रोमी 6:1 - ह्योल्‍मो

¹ ओ़हठी यिहन्‍सीमानानी ता़ह ओहराङगी च्‍यि माज्‍ये ले? किन्‍ज्‍योगी ओहराङला काटीन बोल्‍बु जेती नाङगे म़ेदीनी च्‍यि ओहराङ तोहरोङ तिहक्‍पा पेहती तेहच्‍ये ले?

रोमी 6:1 Referans Kwoze

१ पत्रुस 2:16

राहङवाङ मिहया़गी ल़ेहमुराङ राहङगी मिहजी ताङदोङ, यिहॱनाङ राहङ राहङवाङ येह म़ेदी चोक्‍पा ल़ेहया़दी माहबे। बरु किन्‍ज्‍योकी योक्‍पुया़ ल़ेहमु पेहती राहङगी मिहजी ताङदोङ।

गलाती 5:13

आदा-नो़ह दाङ आज्‍यी-नुहमुया़, ख्‍यानी राहङवाङगी तेहन्‍दाला क़े क्‍याहप्‍क्‍यो यिहम्‍बा। यिहॱनाङ दि राहङवाङला तिहक्‍पाकी ल़ेहया़की तेहन्‍दाला चाल माहती। यिहॱनाङ चेवा पेहती च्‍यी़गी च्‍यी़ला या़हबु स्‍याहप्‍तो स्‍यी़हदोङ।

रोमी 6:15

ता़ह च्‍यि ले? च्‍यि ओहराङ छ्य़े-ठिमकी ओङ चो़ला म़ेहबा, यिहॱनाङ काटीनकी ओङ चो़ला येहबा म़ेदीनी तिहक्‍पा पेहच्‍ये ले? ओ़ह ल़ेहमु मिहम्‍बा।

रोमी 2:4

किन्‍ज्‍योगी ख्‍येला माहङबुराङ थुज्‍यी ज़ी़ नाङसीन ओहले मिहरोगी ख्‍येला ना़स्‍यीङ छ्यिम्‍बु जेती माहङबुराङ कू़हदी ज़्‍य़ू नाङसीन ता़ह ख्‍ये च्‍यि किन्‍ज्‍योला क्‍युक्‍टो पेहकें? किन्‍ज्‍योकी थुज्‍यीगी तिहक्‍पा पाङ च्‍य़ूदी स्‍या़बा पेह च्‍य़ूगे माएँ ताम च्‍यि ख्‍येला क्‍यी़ह म़ेहबा?

यहूदा 1:4

च्‍यिबेमाना माहङबुराङ तोहङले ङ्य़ेहबा फो़ज्‍ये सी़ह सिहन्‍ग्‍योकी लाहला मिहया़ खाजुम्‍बाला ख्‍या फे़बे मे़हमेया़की पाहरक्‍यीला स्‍युहसीहन्‍दी येह। खुङ किन्‍ज्‍योला मेहक्‍याप्‍केन्‍गी मिहया़ यिहम्‍बा, खुङगी ओहराङकी किन्‍ज्‍योकी काटीनला ल़ेह ङ्येहम्‍बा पेहकेन्‍गी छेन्‍ज्‍याया़ जे़दी येह ओहले ओहराङगी च्‍यिमी च्‍यी़राङ ताहक्‍पु दाङ चो़वो, येशू मास्‍यीकाला मा-लोक पेहकें।

रोमी 3:31

ता़ह च्‍यि ओहराङ दि यिह-छ्य़े लाहमलेॱराङ छ्य़े-ठिम गोम्‍ज्‍ये ले? मिहम्‍बा, ओ़ह ल़ेहमु मिहन! तोहरोङ ओहराङगीनी छ्य़े-ठिम तोहङमा काहन्‍डुमु येहबा ओ़हठीॱराङ ज़्‍या़गे मिहया़ गा यिहम्‍बा।