Biblia Todo Logo
Bib sou entènèt

- Piblisite -




रोमी 5:8 - ह्योल्‍मो

8 यिहॱनाङ किन्‍ज्‍योगी राहङगी चेवा ओहराङला दि ल़ेहमु जेती तेन नाङसीन, ओहराङ तिहक्‍च्‍येम्‍बा येहकेमुराङ मास्‍यीका ओहराङगी तेहन्‍दाला टोहङ नाङसीन।

Gade chapit la Kopi




रोमी 5:8
19 Referans Kwoze  

राहङ रो़हया़गी तेहन्‍दाला राहङगी मिहजीराङ तेरक्‍यो ल़ेहमु छ्यिम्‍बु चेवानी लेहमेन च्‍यिॱआङ मिहन।


च्‍यिबेमाना किन्‍ज्‍योगी जाम्‍बुलीङला दे़ज्‍ये माहङा चेवा जे नाङसीन, मिहरोगी राहङगी च्‍यिमे च्‍यी़राङ स़ेबुॱआङ नाङसीन। किन्‍ज्‍योकी स़ेबु थो़ला यिह छ्य़ेगे सुज्‍यीॱआङ तोङदी डोज्‍ये म़ेह, यिहॱनाङ खुङया़गी था़ म़ेहबाकी मिहली ज़ाङबु ज्‍योर्च्‍ये येह।


च्‍यिबेमाना ओहराङ मा-फाम्‍बु येहकेमुराङ मास्‍यीका तिहक्‍च्‍येम्‍बाया़गी तेहन्‍दाला ठाबे ती़हजीला टोहङ नाङसीन।


च्‍यिबेमाना ओहराङला किन्‍ज्‍यो साला ख्‍योङज्‍येला नाहम-मानाकी तेहन्‍दाला ताहङस्‍यी जेती मास्‍यीकाॱआङ तिहक्‍पाया़गी तेहन्‍दाला लेहमा च्‍यी़ टोहङ नाङसीन। नाम्‍पार-ताहक्‍पा मिह तिहक्‍च्‍येम्‍बाया़गी तेहन्‍दाला मास्‍यीका राहङगी कुसोला टोहङ नाङसीन यिहॱनाङ थु लाहमले मिहरो येहपाराङ सोम्‍बो ज़्‍याङ नाङसीन।


मास्‍यीकागी ओहराङगी तेहन्‍दाला राहङगी कुसोॱराङ नाङसीन। ओ़ह सोङबे ओहराङगी मास्‍यीकागी चेवा ङोह स्‍य़ेदी येहबा। ओहराङगीॱआङ राहङगी आदा-नो़ह दाङ आज्‍यी-नुहमुया़गी तेहन्‍दाला राहङगी ज़ुबु तेर कोहएँ।


किन्‍ज्‍योगी दि थाम्‍ज्‍यी जे नाङग्‍योकी तेहन्‍दादी ओहराङ मास्‍यीकाला यिह-छ्य़े पेहक्‍यो मिहया़ला थुज्‍यी ज़ी़ नाङदी मिहरोगी था़ म़ेहबा काटीनकी क्‍युह ओहङगेन ङ्यिहमाया़ला नाहम-मानागी तेहन्‍दाला तेन नाङज्‍येला यिहम्‍बा।


येशू ओहराङगी तिहक्‍पाकी तेहन्‍दाला टोहङ नाङसीन, ओहले ओहराङला टाहङबु सी़ह च्‍य़ू नाङज्‍येला किन्‍ज्‍योगी मिहरोला सोम्‍बो ज़्‍याङ च्‍य़ू नाङसीन।


दि तेहन्‍दागीॱराङ मिहरोगी ङाहला थुज्‍यी ज़ी़ नाङसीन। ओहले ङाह तिहक्‍च्‍येम्‍बाया़ नाहङला थाम्‍ज्‍यी म़ेदी छ्येस्‍यो यिहन्‍दीॱआङ ङाह लाहमले येशू मास्‍यीकाकी राहङगी था़ म़ेहबाकी ना़स्‍यीङ छ्यिम्‍बु तेन नाङज्‍येला ङाहला पे ज़्‍या़ नाङसीन। दि पे, तिङले येशूला यिह छ्य़ेदी था़ म़ेहबा मिहली ज़ाङबु ज्‍योर्केया़गी तेहन्‍दाला यिहम्‍बा।


