रोमी 5:14 - ह्योल्‍मो

¹⁴ आदम यिहन्‍ज्‍यु छुर-ताप मोशा थुगी मिहया़लाॱआङ स्‍यिवागी ओङ छ्य़ेसीन, ओहले आदमगी ल़ेहमु तिहक्‍पा माहबेबा मिहया़लाॱआङ स्‍यिवाकी ओङ छ्य़ेसीन। ओ़ह आदमदी तिङला फेप नाङगे मास्‍यीकाकी ताक्‍छेन यिहन्‍गे।

रोमी 5:14 Referans Kwoze

१ कोरिन्‍थी 15:45

ओ़ह सोङबे छ्य़ेला दि ल़ेहमु प्रुहक्‍यो येहबा, “तोहङस्‍यो मिह आदमदी मिहली ज्‍योर्केन्‍गी मिह येहकें।” यिहॱनाङ तिङस्‍यो आदमदी मिहली नाङगेन्‍गी थु काहल्‍सीन।

हिब्रू 9:27

मिह लेहमा च्‍यी़ स्‍यिएँ ओहले स्‍यि फान्‍ज्‍यो किन्‍ज्‍योगी खोला ठिम ज़ी़ नाङगे।

रोमी 5:17

मेहन्‍दा च्‍यी़गी तिहक्‍पागी पेहती स्‍यिवागी मिह थाम्‍ज्‍यी थो़ला ओङ छ्य़ेसीन। ओ़हठीॱराङ पेहती किन्‍ज्‍योगी बोल्‍बु जेती आहन्‍डाराङ नाङग्‍यो काटीन दाङ टाहङदेन ज्‍योर्केया़गी च्‍यिमे च्‍यी़राङ मिह, येशू मास्‍यीका लाहमले तिहक्‍पा दाङ स्‍यिवाला दुल्‍दी था़ म़ेहबा मिहली थो़ला ओङ छ्य़ेज्‍ये येह।

रोमी 8:22

ओहराङला क्‍यी़ह येह, किन्‍ज्‍योगी छ्या़ च्‍य़ू नाङग्‍योगी रेबेॱराङ से़हया़ ताहन्‍दा थु पेहजा क्‍येएँगी नाहजा क्‍याहप्‍क्‍योगी पी़हमी-पेहजा ल़ेहमुराङ बोल तेहती येहबा।

रोमी 5:21

ओ़ह ती़हजीला तिहक्‍पागी स्‍यिवा लाहमले मिहया़ थो़ला ओङ छ्य़ेक्‍यो ल़ेहमु ताहन्‍दा किन्‍ज्‍योकी काटीनगी ओङ छ्ये़गेॱराङ येहबा। दि काटीनगी पेहतीराङ ओहराङला किन्‍ज्‍योगी दिनला टाहङबु सी़ह च्‍य़ू नाङसीन ओहले ओहराङ चो़वो येशू मास्‍यीका लाहमले ओहराङला था़ म़ेहबा मिहली ज्‍योर्ती येहबा।

रोमी 8:20

च्‍यिबेमाना मिहरोगी छ्या़ च्‍य़ू नाङग्‍योगी रेबेॱराङ से़हया़ फेनराङ मे़हथोएँ काहल्‍दी येहकें यिहॱनाङ दि ल़ेहमु काहल्‍ग्‍योदी खो राहङ सेमगी मिहम्‍बा यिहन्‍गे यिहॱनाङ दि ल़ेहमु जे नाङज्‍ये किन्‍ज्‍योकी थु-सेम येहकें। मिहरोगी छ्या़ च्‍य़ू नाङग्‍योगी रेबेॱराङ से़हया़गी रेहवा पेहती तेहच्‍यु म़ेदी किन्‍ज्‍योगीॱराङ दि ल़ेहमु जे नाङग्‍यो येहकें।

रोमी 5:12

मेहन्‍दा च्‍यी़ लाहमले जाम्‍बुलीङला तिहक्‍पा ओहङसीन, ओहले तिहक्‍पा लाहमले स्‍यिवा। दि ल़ेहमु पेहती मिह थाम्‍ज्‍यीगी तिहक्‍पा पेहक्‍यो सोङबे मिह थाम्‍ज्‍यीला स्‍यिवा फेल्‍सीन।

१ कोरिन्‍थी 15:22

च्‍यिबेमाना मिह थाम्‍ज्‍यीराङ आदमगी क्‍यिह यिहन्‍गे सोङबे स्‍यिसीन, ओ़हठीॱराङ पेहती मास्‍यीकाला यिह-छ्य़े पेहकें थाम्‍ज्‍यीगी मिहली ज्‍योर्सीन।