रोमी 6:15 - ह्योल्‍मो

¹⁵ ता़ह च्‍यि ले? च्‍यि ओहराङ छ्य़े-ठिमकी ओङ चो़ला म़ेहबा, यिहॱनाङ काटीनकी ओङ चो़ला येहबा म़ेदीनी तिहक्‍पा पेहच्‍ये ले? ओ़ह ल़ेहमु मिहम्‍बा।

रोमी 6:15 Referans Kwoze

यहूदा 1:4

च्‍यिबेमाना माहङबुराङ तोहङले ङ्य़ेहबा फो़ज्‍ये सी़ह सिहन्‍ग्‍योकी लाहला मिहया़ खाजुम्‍बाला ख्‍या फे़बे मे़हमेया़की पाहरक्‍यीला स्‍युहसीहन्‍दी येह। खुङ किन्‍ज्‍योला मेहक्‍याप्‍केन्‍गी मिहया़ यिहम्‍बा, खुङगी ओहराङकी किन्‍ज्‍योकी काटीनला ल़ेह ङ्येहम्‍बा पेहकेन्‍गी छेन्‍ज्‍याया़ जे़दी येह ओहले ओहराङगी च्‍यिमी च्‍यी़राङ ताहक्‍पु दाङ चो़वो, येशू मास्‍यीकाला मा-लोक पेहकें।

२ कोरिन्‍थी 7:1

ओ़ह सोङबे ए ङाहगी च्‍याहम्‍बु रो़हया़, ओहराङ ङ्याम्‍बु दि ल़ेहमु ताहम्‍ज्‍याया़ येहकें सोङबे ज़ुबु दाङ यिहला मेहचाङा ज़ोएँगी यिहन्‍जे मिहन्‍जे से़हया़ ङो़ले ओहराङ था़-रिहङबुराङ तेहती राहङगी राहङला चाङमा ज़ो कोहएँ, ओहले किन्‍ज्‍योगी ज्‍यिक्‍पा खुर्ती ओहराङ नाम्‍पार-ताहक्‍पाकी लाहमला स्‍युह कोहएँ।

रोमी 3:9

ओ़हठी यिहन्‍सीमाना च्‍यि ओहराङ यहूदीया़ लेहमेन क्‍यिहपाया़ म़ेदी या़हबु यिहम्‍बा ले? मिहम्‍बा, ओ़ह ल़ेहमु यिहनॱराङ मिहन। यहूदी दाङ लेहमेन क्‍यिहपाया़ॱआङ तिहक्‍पाकी ओङ चो़ला येह म़ेदी ङाहगी फातुर च़ू सिहन्‍दी येह।

लूका 20:16

“ओहले स्‍यिहङ ताहक्‍पु ओहङदी खुङया़ला सेच्‍ये येह, ओहले कुहन्‍डुम स्‍यिहङ लेहमेन मिहया़ला तेर्च्‍ये येह।” मिहया़गी दि ताम थे़दी मासीन, “दि ल़ेहमु नाहमॱआङ माहयोहङज्‍यु!”