रोमी 5:1 - ह्योल्‍मो

¹ ओ़ह सोङबे ओहराङ यिह-छ्य़े लाहमले किन्‍ज्‍योकी दिनला टाहङबु सी़ह ख़ूसीन। ओहले ओहराङकी चो़वो येशू मास्‍यीका लाहमले ओहराङ किन्‍ज्‍यो ङ्याम्‍बु थिन ख़ूसीन।

रोमी 5:1 Referans Kwoze

रोमी 15:13

रेहवा नाङगे किन्‍ज्‍यो थो़ला ख्‍याया़गी यिह छ्य़ेदी येह। मिहरोगीॱराङ ख्‍याया़ला सेम काहसो दाङ स्‍य़िहदे नाङज्‍यु। ओ़हठीॱराङ पेहती नाम्‍पार-ताहक्‍पा थुगी ओङगी ख्‍यागी रेहवा तोहरोङ माहङबु माहङबु पेहती डो ख़ूज्‍यु।

यूहन्‍ना 16:33

“ङाह ङ्याम्‍बु तेहती ख्‍यागी स्‍य़िहदे ज्‍योर ख़ूज्‍यु म़ेदी ङाहगी ख्‍याया़ला दि केच्‍याया़ माक्‍यो यिहम्‍बा। जाम्‍बुलीङला ख्‍याला ज्‍यिबुराङ तुहक्‍पु ओहङज्‍ये येह, यिहॱनाङ मा-फाम्‍बु माहबे, ङाहगी जाम्‍बुलीङला क्‍याहल सिहन्‍दी येह।”

कलस्‍सी 1:20

ओहले किन्‍ज्‍योगी स़ेबु लाहमले थाम्‍ज्‍यीराङ से़हया़ला येहपाराङ राहङदी ज़ो नाङसीन, ओहले क्‍याहङस्‍यीङला टोहङ नाङग्‍यो राहङ स़ेबुगी ठा़गी पेहती स्‍यिहङगाम दाङ जाम्‍बुलीङला येहकें ना थाम्‍ज्‍यीराङ से़हया़ला राहङ ङ्याम्‍बु थिन च्‍य़ू नाङसीन।

रोमी 6:23

च्‍यिबेमाना तिहक्‍पागी ले़गादी स्‍यिवा यिहम्‍बा, यिहॱनाङ किन्‍ज्‍योगी आहन्‍डाराङ नाङग्‍यो काबाप मास्‍यीका येशू ओहराङ चो़वोला था़ म़ेहबागी मिहली ज़ाङबु यिहम्‍बा।

रोमी 14:17

च्‍यिबेमाना किन्‍ज्‍योगी क्‍याहल्‍सी माक्‍योदी साहज्‍ये दाङ थुङज्‍ये च्‍यी़राङ मिहम्‍बा, यिहॱनाङ नाम्‍पार-ताहक्‍पा थुला टाहङदेन, स्‍य़िहदे दाङ काहसो यिहम्‍बा।

२ थेसलोनिकी 3:16

स्‍य़िहदेगी चो़वो राहङगीराङ नाहम माॱनाङ ना थाम्‍ज्‍यीले ख्‍या फ़ेबे-म़ेहमेया़ला स्‍य़िहदे नाङज्‍यु। चो़वो ख्‍या थाम्‍ज्‍यी ङ्याम्‍बु ज्‍यू़-नाङज्‍यु।

यूहन्‍ना 14:27

ङाह ख्‍या ङ्याम्‍बुराङ स्‍य़िहदे क्‍युर ज़्‍या़एँ, ङाह राहङगी स्‍य़िहदे ख्‍याया़ला तेर्के। दि स्‍य़िहदेती जाम्‍बुलीङगी तेरक्‍यो ल़ेहमु मिहम्‍बा, ख्‍या सेम छाबा-छुबे माहबे ओहले मा़हन्‍ज्‍यी।

