रोमी 7:12 - ह्योल्‍मो

¹² छ्य़े-ठिम नाम्‍पार-ताहक्‍पा येह, ओहले काॱआङ नाम्‍पार-ताहक्‍पा, टाहङबु दाङ या़हबु येहबा।

रोमी 7:12 Referans Kwoze

१ तिमोथी 1:8

ओहराङला क्‍यी़ह येहबा, या़हबु पेहती ची़सीमाना छ्य़े-ठिम ज्‍यिबुराङ या़हबु ताम यिहम्‍बा।

रोमी 7:14

छ्य़े-ठिम यिहक्‍तेन यिहम्‍बा म़ेदीनी ओहराङला क्‍यी़हराङ येह, यिहॱनाङ ङाहती यिहक्‍तेन मिहम्‍बा ओहले ङाह तिहक्‍पाकी योक्‍पु काहल्‍दी चोङ सिहन्‍दी येह।

रोमी 3:31

ता़ह च्‍यि ओहराङ दि यिह-छ्य़े लाहमलेॱराङ छ्य़े-ठिम गोम्‍ज्‍ये ले? मिहम्‍बा, ओ़ह ल़ेहमु मिहन! तोहरोङ ओहराङगीनी छ्य़े-ठिम तोहङमा काहन्‍डुमु येहबा ओ़हठीॱराङ ज़्‍या़गे मिहया़ गा यिहम्‍बा।

रोमी 12:2

ख्‍या जाम्‍बुलीङकी मिहया़ला पे त़ेदी खुङ ल़ेहमुराङ पेहच्‍ये माहछोल, यिहॱनाङ ख्‍या राहङ सेमला साम्‍बा काहल्‍दी सेम तिहङ यिहन्‍ज्‍युराङ किन्‍ज्‍यो ङो़ले ग्‍युर्तोङ। ओहले किन्‍ज्‍योकी ज़ी़लुला च्‍यि या़हबु यिहम्‍बा, च्‍यि से़हगी किन्‍ज्‍योकी थु काहसो ज़ोएँ ओहले किन्‍ज्‍योकी याहङ-ताहक्‍पा थु-सेम च्‍यि यिहम्‍बा, ओ़ह ख्‍याया़गी ङ्याहम च्‍ये ख़ूज्‍यु।

रोमी 7:16

दि ल़ेहमु पेहती ङाहगी सेम्‍बा माहबेबाकी ल़ेहया़ पेहसीनमाना ङाहगी छ्य़े-ठिमला ठाबे यिहन माएँ।