रोमी 7:9 - ह्योल्‍मो

⁹ ती़हजी च्‍यी़ला ङाहगी छ्य़े-ठिम माहन्‍ज्‍योर्पा येहकें ओहजेला ङाह सोम्‍बोराङ येहकें, यिहॱनाङ का़ ज्‍योर फान्‍ज्‍यो ओ़ह ङ्याम्‍बु-ङ्याम्‍बुराङ तिहक्‍पाॱआङ ओहङसीन, ओहले ङाह राहङती स्‍यिसीन।

रोमी 7:9 Referans Kwoze

गलाती 3:10

छ्य़े-ठिमकी ल़ेहया़ थो़ला यिह छ्य़ेगे मिह थाम्‍ज्‍यीला मे़मु सू़हदे येहबा, च्‍यिबेमाना छ्य़ेला दि ल़ेहमु प्री़हदे येहबा, “छ्य़े-ठिमला प्रुहक्‍योकी थाम्‍ज्‍यीराङ काया़ मी़हचीगे दाङ मिहङ्यीहन्‍गे मिह थाम्‍ज्‍यीला मे़मु सू़हज्‍ये येह।”

रोमी 8:7

च्‍यिबेमाना ज़ुबु लाहमले पेहकेन तिहक्‍पाकी पेहताङया़ थो़ला सेम ताङगे मिह किन्‍ज्‍योगी टाह यिहम्‍बा। खो किन्‍ज्‍योकी छ्य़े-ठिमगी ओङ चो़ला तेह मी़हखुएँ ओहले खोगी छ्य़े-ठिमॱआङ ची़ मी़हखुएँ।

गलाती 2:19

च्‍यिबेमाना किन्‍ज्‍योकी तेहन्‍दाला थार ख़ूज्‍यु म़ेदीराङ ङाह छ्य़े-ठिम लाहमले छ्य़े-ठिमकी तेहन्‍दाला मास्‍यीका ङ्याम्‍बुराङ क्‍याहङस्‍यीङला स्‍यि सिहन्‍दी येह।

रोमी 10:5

मोशागी छ्य़े-ठिम लाहमले ओहङगेन टाहङदेनकी तेहन्‍दाला दि ल़ेहमु प्रुह नाङदी येह, “छ्य़े-ठिम ची़गे मिह ओ़ह लाहमलेॱराङ थार्च्‍ये येह।”

रोमी 7:11

च्‍यिबेमाना तिहक्‍पागी का लाहमले लोहङ ज्‍योर्ती ङाहला चिहन क्‍याहप्‍सीन, ओहले दि लाहमलेॱराङ ङाहला स्‍यि च्‍य़ूसीन।

रोमी 7:6

ओहराङ मास्‍यीका ङ्याम्‍बुराङ स्‍यिक्‍यो सोङबे ता़ह ओहराङ छ्य़े-ठिम यिहन्‍ज्‍यु टोहल्‍सीहन्‍सीन। ता़हनी ओहराङ छ्य़े-ठिमगी ओङ चो़ला म़ेह। छ्य़े-ठिमगी माक्‍यो ल़ेहमु निङबा छ्याप्‍स्‍यीगी मिहम्‍बा ता़ह ओहराङ किन्‍ज्‍योकी थु लाहमले साम्‍बा छ्याप्‍स्‍यी पेहती स्‍याहप्‍तो स्‍युह कोहएँ।

रोमी 7:4

दि ल़ेहमु पेहती आदा नो़ह दाङ आज्‍यी-नुहमुया़, ख्‍याया़ॱआङ मास्‍यीकाकी कुसो ङ्याम्‍बुराङ छ्य़े-ठिमला स्‍यि सिहन्‍दी येह ओ़ह सोङबे टोहङग्‍योलेगी सोम्‍बो ज़्‍याङ नाङगे मास्‍यीका ङ्याम्‍बु ख्‍याया़ च्‍यी़राङ काहल्‍दी येह। ता़ह ओहराङगी किन्‍ज्‍योगी तेहन्‍दाला या़हबु ल़ेहया़ पेहती तेन्‍दोया़ या़ह च्‍य़ू ख़ूएँ।

लूका 18:21

ओहले खोगी मासीन, “दि काया़नी ङाहगी फेमा यिहन्‍ज्‍युराङ ची़दी ओहङदी येहबा ला़ह!”

लूका 15:29

“यिहॱनाङ खोगी आबाला दि ल़ेहमु म़ेदी ल़ेहन क्‍याहप्‍सीन, ‘देजे लोह थु ङाह आबागी खाङबाला योक्‍पु ल़ेहमुराङ पेहती ल़ेह पेहसीन। ओहले राहङगी नाङग्‍योकी काया़ ङाहगी नाहम्‍माॱनाङ ची़दी तेहसीन। यिहॱनाङ ङाहलादी नाहमॱआङ रो़हया़ ङ्याम्‍बु छो़दी साहज्‍येला राह पी़हरु च्‍यी़ॱआङ माहनाङ’।”

मत्ती 19:20

ओहले ओ़ह स्‍यारा मिहगी मासीन, “दि थाम्‍ज्‍यी काया़नी ङाहगी ची़देॱराङ ओहङदी येह। लेहमेन च्‍यि पेह कोहकें ले?” म़ेदी स्‍युहसीन।

रोमी 7:8

छ्य़े-ठिमगी का तेरक्‍यो सोङबे तिहक्‍पागी लोहङ ज्‍योर्ती ङाहती सेमला ह्‍अम्‍बा क्‍ये च्‍य़ूसीन च्‍यिबेमाना छ्य़े-ठिम म़ेहबा यिहनानी तिहक्‍पागी ओहराङगी मिहजीला ओङॱराङ छ्य़ेज्‍ये म़ेहबा येहकें।

रोमी 7:10

नाहमॱआङ स्‍यिज्‍ये म़ेहबागी मिहली ज़ाङबुला क्‍याल कोहएँ कागीनी ङाहला स्‍यिवाला गा क्‍याल्‍सीन!