रोमी 4:5

छ्य़े दाङ छ्य़ेगी ल़ेहला मिहम्‍बा यिहॱनाङ फातुर च़ूक्‍योया़ला टाहङबु सी़ह च्‍य़ू नाङगेन किन्‍ज्‍यो थो़ला तेहपा पेहसीमाना किन्‍ज्‍योगी खोला तेहपा लाहमले “खो टाहङबु यिहन” म़ेदी टाहङमा क्‍याहप नाङज्‍ये येह।

कलस्‍सी 3:15

मास्‍यीकागी नाङगेन स्‍य़िहदेगी ख्‍याया़गी सेमला ओङ छ्य़े नाङज्‍यु। तेहम्‍बाराङ, ख्‍या सेम लो तेहमु पेहती राहङगी मिहजी ताङज्‍येगी तेहन्‍दाला ज़ुबु च्‍यी़लाॱराङ क़े क्‍याहप नाङग्‍यो यिहम्‍बा। ख्‍याया़गी थुज्‍यी-छ्ये़ फुल्‍दोङ।

रोमी 15:33

स्‍य़िहदे नाङगेन किन्‍ज्‍यो ख्‍या थाम्‍ज्‍यी ङ्याम्‍बु ज़्‍य़ू नाङज्‍यु। आमेन।

ल़ेह-पेन 10:36

किन्‍ज्‍योगी इस्राएलीया़ला ताङ नाङग्‍योकी लेहङगु, येशू मास्‍यीका लाहमले प्रा साल नाङग्‍योकी स्‍य़िहदेगी या़हबु लेहङगु राहङ फे़बेया़ला थुयी़ येह। (मिह-रो़हराङ मिह थाम्‍ज्‍यीगी चो़वो छ्येवा यिहम्‍बा।)

फिलिप्‍पी 3:9

ओहले ङाह मिहरो ल़ेहमुराङ काहल्‍ग्‍यो थोङज्‍यु। छ्य़े-ठिम ची़दे किन्‍ज्‍योकी दिनला ठाबे सी़हगेन ङाह राहङदीराङ टाहङदेन मिहन। यिहॱनाङ ता़ह किन्‍ज्‍योगीॱराङ ङाहला मास्‍यीकाला तेहपा नाङग्‍यो सोङबे ठाबे सी़ह च्‍य़ू नाङगे। दि टाहङदेन तेहपाला छ्या़दी येहबा।

१ थेसलोनिकी 5:23

स्‍य़िहदेकी किन्‍ज्‍यो राहङगीराङ ख्‍या फ़ेबे-म़ेहमेया़ला सेम तिहङ यिहन्‍ज्‍युराङ चाङमा ज़ो नाङज्‍यु, ओहले ख्‍या फे़बे मे़हमेया़की थाम्‍ज्‍यी सेम, सो दाङ ली़ह ओहराङकी चो़वो येशू मास्‍यीका फेप नाङगे ङ्यिहमा थु च्‍यिॱआङ क्‍येन म़ेहबा पेहती ज़्‍या़ नाङज्‍यु।

रोमी 5:18

ओ़ह सोङबे मिह च्‍यी़गी तिहक्‍पागी पेहती मिह थाम्‍ज्‍यीला ङ्य़ेहबा फो़गे काहल्‍सीन, ओ़हठीॱराङ पेहती च्‍यिमे च्‍यी़राङ मिहगी ल़ेह टाहङबु पेहती मिह थाम्‍ज्‍यी किन्‍ज्‍योगी दिनला टाहङबु सी़हदी मिहली ज्‍योर्के काहल्‍सीन।

लूका 19:42

“ख्‍येगी तिहरीङ स्‍य़िहदेगी तेहन्‍दाला च्‍यि कोहएँ म़ेदी ह्‍अ के़हबा यिहॱना़ ओहङज्‍ये येहकें। यिहॱनाङ ख्‍येगी दि थोङ मा़हखु!

