रोमी 8:18 - ह्योल्‍मो

¹⁸ च्‍यिबेमाना ङाहती सेमला दि ल़ेहमु ने़उ दु, ओहराङ थो़ला तेन नाङगे ज़िज्‍यिद ङ्याम्‍बु ताहन्‍दाकी तुहक्‍पुया़ तुहर मी़हखुएँ।

रोमी 8:18 Referans Kwoze

१ पत्रुस 4:13

यिहॱनाङ मास्‍यीकाकी तुहक्‍पु ख्‍यागीॱआङ ङ्याम्‍बुराङ खुर ङ्युहङगेमु क़ेहनाङ पेहतोङ, ओहले मास्‍यीका राहङगी ज़िज्‍यिद छ्यिम्‍बुला फेप नाङगेमु ख्‍याॱआङ क़ेहनाङ दाङ सेम काहसो पेह ख़ूज्‍ये येह।

कलस्‍सी 3:4

ख्‍यागी तेहन्‍दामगी मिहलीनी मास्‍यीकाॱराङ यिहम्‍बा ओहले मास्‍यीका जाम्‍बुलीङला लो़हदी फेप नाङगेमु मिह थाम्‍ज्‍यीगी मिहरोला थोङज्‍ये येह, ओ़ह ती़हजीला ख्‍याया़लाॱआङ मिहरोकी ज़िज्‍यिद ङ्याम्‍बुराङ ओहङग्‍यो थोङज्‍ये येह।

ल़ेह-पेन 20:24

यिहॱनाङ, ङाहगी मिहली ङाहगी तेहन्‍दालानी च्‍यिॱआङ फेन थो़ज्‍ये म़ेह। ङाहला देजे च्‍यी़राङ सेम्‍बा येहबा, किन्‍ज्‍योगी मिहया़ला काटीन जे-नाङदी येहबा माएँ या़हबु लेहङगुगी तामया़ मिहया़ला स्‍य़े ख़ूज्‍यु म़ेदी ओ़ह छ्या़लेया़ तेहन्‍दा डुप च्‍य़ूज्‍येला चो़वो येशूगीराङ ङाहला कुल नाङग्‍यो यिहम्‍बा।

१ यूहन्‍ना 3:2

ए ङाहगी च्‍याहम्‍बु रो़हया़, ताहन्‍दानी ओहराङ किन्‍ज्‍योगी छार्क्‍यीनया़राङ यिहम्‍बा यिहॱनाङ तिङलेनी ओहराङ च्‍यि ओहङगे यिहम्‍बा, ओ़हगी तेहन्‍दाला किन्‍ज्‍योगी ओहराङला ह्‍अ कोह च्‍य़ू नाङदी म़ेह। यिहॱनाङ मास्‍यीका फेप नाङ फान्‍ज्‍यो ओहराङॱआङ मिहरो ल़ेहमुराङ डोज्‍ये येह च्‍यिबेमाना मिहरो काहन्‍डुमु येहबा, ओहराङगी मिहरोला ओ़ह ल़ेहमुराङ थोङज्‍ये येह।

१ पत्रुस 1:13

ओ़ह सोङबे ल़ेह पेहच्‍येकी तेहन्‍दाला ख्‍यागी सेम ठाबे ओहङ कोहएँ ओहले राहङगी सेम थिक-चिला ज़्‍या़ कोहएँ। येशू मास्‍यीका फेप नाङगेमु ज्‍योर्केन्‍गी काटीनलाॱराङ ख्‍या सेम तिहङ यिहन्‍ज्‍यु म़ेहबा पेहती तेहतोङ।

२ थेसलोनिकी 2:14

दिगी तेहन्‍दालाराङ ओहराङगी स्‍येक्‍योगी या़हबु लेहङगु लाहमले ओहराङगी चो़वो येशू मास्‍यीकाकी ज़िज्‍यिद राहङ फ़ेबे-म़ेहमेया़गी ज्‍योर ख़ूज्‍यु म़ेदी किन्‍ज्‍योगी राहङ फ़ेबे-म़ेहमेया़ला क़े क्‍याहप नाङग्‍यो यिहम्‍बा।

१ पत्रुस 5:1

ङाहॱआङ छेन्‍छोककी एल्‍डर यिहन्‍गे सोङबे ङाह ख्‍या एल्‍डरया़ला ओहर-छ्य़े स्‍युहउ येहबा च्‍यिबेमाना मास्‍यीकागी तुहक्‍पु खुर नाङग्‍यो ङाहगी थोङदी येह ओहले मास्‍यीकाकी राहङगी ज़िज्‍यिद तेन नाङगे ङ्यिहमाला ङाहॱआङ मिहरो ङ्याम्‍बु ओहङज्‍ये येह।

हिब्रू 11:35

तेहपा लाहमलेॱराङ पी़हमी-पेहजाया़गी राहङ ङयेहवाया़ला स्‍यिक्‍योलेगी सोम्‍बो लो़हक्‍यो थोङसीन। लेहमेन काहजे मिहया़गीदी स्‍यिदीले येहपाराङ सोम्‍बो लो़हदी जेन या़हबु मिहली ज्‍योर्च्‍येकी तेहन्‍दाला, ताहन्‍दा तुहक्‍पु खुर्ते स्‍यिज्‍येला ठाबे पेहसीन।

रोमी 8:19

किन्‍ज्‍योगी राहङगी पुह-पोहमो तेन नाङगेन्‍गी ङ्यिहमा ताज्‍येला मिहरोगी छ्या़ च्‍य़ू नाङग्‍योगी रेबेॱराङ से़हया़गी ज्‍यिबुराङ छ्यिम्‍बु रेहवा पेहती कू़हदी तेहती येहबा।

तीतस 2:13

ङ्यिहगी सोनाम-साक्‍पुकी रेहवा– ओहराङगी थाम्‍ज्‍यी म़ेदी चा़ छ्यिम्‍बु किन्‍ज्‍यो दाङ ओहराङला थार्पा नाङगेन येशू मास्‍यीका राहङगी ज़िज्‍यिद छ्यिम्‍बुला फेप नाङगेन्‍गी ङ्यिहमाला ङ्यिह क़ूह तेहको येहबा।