Biblia Todo Logo
Bib sou entènèt

- Piblisite -




रोमी 7:14 - ह्योल्‍मो

14 छ्य़े-ठिम यिहक्‍तेन यिहम्‍बा म़ेदीनी ओहराङला क्‍यी़हराङ येह, यिहॱनाङ ङाहती यिहक्‍तेन मिहम्‍बा ओहले ङाह तिहक्‍पाकी योक्‍पु काहल्‍दी चोङ सिहन्‍दी येह।

Gade chapit la Kopi




रोमी 7:14
38 Referans Kwoze  

च्‍यिबेमाना ङाहती दि तिहक्‍पाकी पेहताङगी काहङग्‍योगी ज़ुबुला च्‍यिॱआङ या़हबु से़हया़ मेहतेहकें म़ेदीनी ङाहला क्‍यी़ह येह। या़हबु ल़ेहया़ पेहकेन्‍की सेम्‍बा ङाह ङ्याम्‍बु येहतीॱआङ ङाहगी ओ़ह पेह मी़हखुएँ।


मास्‍यीकाकी नाम्‍पार-ताहक्‍पा मिहया़ नाहङला ङाह थाम्‍ज्‍यी म़ेदी फेनराङ मे़हथोएँ येहॱनाङ मिहकी नावागी ङोहॱराङ स्‍य़े मी़हखुएँ मिहरोकी क्‍युहकी या़हबु लेहङगु लेहमेन क्‍यिहपाकी मिहया़ला स्‍येकेन्‍गी काटीन किन्‍ज्‍योगी ङाहला नाङसीन।


यिहॱनाङ ङाह ख्‍याया़ला माएँ, का़हन्‍दीगीॱआङ सुज्‍यी पी़हमी-पेहजाया़ला सेम चोक्‍पागी ताएँ, खोगी तोहङलेराङ राहङगी सेमला ओ़ह पी़हमी ङ्याम्‍बु छ्येउ-छ्येंमु पेह सिहन्‍ग्‍यो ओहङगे।


यिहॱनाङ ङाह ख्‍याया़ला माएँ, का़हन्‍दीगी राहङगी नो़ह ङ्याम्‍बु स्‍यिहताङ पेहकें खो ङ्य़ेहबा खुर्च्‍ये सी़हएँ, ओहले का़हन्‍दीगी राहङगी नो़हला ङ्याप्‍च्‍यु पेहकें, खोगी छो़बा छ्यिम्‍बुगी दिनला ल़ेहन क्‍याहप कोहच्‍ये येह। यिहॱनाङ का़हन्‍दीगी राहङगी नो़हला ‘ख्‍ये उल्‍दुम्‍बा’ म़ेदी माएँ, खो ङ्याल्‍वागी मेहला छ्यिकेन्‍गी ज्‍यिक्‍पा ओहङज्‍ये येह।”


ओहले येशू खुङ ङ्याम्‍बुराङ फेप नाङसीन। ओहले येशू रोमी माक्‍पेनगी खाङबा पोहला लेप्‍च्‍ये जेकेमु माक्‍पेनगी राङगी रो़हया़ला दि ल़ेहमु लेहङगु येशूसाला ताङसीन, “ओ़ चो़वो छ्येवा, राहङगी ओहप्‍क्‍याल जे नाङ मेहकोहएँ ला़ह, च्‍यिबेमाना राहङला ङाहगी खाङबा नाहङला फेप स्‍य़ूहज्‍येला ङाह सी़हज्‍ये म़ेह,


दि थोङदी सिमोन-पत्रुस येशूगी स्‍याहपला पी़मु च़ूदी पत्रुसगी मासीन, “ओ़ चो़वो छ्येवा ला़ह, ङाहगी पोहला ज़्‍य़ू माहनाङ, ङाह तिहक्‍च्‍येम्‍बा यिहम्‍बा।”


यिहॱनाङ ओ़ह मिह ङ्याम्‍बु पेहलेन च्‍याल्‍ज्‍येला दाङज्‍ये थु टाङगा म़ेहबा येहकें। ओ़ह सोङबे ओ़ह क्‍याहल्‍बुगी ‘खोला का़ह येहकेन्‍दी क्‍युह नोहर, पी़हमी, पुह-पोहमो दाङ राहङगी राहङलाराङ चोङदी पेहलेन च्‍याल्‍दोङ’ म़ेदी का नाङसीन।


येशूगी पत्रुस ङो़ले लो़हदी सुङ नाङसीन, “ए ती़ह गो-छ्येवा, ङाहगी दिनले थेन्‍दी सोङ। ख्‍ये ङाहगी लाहमला नार्तो क्‍याहप्‍केन तोह ज़्‍या़ज्‍ये छोल्‍गे! ख्‍येगी दि साम्‍लु किन्‍ज्‍योलेगी मिहम्‍बा, यिहॱनाङ मिह ङो़लेगी ओहङग्‍यो यिहम्‍बा।”


च्‍यिबेमाना किन्‍ज्‍योगी सुङ सोम्‍बो येह ओहले दिगी छ्या़ले जे नाङगेराङ येहबा। ओहले दि, खा ङ्यी़ येहकेन्‍गी पादाङ म़ेदीॱआङ नोम्‍बु येहबा। ओहले दिगी सो दाङ नाम्‍स्‍यीला ओ़हगी छी़ दाङ रेहको नाहङगी काङ थु तोल्‍गे ओहले सेम नाहङगी तामया़ दाङ सेम्‍बाया़ला दिगी ङ्याहम च्‍येती ताएँ।


ओ़हठी यिहन्‍सीमाना च्‍यि ओहराङ यहूदीया़ लेहमेन क्‍यिहपाया़ म़ेदी या़हबु यिहम्‍बा ले? मिहम्‍बा, ओ़ह ल़ेहमु यिहनॱराङ मिहन। यहूदी दाङ लेहमेन क्‍यिहपाया़ॱआङ तिहक्‍पाकी ओङ चो़ला येह म़ेदी ङाहगी फातुर च़ू सिहन्‍दी येह।


ओहराङला दि क्‍यी़हराङ येह, तिहक्‍पागी ओङ छ्य़े तेहक्‍योकी मिहली तोङज्‍यु म़ेदी, ओहले ता़ह यिहन्‍ज्‍यु ओहराङ तिहक्‍पाकी योक्‍पु माहन्‍डोज्‍यु म़ेदी ओहराङगी तोहङमागी मिहली मास्‍यीका ङ्याम्‍बुराङ क्‍याहङस्‍यीङला च्‍याङ सिहन्‍दी येह।


मास्‍यीका फेप नाङगे म़ेदी तोहङले ओहराङॱआङ ओ़ह ल़ेहमुराङ येहकें ओहले जाम्‍बुलीङला ओङ छ्य़ेगे नाम्‍स्‍यीया़गी ओङ चो़ला ज्‍युल्‍दी तेहती येहकें।


Swiv nou:

Piblisite


Piblisite