रोमी 1:7

रोम क्‍याहसाला तेहकेन किन्‍ज्‍योगी च्‍याहम्‍बु ङ्येन्‍जेन-ङ्येहवाया़ थाम्‍ज्‍यीला ङाह दि यिहगी प्रुहएँॱराङ येहबा, किन्‍ज्‍योगी ख्‍या थाम्‍ज्‍यीला च्‍याहम्‍बा जेती मिहरोकी नाम्‍पार-ताहक्‍पा छार्क्‍यीन ज़ो नाङज्‍येला क़े क्‍याहप नाङदी येह, किन्‍ज्‍यो ओहराङगी याहप दाङ चो़वो येशू मास्‍यीकागी ख्‍या थाम्‍ज्‍यीला काटीन दाङ स्‍य़िहदे नाङज्‍यु।

लूका 19:38

“चो़वो किन्‍ज्‍योगी छेनला फेप नाङगेन क्‍याहल्‍बु सोनाम-साक्‍पु यिहम्‍बा! स्‍यिहङगामला स्‍य़िहदे ओहङज्‍यु, किन्‍ज्‍योला ज़िज्‍यिद ओहङज्‍यु!”

गलाती 2:16

यिहॱनाङ, दि केच्‍या ङ्यिहगी ङोह स्‍ये़सीन– येशू मास्‍यीकाला तेहपा पेहना मिहम्‍बा, छ्य़े-ठिम ची़देनी मिह किन्‍ज्‍योगी दिनला टाहङबु सी़ह मी़हखुएँ। ओ़ह सोङबे ओहराङ छ्य़े-ठिम लाहमले मिहम्‍बा यिहॱनाङ मास्‍यीका थो़ला पेहक्‍योकी यिह-छ्य़े लाहमले टाहङबु सी़ह ख़ूज्‍यु म़ेदीराङ ओहराङगीॱआङ ओहराङगी तेहपा मास्‍यीका येशू थो़ला ज़्‍या़क्‍यो यिहम्‍बा, च्‍यिबेमाना छ्य़े-ठिम लाहमले सुज्‍यीॱआङ टाहङबु सी़ह मी़हखुएँ।

यूहन्‍ना 20:31

ख्‍यागी येशूला किन्‍ज्‍योगी स़ेबु, मास्‍यीका यिहन म़ेदी यिह छ्य़ेदोङ, ओहले ख्‍यागी येशूकी छेनला यिह छ्य़ेदी था़ म़ेहबाकी मिहली ज़ाङबु ज्‍योर ख़ूज्‍यु म़ेदी प्रुहक्‍यो यिहम्‍बा।

रोमी 10:10

च्‍यिबेमाना मिहकी यिहगी यिह छ्य़ेदीॱराङ किन्‍ज्‍योगी दिनला टाहङबु सी़हगे ओहले खोगी यिह छ्य़ेक्‍योगी तामया़ राहङगी खागी लोक पेहती थार्पा ज्‍योर्के।

रोमी 3:30

च्‍यिबेमाना किन्‍ज्‍योनी च्‍यिमे च्‍यी़राङ ज़्‍य़ू नाङदी येहबा। मिहरोगी यहूदीया़ला खुङया़गी तेहपा लाहमले टाहङबु सी़ह च्‍य़ू नाङगे ओहले लेहमेन क्‍यिहपाकी मिहया़लाॱआङ खुङया़गी तेहपा लाहमलेॱराङ टाहङबु सी़ह च्‍य़ू नाङगे।

रोमी 1:17

च्‍यिबेमाना ओहराङला किन्‍ज्‍योगी राहङगी दिनला काह-ठि पेहती ठाबे सी़ह च्‍यु नाङगे माएँ ताम या़हबु लेहङगुगी तेन्‍गे। ओहले दिदी ओहराङगी छ़ूगे यिहन्‍ज्‍यु तिङ थु तेहपा लाहमले च्‍यी़राङ ज्‍योर ख़ूएँ। छ्य़ेला दि ल़ेहमु प्री़हदी येहबा, “मिह टाहङबु तेहपा लाहमलेॱराङ थार्च्‍ये येह।”

