रोमी 7:22 - ह्योल्‍मो

²² च्‍यिबेमाना ङाह राहङगी सेम तिहङ यिहन्‍ज्‍युराङ किन्‍ज्‍योकी छ्य़े-ठिमला काहसो पेहकें।

रोमी 7:22 Referans Kwoze

हिब्रू 8:10

चो़वो छ्येवागी सुङ नाङसीन, ओ़ह ङ्यिहमा तिङले ङाह इस्राएलगी खाङबा म़ेहमे ङ्याम्‍बु दि ताहम्‍ज्‍या ज़्‍या़ज्‍ये येह, ङाह खुङया़गी सेमला ङाहती छ्य़े-ठिम ज़्‍या़ तेर्च्‍ये येह, ओहले ङाह खुङया़गी सेमला ओ़ह छ्य़े-ठिम प्री़ह तेर्च्‍ये येह, ओहले ङाह खुङया़गी किन्‍ज्‍यो ओहङज्‍ये येह, ओहले खुङ ङाहती मिहया़ ओहङज्‍ये येह।

२ कोरिन्‍थी 4:16

ओ़ह सोङबे ङ्यिह नाहमॱआङ का मे़हक्‍याहल्‍गे। ङ्यिहगी मिहजी ज़ुबुला तोङदी डोॱनाङ ङ्यिहती यिहगी मिहजीती ङ्यिहमा-टाहङमाराङ साम्‍बा पेहती डोएँॱराङ येह।

एफिसी 3:16

मिहरोकी चा़ छ्यिम्‍बु क्‍युह दाङ थु लाहमले ख्‍याया़गी ओङ ज्‍योर ख़ूज्‍यु ओहले ओ़ह ओङगी ख्‍याया़ला नाहङ यिहन्‍ज्‍युराङ स्‍युक छ्यिम्‍बु ज़ो ख़ूज्‍यु म़ेदी ङाह किन्‍ज्‍यो ङ्याम्‍बु सोल्‍वाङ ताप्‍को येह।

१ पत्रुस 3:4

यिहॱनाङ ख्‍यागी नाहङ सेमदी या़हबु ओहङ कोहकें, ओ़ह नाहमॱआङ याहल्‍दी मेहन्‍डोएँ ङ्येम्‍ज्‍युङ दाङ स्‍य़िहदेकी केहन्‍ज्‍याया़गी राहङगी सेम ज़ाप कोहएँ यिहम्‍बा ओ़ह किन्‍ज्‍योगी ज़ी़लुला ज्‍यिबुराङ रिहन केहपु येहबा।

रोमी 8:7

च्‍यिबेमाना ज़ुबु लाहमले पेहकेन तिहक्‍पाकी पेहताङया़ थो़ला सेम ताङगे मिह किन्‍ज्‍योगी टाह यिहम्‍बा। खो किन्‍ज्‍योकी छ्य़े-ठिमगी ओङ चो़ला तेह मी़हखुएँ ओहले खोगी छ्य़े-ठिमॱआङ ची़ मी़हखुएँ।

कलस्‍सी 3:9

च्‍यी़गी च्‍यी़ला स्‍योप माहक्‍याहप, च्‍यिबेमाना ख्‍यागी राहङगी निङबा मिहली दाङ पेहताङया़ थाम्‍ज्‍यीराङ पाङ सिहन्‍दी येह।

यूहन्‍ना 4:34

ओहले येशूगी खुङया़ला सुङ नाङसीन, “ङाहला ताङ नाङगेन याहपकी का दाङ मिहरोगी छ्या़ले छाङबु पेहकेन्‍दीराङ ङाहती साहप्‍च्‍या यिहम्‍बा।

रोमी 2:29

नाहङ ज़ोप्‍तागी च्‍यी़राङ तेहन्‍दामकी यहूदी ओहङ ख़ूएँ, ओहले तेहन्‍दामकी स्‍या-ताकती सेम नाहङगी ताम यिहम्‍बा, दि यिहक्‍तेन ताम यिहम्‍बा, प्रुहक्‍यो छ्य़े-ठिमकी ताम मिहम्‍बा। दि ल़ेहमु मिहला मिहया़गी मिहम्‍बा किन्‍ज्‍योगी च्‍यी़राङ या़हबु सुङदी क्‍या़ नाङगे।