रोमी 6:3 - ह्योल्‍मो

³ ख्‍याया़ला क्‍यी़हराङ येह, ओहराङगी मास्‍यीकाला बप्‍तिस्‍मा ज्‍योर्केमु मिहरो ङ्याम्‍बु ओहराङॱआङ च्‍यी़राङ पेहती स्‍यिसीन।

रोमी 6:3 Referans Kwoze

गलाती 3:27

च्‍यिबेमाना मास्‍यीकाकी छेनला बप्‍तिस्‍मा लेहन्‍ग्‍यो थाम्‍ज्‍यीगी काप्‍च्‍या साम्‍बा केहन्‍ग्‍यो ल़ेहमुराङ मास्‍यीकालाॱआङ केहन्‍दी येह।

रोमी 6:8

ओ़ह सोङबे का़हलेॱआङ ओहराङ मास्‍यीका ङ्याम्‍बुराङ स्‍यिक्‍यो यिहनानी मिहरो ङ्याम्‍बुराङ सोम्‍बो लो़हज्‍ये येह माएँ तामला ओहराङ यिह छ्य़ेगे।

१ कोरिन्‍थी 12:13

च्‍यिबेमाना च्‍यिमे च्‍यी़राङ नाम्‍पार-ताहक्‍पा थु लाहमले ओहराङ थाम्‍ज्‍यीगी ज़ुबु च्‍यी़लाॱराङ बप्‍तिस्‍मा ज्‍योर्ती येह– यहूदी यिहॱना़ यिहन, ग्रीक यिहॱना़ यिहन, योक्‍पु यिहॱना़ यिहन, सुज्‍यीगी योक्‍पु माहबेबाकी मिह यिहॱना़ यिहन, ओहराङ थाम्‍ज्‍यीला च्‍यिमे च्‍यी़राङ नाम्‍पार-ताहक्‍पा थु लाहमले थुङज्‍येला नाङसीन।

१ पत्रुस 3:21

दि छ्युगी, बप्‍तिस्‍माकी पे तेन्‍गे दिगी ख्‍याला थार च्‍य़ूगे। दि ज़ुबुकी ङ्योक्‍पाया़ स्‍याल्‍ग्‍यो ल़ेहमु मिहम्‍बा यिहॱनाङ दि नावा चाङमा थो़दी किन्‍ज्‍यो ङ्याम्‍बु ज़्‍या़क्‍योगी ताहम्‍ज्‍या यिहम्‍बा। येशू मास्‍यीका टोहङग्‍योलेगी सोम्‍बो ज़्‍याङ नाङग्‍यो सोङबे बप्‍तिस्‍मागी ख्‍याला थार च्‍य़ूगे।

ल़ेह-पेन 2:38

ओहले पत्रुसगी मासीन, “ख्‍या थाम्‍ज्‍यीगी सेमगी स्‍या़बा पेहती तिहक्‍पा कोहङदागी तेहन्‍दाला येशू मास्‍यीकागी छेनला बप्‍तिस्‍मा लेहन्‍दोङ, ओहले ख्‍यागी किन्‍ज्‍योगी काबाप नाम्‍पार-ताहक्‍पा थु ज्‍योर्च्‍ये येह।

मत्ती 28:19

ओ़ह सोङबे ता़ह ख्‍याया़ काहल्‍दी थाम्‍ज्‍यीराङ क्‍यिहपाया़ला स्‍याहप्‍च्‍यी जे़दोङ। खुङया़ला किन्‍ज्‍यो याहप, स़ेबु दाङ नाम्‍पार-ताहक्‍पा थुगी छेनला बप्‍तिस्‍मा तेर,

याकूब 4:4

ए छ्येउ-छ्येंमु पेहकेन मिहया़! जाम्‍बुलीङला निङज्‍यी पेहकें मिह किन्‍ज्‍योकी टाह ओहङगे माएँ ताम च्‍यि ख्‍याला क्‍यी़ह म़ेहबा? ओ़ह सोङबे जाम्‍बुलीङला रोह ज़ोज्‍ये छोल्‍गेन्‍दीगी किन्‍ज्‍योला राहङगी टाह ज़ोएँ।

१ कोरिन्‍थी 9:13

च्‍यि ख्‍याया़ला क्‍यी़ह म़ेहबा, छ्योखाङला ल़ेह पेहकेनया़गी छ्योखाङ लाहमलेॱराङ साहएँ, ओहले छ्येकाङला ल़ेह पेहकें मिहया़गी छ्येकाङ लाहमलेॱराङ राहङगी बो लेहन्‍गे।

रोमी 7:1

आदा नो़ह दाङ आज्‍यी-नुहमुया़, ङाह दि ताम छ्य़े-ठिम स्‍य़ेगेया़ला माएँराङ येहबा। मिह थार्ती तेहकें ती़हजी थु च्‍यी़राङ मिहला छ्य़े-ठिमगी ताहम्‍ग्‍यो ओहङगे। च्‍यि दि ताम ख्‍याया़ला क्‍यी़ह म़ेहबा ले?

