

रोमी 8:32 Referans Kwoze

यूहन्‍ना 3:16

च्‍यिबेमाना किन्‍ज्‍योगी जाम्‍बुलीङला दे़ज्‍ये माहङा चेवा जे नाङसीन, मिहरोगी राहङगी च्‍यिमे च्‍यी़राङ स़ेबुॱआङ नाङसीन। किन्‍ज्‍योकी स़ेबु थो़ला यिह छ्य़ेगे सुज्‍यीॱआङ तोङदी डोज्‍ये म़ेह, यिहॱनाङ खुङया़गी था़ म़ेहबाकी मिहली ज़ाङबु ज्‍योर्च्‍ये येह।

रोमी 8:28

ङ्यिहला क्‍यी़ह येह, किन्‍ज्‍योला चेवा पेहकेनया़ दाङ मिहरोगी थु-सेम जेती क़े क्‍याहप नाङग्‍यो मिहया़गी तेहन्‍दाला च्‍यिला-माना मिहरोगी या़हबुॱराङ जे नाङगे।

१ यूहन्‍ना 4:10

ओहराङगी किन्‍ज्‍योला चेवा पेहक्‍यो सोङबे मिहम्‍बा, यिहॱनाङ मिहरोगी ओहराङला चेवा जे नाङग्‍यो सोङबे, ओहराङगी तिहक्‍पागी तेहन्‍दाला कुसो नाङज्‍येला मिहरोगी राहङगी स़ेबुला ताङ नाङसीन। चेवा माक्‍योदी दिराङ यिहम्‍बा।

२ कोरिन्‍थी 5:21

मास्‍यीकाला तिहक्‍पाराङ म़ेहबा येहकें, यिहॱनाङ किन्‍ज्‍योगी मास्‍यीका लाहमले ओहराङला मिहरो दिनला ठाबे सी़ह ख़ूज्‍यु म़ेदी मास्‍यीका थो़ला ओहराङगी तिहक्‍पाया़ ज़्‍या़ नाङसीन।

१ कोरिन्‍थी 2:12

ता़ह ओहराङगी जाम्‍बुलीङकी नाम्‍स्‍यी मिहम्‍बा, यिहॱनाङ किन्‍ज्‍योगी थु ज्‍योर्ती येह। किन्‍ज्‍योगी ओहराङला आहन्‍डाराङ नाङग्‍योकी ना थाम्‍ज्‍यीराङ तामया़ ङोह स्‍य़े ख़ूज्‍यु म़ेदीराङ ओहराङगी किन्‍ज्‍योगी थु ज़्‍योरक्‍यो यिहम्‍बा।

रोमी 6:23

च्‍यिबेमाना तिहक्‍पागी ले़गादी स्‍यिवा यिहम्‍बा, यिहॱनाङ किन्‍ज्‍योगी आहन्‍डाराङ नाङग्‍यो काबाप मास्‍यीका येशू ओहराङ चो़वोला था़ म़ेहबागी मिहली ज़ाङबु यिहम्‍बा।

रोमी 4:25

येशू ओहराङगी तिहक्‍पाकी तेहन्‍दाला टोहङ नाङसीन, ओहले ओहराङला टाहङबु सी़ह च्‍य़ू नाङज्‍येला किन्‍ज्‍योगी मिहरोला सोम्‍बो ज़्‍याङ च्‍य़ू नाङसीन।

मत्ती 3:17

ओ़हजेलाराङ स्‍यिहङगामले, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ सेम काहसो येह” म़ेदी माएँ सुङ-क़े च्‍यी़ थ़ेसीन।

ज्‍याल्‍गा 21:7

सु सुगी क्‍याहल्‍गे, खोगी ङाहलेगी दि ओङ ज्‍योर्च्‍ये येह। ङाह खोती किन्‍ज्‍यो ओहङज्‍ये येह ओहले खो ङाहगी पुह-पोहमो ओहङज्‍ये येह।

२ कोरिन्‍थी 4:15

दि थाम्‍ज्‍यी ख्‍याया़गी तेहन्‍दालाराङ काहल्‍ग्‍यो यिहन च्‍यिबेमाना काह-ठि पेहती काटीन माहङबु म़ेदी माहङबु मिहया़गी पाहरक्‍यीला फेल्‍दी डोएँ, ओ़हठीॱराङ पेहती किन्‍ज्‍योगी ज़िज्‍यिदगी तेहन्‍दाला थुज्‍यी-छ्ये़ फुल्‍गेन्‍गी छ्या़लेया़ॱआङ फेल्‍दी डोएँ।

रोमी 11:21

किन्‍ज्‍योगी तोहङ यिहन्‍ज्‍युराङ येहकेन्‍गी याहल्‍गाया़लानी ल़े माहताङ माना ख्‍याया़ॱलाङ ल़े ताङ नाङज्‍ये म़ेह।

मत्ती 7:11

ओ़ह सोङबे ख्‍याया़ मिह ङ्येहम्‍बा यिहन्‍देॱआङ राहङगी पुह पोहमोला या़हबु से़हया़ तेर स्‍य़े फान्‍ज्‍योनी तोहरोङ स्‍यिहङगामला ज़्‍य़ू नाङगेन ख्‍याया़गी याहप किन्‍ज्‍यो ङ्याम्‍बु लाङगेन्‍दीला काहजे माहङबु जेती या़हबु से़हया़ नाङज्‍ये येह” म़ेदी येशूगी सुङ नाङसीन।

२ कोरिन्‍थी 6:10

ङ्यिह माहङबुराङ तुहक्‍पु ङ्युहङग्‍यो येहबा यिहॱनाङ ङ्यिह सेम काहसो पेहकें। ङ्यिह प्राङबु येहबा यिहॱनाङ मिह माहङबुला छ्युक्‍पु ज़ोएँ। ङ्यिह ङ्याम्‍बु च्‍यिॱआङ म़ेह यिहॱनाङ ना थाम्‍ज्‍यीराङ येह।