रोमी 3:23 - ह्योल्‍मो

²³ च्‍यिबेमाना मिह थाम्‍ज्‍यीगी तिहक्‍पा पेहती येह, ओहले किन्‍ज्‍योकी ज़िज्‍यिद यिहन्‍ज्‍यु था़-रिहङबु काहल्‍दी येह।

रोमी 3:23 Referans Kwoze

रोमी 3:9

ओ़हठी यिहन्‍सीमाना च्‍यि ओहराङ यहूदीया़ लेहमेन क्‍यिहपाया़ म़ेदी या़हबु यिहम्‍बा ले? मिहम्‍बा, ओ़ह ल़ेहमु यिहनॱराङ मिहन। यहूदी दाङ लेहमेन क्‍यिहपाया़ॱआङ तिहक्‍पाकी ओङ चो़ला येह म़ेदी ङाहगी फातुर च़ू सिहन्‍दी येह।

गलाती 3:22

सुङरापगी ओहराङला “जाम्‍बुलीङ रेबेॱराङ तिहक्‍पाकी ओङ चो़ला छ्यिती येहबा ओ़ह सोङबे ओहराङगी येशू मास्‍यीकाला तेहपा पेहती च्‍यी़राङ किन्‍ज्‍योकी तोहदामया़ यिह-छ्ये़ लाहमले ज्‍योर ख़ूएँ” म़ेदी सुङ नाङगे।

रोमी 11:32

च्‍यिबेमाना किन्‍ज्‍योकी थुज्‍यी मिह थाम्‍ज्‍यीला ज़ी़ थोप्‍च्‍यु म़ेदीराङ मिहरोगी थाम्‍ज्‍यीला का ची़ मी़हखुएँ योक्‍पु ज़ो नाङसीन।

१ थेसलोनिकी 2:12

ख्‍यागी डोलु-तेहलुया़ किन्‍ज्‍योला सी़ह ख़ूएँगी मिहजी ओहङ ख़ूज्‍यु म़ेदी ङ्यिहगी ख्‍या फ़ेबे-म़ेहमेया़ला स्‍युक क्‍ये च्‍य़ूएँराङ सेम ज़ुङ च्‍य़ूदी थाल्‍मा च्‍याहरको येह। च्‍यिबेमाना किन्‍ज्‍योगी ख्‍या फ़ेबे-म़ेहमेया़ला मिहरोगी राहङदीराङ क्‍याहल्‍सी दाङ ज़िज्‍यिदला क़े क्‍याहप नाङदी येह।

रोमी 3:19

छ्य़े-ठिमकी स्‍याहल छ्य़े-ठिमकी ओङ चो़ला येहकेन मिहया़ला माक्‍यो यिहम्‍बा म़ेदी ओहराङला क्‍यी़ह येह। ओ़ह सोङबे मिह थाम्‍ज्‍यीगी खाला खाज्‍यु क्‍याहप्‍च्‍ये येह ओहले लुहङबा किनगी मिहया़गी राहङगी पेहक्‍यो ल़ेहगी तेहन्‍दाला किन्‍ज्‍योला चिदुङ तेर कोहच्‍ये येह।

२ थेसलोनिकी 2:14

दिगी तेहन्‍दालाराङ ओहराङगी स्‍येक्‍योगी या़हबु लेहङगु लाहमले ओहराङगी चो़वो येशू मास्‍यीकाकी ज़िज्‍यिद राहङ फ़ेबे-म़ेहमेया़गी ज्‍योर ख़ूज्‍यु म़ेदी किन्‍ज्‍योगी राहङ फ़ेबे-म़ेहमेया़ला क़े क्‍याहप नाङग्‍यो यिहम्‍बा।

१ पत्रुस 4:13

यिहॱनाङ मास्‍यीकाकी तुहक्‍पु ख्‍यागीॱआङ ङ्याम्‍बुराङ खुर ङ्युहङगेमु क़ेहनाङ पेहतोङ, ओहले मास्‍यीका राहङगी ज़िज्‍यिद छ्यिम्‍बुला फेप नाङगेमु ख्‍याॱआङ क़ेहनाङ दाङ सेम काहसो पेह ख़ूज्‍ये येह।

रोमी 5:2

चो़वो येशूगी ओहराङला तेहपा लाहमले किन्‍ज्‍योकी काटीनला नोम फेप नाङदी येह। ताहन्‍दा ओहराङ ओ़ह काटीनलाॱराङ लाहङदी येहबा। ओहले किन्‍ज्‍योगी ज़िज्‍यिद छ्यिम्‍बु नोम्‍गेमु ओहराङॱआङ मिहरो ङ्याम्‍बुराङ ओहङज्‍ये येह माएँ रेहवाला क़ेहनाङ पेहकें।

रोमी 1:28

दि ल़ेहमु पेहती खुङया़गी किन्‍ज्‍योला ची़नाङ पेहच्‍ये क्‍युरक्‍यो सोङबे किन्‍ज्‍योगी खुङया़ला ल़ेह चोक्‍पाया़ पेहच्‍यु म़ेदी खुङया़की नावा नोहङग्‍यो ती़हजीलाराङ क्‍युर ज़्‍या़ नाङसीन।

१ पत्रुस 5:10

थाम्‍ज्‍यी काटीनकी किन्‍ज्‍योगी मास्‍यीकाला यिह-छ्य़े नाङदी राहङदी नाहमॱआङ मिहसीहन्‍गेन्‍गी ज़िज्‍यिद नाङज्‍येला ख्‍याया़ला क़े क्‍याहप नाङदी येह। ख्‍यागी ङ्यिहमा तोबाज्‍यी तुहक्‍पु खुर फान्‍ज्‍यो मिहरोगीॱराङ ख्‍याया़ला येहपाराङ साम्‍बा ज़ो नाङज्‍ये येह, ओहले ख्‍यागी सेम थिक-चिला ज़्‍या़दी ओङज्‍या छ्यिम्‍बु ज़ो नाङज्‍ये येह ओहले ब्राम सान्‍दी तिङग्‍यो ग्‍या़ला ज़्‍या़ नाङज्‍ये येह।

१ पत्रुस 5:1

ङाहॱआङ छेन्‍छोककी एल्‍डर यिहन्‍गे सोङबे ङाह ख्‍या एल्‍डरया़ला ओहर-छ्य़े स्‍युहउ येहबा च्‍यिबेमाना मास्‍यीकागी तुहक्‍पु खुर नाङग्‍यो ङाहगी थोङदी येह ओहले मास्‍यीकाकी राहङगी ज़िज्‍यिद तेन नाङगे ङ्यिहमाला ङाहॱआङ मिहरो ङ्याम्‍बु ओहङज्‍ये येह।

हिब्रू 4:1

ओ़ह सोङबे किन्‍ज्‍योगी ओहराङला थाङ सोएँगी ग्‍या़ तेर्के सुङदी ताहम्‍ज्‍या ज़्‍या़ नाङग्‍यो ताहन्‍दा थु येहॱराङ येह यिहॱनाङ ओहराङ जेम्‍बु पेह कोहएँ ओहले किन्‍ज्‍योगी थाङ सो नाङगेन ग्‍या़ला स्‍य़ूह मिहङ्युहङगेन मिह ख्‍या नाहङला सुज्‍यीॱआङ माहयोहङज्‍यु।