हिब्रू 13:20

ता़ह ल़ूहया़गी चा़ छ्येस्‍यो कोहरोवा ओहराङ चो़वो येशूला था़ म़ेहबा ताहम्‍ज्‍याकी ठा़ लाहमले स्‍यिवालेगी सोम्‍बो ज़्‍याङ च्‍य़ू नाङगे स्‍य़िहदे नाङगे किन्‍ज्‍योगी

एफिसी 2:7

किन्‍ज्‍योगी दि थाम्‍ज्‍यी जे नाङग्‍योकी तेहन्‍दादी ओहराङ मास्‍यीकाला यिह-छ्य़े पेहक्‍यो मिहया़ला थुज्‍यी ज़ी़ नाङदी मिहरोगी था़ म़ेहबा काटीनकी क्‍युह ओहङगेन ङ्यिहमाया़ला नाहम-मानागी तेहन्‍दाला तेन नाङज्‍येला यिहम्‍बा।

गलाती 3:25

यिहॱनाङ ता़ह तेहपा ओहङग्‍यो सोङबे ता़ह ओहराङला छ्य़े-ठिमगी कुहर्ची पेह मेहकोहएँ।

रोमी 10:15

स्‍येकेन्‍गी मिह माहताङबा पेहतीनी काह-ठि पेहती स्‍येच्‍ये ले? छ्य़ेगी दि ल़ेहमु सुङ नाङगे, “या़हबु लेहङगु स्‍य़ेकेया़की काङबा काहजे या़हबु!”

रोमी 9:30

ता़ह ओहराङ च्‍यि माज्‍ये ले? टाहङदेनकी लाहमला मी़हस्‍युहएँ लेहमेन क्‍यिहपाया़गी टाहङदेन ज्‍योर सिहन्‍दी येह, पे यिहॱना़: यिह-छ्य़े लाहमले ज्‍योर्केन्‍की टाहङदेन।

लूका 2:14

“स्‍यिहङगामला ज़्‍य़ू नाङगेन्‍गी किन्‍ज्‍योला ज़िज्‍यिद ओहङज्‍यु, ओहले जाम्‍बुलीङला किन्‍ज्‍योगी थु-सेम जे नाङग्‍योकी मिहया़ला स्‍य़िहदे ओहङज्‍यु!”

रोमी 3:22

दि ल़ेहमु पेहती येशू मास्‍यीकाला तेहपागी मिह थाम्‍ज्‍यीला किन्‍ज्‍योगी टाहङबु सी़ह च्‍य़ू नाङगे च्‍यिबेमाना किन्‍ज्‍योगी सुलाॱआङ ङ्येम्‍बा-ङ्य़ेहरी जे मेहनाङगे,

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

रोमी 5:11

ओहजेच्‍यीराङ मिहम्‍बा, यिहॱनाङ ओहराङ चो़वो येशू मास्‍यीकागी पेहती ओहराङ किन्‍ज्‍योला त़ेरा तेच्‍या फुल्‍गेराङ काहसो पेहकें च्‍यिबेमाना मास्‍यीकागी ओहराङला किन्‍ज्‍यो ङ्याम्‍बु डी़ च्‍यु नाङदी राहङदी रो़ह ज़ो नाङदी येह।

गलाती 5:22

यिहॱनाङ नाम्‍पार-ताहक्‍पा थु लाहमले राहङगी डोलु-तेहलु पेहकें मिहया़गी मिहलीला दि ल़ेहमु सेदोया़ थोङगे यिहम्‍बा– मिहला चेवा पेहकें, सेम काहसो पेहकें, स्‍य़िहदेला तेहकें, ना़स्‍यीङ छ्यिम्‍बु पेहकें, निङज्‍यी पेहकें, या़हबु पेहकें, यिह-छ्य़ेबु,