रोमी 6:5 - ह्योल्‍मो

⁵ च्‍यिबेमाना मिहरोगी स्‍यिवा ङ्याम्‍बु ओहराङॱआङ ङ्याम्‍बुराङ डी़क्‍यो येहसीमाना मिहरो टोहङग्‍योलेगी सोम्‍बो ज़्‍याङ नाङगेमु ओहराङॱआङ मिहरो ङ्याम्‍बु च्‍यी़राङ ओहङज्‍ये येह।

रोमी 6:5 Referans Kwoze

कलस्‍सी 2:12

च्‍यिबेमाना बप्‍तिस्‍मा लेहन्‍गेमु ख्‍या मास्‍यीका ङ्याम्‍बुराङ साला पिहप्‍क्‍यो येहकें। टोहङग्‍योलेगी मास्‍यीकाला सोम्‍बो ज़्‍याङ च्‍य़ू नाङगे किन्‍ज्‍योकी ओङला ख्‍यागी तेहपा पेहक्‍यो सोङबे ख्‍या मास्‍यीका ङ्याम्‍बुराङ सोम्‍बो काहल्‍दी येह।

२ कोरिन्‍थी 4:10

येशूगी मिहजी ङ्यिह राहङगी ज़ुबुला थोङ ख़ूज्‍यु म़ेदी ङ्यिह मिहरोगी स्‍यिवा नाहम्‍माॱनाङ राहङगी ज़ुबुला खुर्ती डोउ येह।

कलस्‍सी 3:1

का़हलेॱआङ ख्‍याया़ मास्‍यीका ङ्याम्‍बु सोम्‍बो लो़हक्‍यो यिहन्‍सीमाना ता़ह स्‍यिहङगामकी से़हया़ छोल्‍दोङ, ओ़हला मास्‍यीका किन्‍ज्‍योगी योबा छ्या़ ङो़ले ज़्‍य़ू नाङदी येह।

मत्ती 15:13

येशूगी सुङ नाङसीन, “स्‍यिहङगामला ज़्‍य़ू नाङगेन ङाहगी याहपगी च़ू माहनाङबादी थाम्‍ज्‍यीराङ तोहङबो रिङ यिहन्‍ज्‍युराङ पो नाङज्‍ये येह।

यूहन्‍ना 12:24

तेहम्‍बाराङ, ङाह ख्‍याला माएँ, ऩेहगी बुदी साला लेप्‍ती मा़हस्‍यी थु ओ़हदी ओ़हठीॱराङ लिहकें। यिहॱनाङ ओ़ह स्‍यिसीनमाना ओ़हगी माहङबुराङ सेदो या़हगे।