रोमी 5:9 - ह्योल्‍मो

⁹ दि ल़ेहमु पेहती मास्‍यीकाकी ठा़ लाहमले ओहराङला किन्‍ज्‍योकी दिनला टाहङबु सी़ह च्‍यु नाङसीन मानानी ता़ह तोहरोङ मिहरोगी ओहराङला किन्‍ज्‍योगी थुयाल यिहन्‍ज्‍यु थार च्‍य़ू नाङज्‍ये येह।

रोमी 5:9 Referans Kwoze

१ थेसलोनिकी 1:10

ओहले स्‍यिहङगामले माहर फेप नाङज्‍ये येह म़ेदी लाहम क़ूह तेहकेन किन्‍ज्‍योगी स़ेबुला किन्‍ज्‍योगीॱराङ टोङग्‍यो ग्‍या़लेगी सोम्‍बो ज़्‍याङ च्‍य़ू नाङसीन। ओ़ह स़ेबुराङ येशू यिहम्‍बा, ओहले ताहन्‍दा राहङया़गी क़ूह तेहक्‍योदीॱआङ मिह-रो़हलाॱराङ यिहम्‍बा। ओहले ओहराङ थो़ला ओहङज्‍ये पेहक्‍योगी किन्‍ज्‍योकी थुयाल ङो़ले थार च्‍य़ू नाङगेन्‍दीॱआङ मिह-रो़हराङ यिहम्‍बा।

रोमी 8:1

ओ़ह सोङबे मास्‍यीका येशूला येहकेन मिह थाम्‍ज्‍यीला किन्‍ज्‍योगी ङ्य़ेहबा काल नाङज्‍ये म़ेह।

एफिसी 2:13

यिहॱनाङ ओ़ह ती़हजीला ख्‍याया़ मास्‍यीका येशू यिहन्‍ज्‍यु था़-रिहङबु येहकें, ता़ह मिहरोगी राहङगी ठा़गी ख्‍याया़ला पोहला नोम फेप नाङदी येह।

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

रोमी 5:1

ओ़ह सोङबे ओहराङ यिह-छ्य़े लाहमले किन्‍ज्‍योकी दिनला टाहङबु सी़ह ख़ूसीन। ओहले ओहराङकी चो़वो येशू मास्‍यीका लाहमले ओहराङ किन्‍ज्‍यो ङ्याम्‍बु थिन ख़ूसीन।

रोमी 1:18

स्‍यिहङगामले माहर किन्‍ज्‍योकी थुयाल मिहया़की तिहक्‍पा दाङ ल़ेह ङ्येहम्‍बाया़ थो़ला बाप्‍ती येह। ओ़ह मिहया़गी राहङगी पेहक्‍योगी ल़ेह ङ्येहम्‍बाया़गी पेहतीराङ तेहन्‍दामला नेम ज़्‍या़दी येहबा।

हिब्रू 9:22

तेहम्‍बाराङ सुङरापला तासीमाना ठा़गी ना थाम्‍ज्‍यीराङ से़हया़ला चाङमा ज़ोएँ, ओहले ठा़ माहस्‍याहल थु तिहक्‍पा ता़ह मी़हखुएँ।

हिब्रू 9:14

मास्‍यीकाकी ठा़गीनी जेन माहङबु ख्‍यागी नोम्‍साङला तिहक्‍पाकी ल़ेहया़लेगी चाङमा ज़ोज्‍ये येह, ओहले ख्‍यागी सोम्‍बो ज़्‍य़ू नाङगेन किन्‍ज्‍योला स्‍याहप्‍तो स्‍युह ख़ूज्‍ये येह। च्‍यिबेमाना मिहरोगी नाहम्‍स्‍यी किन्‍दु ज़्‍य़ू नाङगे किन्‍ज्‍योगी थु लाहमले च्‍यिॱआङ क्‍येन म़ेहबा पेहती राहङगी राहङला किन्‍ज्‍योला मार्च्‍ये फुल नाङसीन।

रोमी 8:30

सु सुला किन्‍ज्‍योगी तोहङलेराङ दाम नाङबा, खुङया़ला मिहरोगी क़ेॱआङ क्‍याहप नाङसीन, ओहले सु सुला मिहरोगी क़े क्‍याहप नाङबा, खुङया़ला मिहरोगी टाहङबुॱआङ सी़ह च्‍य़ू नाङसीन, ओहले सु सुला मिहरोगी टाहङबु सी़ह च्‍य़ू नाङबा, खुङया़ला मिहरोगी ज़िज्‍यिदॱआङ नाङसीन।

१ यूहन्‍ना 1:7

यिहॱनाङ मिहरो येहसेरला ज़्‍य़ू नाङग्‍यो ल़ेहमुराङ का़हलेॱआङ ओहराङॱआङ येहसेरला डोलु-तेहलु पेहसीनमाना, च्‍यी़गी च्‍यी़ ङ्याम्‍बु ओहराङगी छोक्‍पा ओहङगे ओहले मिहरोगी स़ेबु येशूकी ठा़गी ओहराङगी थाम्‍ज्‍यीराङ तिहक्‍पाया़ला चाङमा ज़ो नाङगे।

रोमी 5:10

च्‍यिबेमाना ओहराङ किन्‍ज्‍योगी टाह येहकेमुराङ मिहरोगी स़ेबु ओहराङगी तेहन्‍दाला टोहङ नाङसीन ओहले मास्‍यीकाकी स्‍यिवा लाहमले किन्‍ज्‍योगी ओहराङला राहङदीराङ रो़ह ज़ो नाङदी येह मासीमाना, ता़ह ओहराङ तोहरोङ माहङबु किन्‍ज्‍यो ङ्याम्‍बुराङ डी़क्‍यो सोङबे मास्‍यीकाकी मिहली लाहमले किन्‍ज्‍योगी ओहराङला थार च्‍य़ू नाङज्‍ये येह।

एफिसी 2:3

लेहमा च्‍यी़ ओहराङॱआङ खुङ ल़ेहमुराङ येहकें ओहले ओहराङ थाम्‍ज्‍यी राहङ ज़ुबु दाङ सेमगी लाङगे से़हया़ छाङबु पेहती राहङ तिहक्‍पाकी पेहताङला छ्यिती मिहजी ताङगो येहकें। राहङ पेहताङगी पेहती ओहराङॱआङ खुङ ल़ेहमुराङ किन्‍ज्‍योकी थुयालला छ्यिती येहकें।