रोमी 3:24 - ह्योल्‍मो

²⁴ यिहॱनाङ किन्‍ज्‍योकी काटीनकी काबापगी पेहती मास्‍यीका येशू ङ्याम्‍बु येहकेन्‍गी थार्पा लाहमले खुङया़ आहन्‍डाराङ टाहङबु सी़ह ख़ूसीन।

रोमी 3:24 Referans Kwoze

कलस्‍सी 1:14

किन्‍ज्‍योगी राहङगी स़ेबु लाहमले ओहराङला थार्पा नाङसीन ओहले ओहराङगी तिहक्‍पाया़ कोहङदा नाङसीन।

रोमी 5:9

दि ल़ेहमु पेहती मास्‍यीकाकी ठा़ लाहमले ओहराङला किन्‍ज्‍योकी दिनला टाहङबु सी़ह च्‍यु नाङसीन मानानी ता़ह तोहरोङ मिहरोगी ओहराङला किन्‍ज्‍योगी थुयाल यिहन्‍ज्‍यु थार च्‍य़ू नाङज्‍ये येह।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

रोमी 4:16

ओ़ह सोङबे ताहम्‍ज्‍या काटीन लाहमले ओहङगे ओहले तेहपा लाहमले ज्‍योर्के। ओहले दि ताहम्‍ज्‍या अब्राहामकी थाम्‍ज्‍यी छार्क्‍यीनया़गी तेहन्‍दाला ठीक-ठीक ङ्या़ह-ङ्या़ह काहल सिहन्‍दी येह। दि ताहम्‍ज्‍या छ्य़े-ठिम ची़गे मिहया़गी तेहन्‍दाला च्‍यी़राङ मिहम्‍बा यिहॱनाङ अब्राहामगी ल़ेहमु तेहपा पेहकेन मिह थाम्‍ज्‍यीगी तेहन्‍दालाॱआङ यिहम्‍बा, च्‍यिबेमाना अब्राहाम ओहराङ थाम्‍ज्‍यीगी आबा यिहम्‍बा।

१ कोरिन्‍थी 1:30

किन्‍ज्‍योगीॱराङ ख्‍याया़ला मास्‍यीकाला नोम फेप्‍सीन, मास्‍यीकालाॱराङ मिहरोगी ओहराङगी रिहक्‍स्‍यी, टाहङबु दाङ नाम्‍पार-ताहक्‍पा ओहले थार्पा नाङगेन्‍दी ज़ो नाङसीन।

मत्ती 20:28

ओ़ह ल़ेहमुराङ मिहगी स़ेबुॱआङ लेहमेनलेगी स्‍याहप्‍तो ज्‍योर्च्‍येला मिहम्‍बा, यिहॱनाङ लेहमेनला स्‍याहप्‍तो स्‍य़ूहज्‍येला ओहले मिह माहङबुलाराङ थार्पा नाङज्‍ये दाङ राहङगी कुसोॱराङ नाङज्‍येला फेप नाङसीन।”

१ तिमोथी 2:6

ओहले मिहरोगीॱराङ मिह थाम्‍ज्‍यीला थार्पा नाङज्‍येला राहङगी कुसोॱराङ च्‍यिहम्‍बा ताङ नाङसीन, ओ़हदी ठाबे ती़हजीला नाङग्‍योकी पाङबु यिहम्‍बा।

१ कोरिन्‍थी 6:11

ख्‍या नाहङला लाहला ओ़ह ल़ेहमुराङ येहकें, यिहॱनाङ ताहन्‍दा चो़वो येशू मास्‍यीका लाहमले ख्‍याया़ चाङमा दाङ नाम्‍पार-ताहक्‍पा काहल्‍सीन ओहले किन्‍ज्‍योकी थु लाहमले ख्‍याला च्‍यिॱआङ क्‍येन म़ेहबा सी़ह ख़ूसीन।

ज्‍याल्‍गा 5:9

खुङया़गी दि ल़ेहमु म़ेदी लु साम्‍बा च्‍यी़ लेहन्‍सीन, “दि स्‍युगु टिहल्‍मा लेहन्‍ज्‍ये दाङ दि थे़जी रोप्‍ती खा फे़ज्‍येला राहङज्‍यीॱराङ सी़हज्‍ये येह च्‍यिबेमाना राहङला मिहया़गी सेसीन ओहले राहङ ठा़गी थाम्‍ज्‍यी क्‍यिहपा, ताम, लुहङबा दाङ जाम्‍बुलीङगी मिहया़ला किन्‍ज्‍योगी तेहन्‍दाला ङ्योह नाङसीन।

ज्‍याल्‍गा 7:14

ओहले ङाहगी खोला मासीन, “लाहसो, ङाहला क्‍यी़ह म़ेह लाह। ओ़हनी राहङगीराङ ङोह ख्‍येन नाङगे।” ओहले खोगी ङाहला मासीन, “खुङ तुहक्‍पु छ्यिम्‍बु ना़दे ओहङग्‍योगी मिहया़ यिहम्‍बा ओहले खुङगी राहङ-राहङगी काप्‍च्‍याया़ ल़ूह स्‍ये़बुकी ठा़गी ठी़दी कार्पु जे़दी येह।”

रोमी 4:4

ल़ेह पेहकें मिहला ले़गा तेर्के। ओ़हदी क्‍ये़गा तेरक्‍यो मिहम्‍बा, ओ़हदी ल़ेह पेहती ज़्‍योरक्‍योगी स़ेह यिहम्‍बा।

ल़ेह-पेन 15:11

ओ़ह सोङबे दि ल़ेहमु पेहच्‍ये मेहयोहङगे च्‍यिबेमाना ओहराङॱआङ चो़वो येशूकी काटीनगी जेती थारक्‍यो ल़ेहमुराङ खुङया़ॱआङ चो़वो येशूकी काटीनगीॱराङ थार्ते येह।”