रोमी 3:26 - ह्योल्‍मो

²⁶ किन्‍ज्‍यो राहङ टाहङबु ज़्‍य़ू नाङदी येह ओहले येशू थो़ला तेहपा पेहकेया़ला मिहरोगी टाहङबु सी़ह च्‍य़ू नाङज्‍ये येह माएँ तामकी दास्‍यी तेर्च्‍येला मिहरोगी ताहन्‍दागी ती़हजीला दि छ्या़ले जे नाङसीन।

रोमी 3:26 Referans Kwoze

रोमी 4:5

छ्य़े दाङ छ्य़ेगी ल़ेहला मिहम्‍बा यिहॱनाङ फातुर च़ूक्‍योया़ला टाहङबु सी़ह च्‍य़ू नाङगेन किन्‍ज्‍यो थो़ला तेहपा पेहसीमाना किन्‍ज्‍योगी खोला तेहपा लाहमले “खो टाहङबु यिहन” म़ेदी टाहङमा क्‍याहप नाङज्‍ये येह।

रोमी 3:30

च्‍यिबेमाना किन्‍ज्‍योनी च्‍यिमे च्‍यी़राङ ज़्‍य़ू नाङदी येहबा। मिहरोगी यहूदीया़ला खुङया़गी तेहपा लाहमले टाहङबु सी़ह च्‍य़ू नाङगे ओहले लेहमेन क्‍यिहपाकी मिहया़लाॱआङ खुङया़गी तेहपा लाहमलेॱराङ टाहङबु सी़ह च्‍य़ू नाङगे।

रोमी 8:33

किन्‍ज्‍योगी दाम नाङग्‍यो मिहया़ला सुगी फातुर च़ू ख़ूएँ? किन्‍ज्‍यो राहङगीराङ खुङया़ला टाहङबु सी़ह च्‍य़ू नाङग्‍यो येहबा।

ज्‍याल्‍गा 15:3

खुङया़गी दि ल़ेहमु म़ेदी किन्‍ज्‍योला स्‍याहप्‍तो स्‍युहएँ मोशा दाङ ल़ूह स्‍ये़बुकी लु लेहन्‍गेनॱराङ येहकें, “ए वाङज्‍या छ्यिम्‍बु नोम नाङगेन्‍गी चो़वो छ्येवा किन्‍ज्‍यो, राहङगी जे नाङगेन्‍गी छ्या़लेया़ काहजे छ्यिम्‍बु दाङ याहम्‍जेन छ्येवाच्‍यी दु! काल्‍बा-काल्‍बा थुराङ ज़्‍य़ू नाङगेन्‍गी थाम्‍ज्‍यी म़ेदी चा छ्यिम्‍बुगी क्‍याहल्‍बु, राहङगी फेप-लाहमया़ टाहङदेन दाङ तेहन्‍दाम येह।

लूका 1:80

ओहले ओ़ह पेहजा ली़ह दाङ यिहला छार्ती काहल्‍सीन। ओहले इस्राएलीया़गी पाहरक्‍यीला लुहङदेन स्‍येच्‍ये मा़हछु थु खो रिह काम्‍बुलाराङ तेहसीन।

रोमी 3:25

च्‍यिबेमाना किन्‍ज्‍योगी, तिहक्‍पा कोहङदा तेर्केन्‍की मार्च्‍ये फुल्‍ज्‍येला मास्‍यीकाला ताङ नाङसीन। ओ़ह सोङबे येशूगी राहङगी कु-ठा़ ओहराङगी तेहन्‍दाला स्‍याहल च्‍य़ू नाङसीन म़ेदी यिह छ्य़ेगे मिह थाम्‍ज्‍यीगी तिहक्‍पाकी कोहङदा ज्‍योर्च्‍ये येह। दि छ्या़ले किन्‍ज्‍योगी राहङगी टाहङदेन तेन्‍ज्‍येला जे नाङसीन च्‍यिबेमाना मास्‍यीका फेप नाङगे म़ेदी तोहङले किन्‍ज्‍योगी राहङगी थुयाल ना़दी ज़्‍य़ू नाङदी येहकें ओहले तोहङले मिहया़गी पेहक्‍यो तिहक्‍पाया़ला नाङदा जे माहनाङ।

रोमी 3:27

ओ़हठी यिहन्‍सीमाना ता़ह ओहराङ च्‍यिगी तेहन्‍दाला छ्य़ेन्‍दो तेन्‍गे? च्‍यि तामॱलाङ मिहन! च्‍यि ओहराङगी छ्य़े-ठिम ची़क्‍यो सोङबे? मिहम्‍बा, यिहॱनाङ यिह छ्य़ेक्‍यो सोङबे च्‍यी़राङ।