रोमी 6:16

ख्‍ये का़हन्‍दीगी का ची़गे ख्‍ये खोदीॱराङ योक्‍पु डोएँ। तिहक्‍पाकी योक्‍पु पेहती का ङ्यिहन्‍सीन माना ख्‍या स्‍यिज्‍ये येह यिहॱनाङ किन्‍ज्‍योकी का ङ्यिहन्‍सीमाना ओ़हदीगी ख्‍याला टाहङदेनकी लाहम ङो़ले ठिच्‍ये येह।

ल़ेह-पेन 19:5

दि ताम थ़े फान्‍ज्‍यो खुङगी चो़वो येशूगी छेनला बप्‍तिस्‍मा लेहन्‍सीन।

१ कोरिन्‍थी 6:9

टाहङबु म़ेहबाकी मिहया़ स्‍यिहङगामकी क्‍याहल्‍सीला स्‍युह ङ्युहङज्‍ये म़ेह माएँ ताम च्‍यि ख्‍याया़ला क्‍यी़ह म़ेहबा? राहङगी राहङला चिहन माहक्‍याहप। देक्षागी बान्‍डन ल़ेह पेहकेनया़, कुला छ्येपा फुल्‍गेया़, छ्येउ-छ्येंमु पेहकेनया़, मिहगी ख्‍योवा दाङ पी़हमी थो़ला देक्षागी सेम च्‍याङगेनया़, ख्‍योवा पेहजा नाहङदोङ पा़हमा पेहकेनया़,

१ कोरिन्‍थी 5:6

ख्‍याया़गी छ्य़ेन्‍दो तेन्‍गेन्‍दी या़हबु मिहम्‍बा। च्‍योप्‍क्‍यो चाम्‍बाला सिपाज्‍यीराङ खमिर लू़सीमाना चाम्‍बा रेबेॱराङ फोर्के माएँदी च्‍यि ख्‍याया़ला क्‍यी़ह म़ेहबा?

ल़ेह-पेन 8:16

च्‍यिबेमाना ओहजे काहङला नाम्‍पार-ताहक्‍पा थु सु थोॱलाङ फेप माहनाङबा येहकें, खुङया़गी चो़वो छ्येवा येशूगी छेनला च्‍यी़राङ बप्‍तिस्‍मा ज़्‍योरक्‍यो येहकें।

२ कोरिन्‍थी 13:5

ख्‍याया़ती यिह-छ्य़े येहबानी म़ेहबा तोहङले ओ़ह राहङगी राहङला या़हबु पेहती ङ्याहम च्‍येती त़ेदोङ। राहङला ङ्याहम च्‍येतोङ। का़हलेॱआङ येशू मास्‍यीका ख्‍ये ङ्याम्‍बु ज़्‍य़ू नाङदी येहसीमाना ख्‍ये ठाबे सी़हज्‍ये येह ओहले ख्‍ये फेन थो़ज्‍ये येह। मिहन्‍सीमाना ख्‍ये फेन थो़ज्‍ये म़ेह।

१ कोरिन्‍थी 15:29

मिहन्‍सीमानानी स्‍यिएँया़गी तेहन्‍दाला बप्‍तिस्‍मा लेहन्‍गे मिहया़ला च्‍यि ख्‍येप्‍साङ काहल्‍बा ले? का़हलेॱआङ स्‍यिक्‍योया़ सोम्‍बो मेहलोहसीन मानानी च्‍यिबे खुङया़ला ओ़हगी तेहन्‍दाला बप्‍तिस्‍मा तेर्पा ले?

१ कोरिन्‍थी 3:16

ख्‍या किन्‍ज्‍योकी छ्योखाङ यिहम्‍बा ओहले किन्‍ज्‍योकी थु ख्‍या नाहङला ज़्‍य़ू नाङगे। च्‍यि दि ताम ख्‍याया़ला क्‍यी़ह म़ेहबा?

१ कोरिन्‍थी 6:19

च्‍यि ख्‍याया़गी ज़ुबु नाम्‍पार-ताहक्‍पा थुगी छ्योखाङ यिहम्‍बा म़ेदी ख्‍याया़ला क्‍यी़ह म़ेहबा? किन्‍ज्‍योगी नाङग्‍योकी नाम्‍पार-ताहक्‍पा थुराङ ख्‍याया़गी ज़ुबु नाहङला ज़्‍य़ू नाङगे। ओ़ह सोङबे ख्‍याया़ राहङॱआङ राहङदी मिहम्‍बा।

१ कोरिन्‍थी 9:24

तेहम्‍बाराङ ख्‍याया़ला क्‍यी़ह येहबा। छ्योङ-छ्योङ चेएँमु मिह थाम्‍ज्‍यीराङ छ्योङगे, यिहॱनाङ च्‍याहगादी मेहन्‍दा च्‍यी़गीज्‍यीराङ ज्‍योर्के। ओ़ह सोङबे ख्‍याया़ॱआङ च्‍याहगा ज्‍योर्के छ्याप्‍स्‍यी पेहती छ्योङदोङ।

१ कोरिन्‍थी 10:2

ओहले खुङ फ़ेबेॱया मोशागी तिङदा तिङ फेप नाङगेमु खुङ फे़बेया़गी मुक्‍पा दाङ छो-क्‍याहम्‍जो लाहमले बप्‍तिस्‍मा ज्‍योर्सीन।