छ्य़े-ठिम ओहङ फान्‍ज्‍यो तिहक्‍पाॱआङ माहङबु काहल्‍सीन, यिहॱनाङ तिहक्‍पा ङ्याम्‍बुराङ किन्‍ज्‍योगी काटीनॱआङ तोहरोङ माहङरो माहङरो काहल्‍सीन।


यिहॱनाङ ओहराङगी पेहक्‍यो ल़ेह चोक्‍पाया़गी किन्‍ज्‍योला तोहरोङ टाहङबु यिहन म़ेदी तेन्‍गे मासीमाना ता़ह ङ्यिहगी च्‍यि माज्‍ये ले? च्‍यि किन्‍ज्‍योकी थुयाल ओहराङ थो़ला बाप्‍केमु मिहरोगी आन्‍या जे नाङगे ले? (लाहला मिहया़गी दि ल़ेहमुराङ साम्‍लु ताङगे।)


मिह टाहङबुगी तेहन्‍दाला स्‍यिज्‍येलाॱआङ ठाबे ओहङगे मिह ज्‍योर्च्‍येलानी का़हबुॱराङ ओहङडो, ओहले ज्‍यिबुराङ या़हबु मिह येहसीमाना खोगी तेहन्‍दाला सुज्‍यी स्‍यिज्‍येलाॱआङ स्‍युक पेह ओहङ।


मिहरोगी राहङगी च्‍यिमे च्‍यी़राङ स़ेबुलानी सी़दी ज़्‍या़ माहनाङ, यिहॱनाङ ओहराङ थाम्‍ज्‍यीगी तेहन्‍दाला नाङसीन। ओहराङगी तेहन्‍दाला राहङगी स़ेबु नाङगे किन्‍ज्‍योगी तोहरोङ मास्‍यीका ङ्याम्‍बुराङ लेहमेन थाम्‍ज्‍यीराङ से़हया़ ओहराङला मेहनाङडो ले?


याहरकी तामया़गी यिहॱना़ यिहन, चो़गी तामया़गी यिहॱना़ यिहन, लिङस्‍यीला येहकेन थाम्‍ज्‍यीराङ से़हया़गी यिहॱना़ यिहन मास्‍यीका येशू ओहराङ चो़वोला येहकेन किन्‍ज्‍योकी चेवा लाहमले ओहराङला च्‍यि से़हगीॱआङ खा फे़ ख़ूज्‍ये म़ेह।


ङाहगी निङबा मिहली मास्‍यीका ङ्याम्‍बुराङ क्‍याहङस्‍यीङला च्‍याङदी स्‍यिक्‍यो येह, ता़ह यिहन्‍ज्‍यु ङाह मिहम्‍बा ङाह नाहङला मास्‍यीका ज़्‍य़ू नाङदी येहबा। ताहन्‍दा ङाह ज़ुबुला थार्ती तेहक्‍योदी ङाहला माहङबुराङ चेवा जेती ङाहगी तेहन्‍दाला मिहजी नाङगे किन्‍ज्‍योगी स़ेबु थो़ला तेहपा पेहती थार्केराङ येहबा।


ख्‍याया़गी मिहली चेवाकी काहङग्‍यो ओहङ कोहएँ। काह-ठि पेहती मास्‍यीकागीॱआङ ओहराङ ङ्याम्‍बु चेवा जे नाङबा, ओहले किन्‍ज्‍योकी तेहन्‍दाला टिहमा स्‍यिहम्‍बु खाएँगी डेल्‍बा दाङ मार्च्‍ये जेती राहङगी राहङला ओहराङगी तेहन्‍दाला फुल नाङसीन।


च्‍यिबेमाना थाम्‍ज्‍यी गो-छ्येवा पूजाहारीया़ डेल्‍बा दाङ मार्च्‍ये फुल्‍ज्‍येगी तेहन्‍दाला दाम्‍ग्‍यो ओहङगे। ओ़ह सोङबे ओहराङ गो-छ्येवा पूजाहारीगीॱआङ किन्‍ज्‍योला च्‍यिरा फुलॱराङ कोहएँ।


Swiv nou:

Piblisite


Piblisite