रोमी 2:25 - ह्योल्‍मो

²⁵ का़हलेॱआङ ख्‍येगी छ्य़े-ठिम ची़सीमाना स्‍या-ताक पेहक्‍यो ठाबेराङ यिहम्‍बा, यिहॱनाङ ख्‍येगी छ्य़े-ठिम मी़हचीसीमानाती ख्‍येगी स्‍या-ताक पेहक्‍यो यिहॱनाङ ओ़हला च्‍यिॱआङ ख्‍येप्‍साङ म़ेह।

रोमी 2:25 Referans Kwoze

गलाती 6:15

स्‍या-ताक पेहॱनाङ, स्‍या-ताक मेहबेॱनाङ ओ़हला च्‍यिॱआङ ख्‍येपार म़ेह। यिहॱनाङ थाम्‍ज्‍यी म़ेदी छ्यिम्‍बु केच्‍याती दिराङ यिहम्‍बा– मास्‍यीका लाहमले मिहली साम्‍बा ज्‍योर्के दिराङ थाम्‍ज्‍यी म़ेदी चा़ छ्यिम्‍बु यिहम्‍बा।

ल़ेह-पेन 7:51

राहङ फे़बेया़गी सेम राहङसा क्‍यिहपाया़दी ल़ेहमुराङ सेम सान्‍दी काहल्‍सीन दु, राहङ फ़ेबेॱया किन्‍ज्‍योगी सुङदेन ङ्यिहन्‍ज्‍येला सेम जे मेहनाङ दु। राहङगी आख्‍ये मे़हमेया़गी ल़ेहमुराङ राहङ फे़बेया़गीॱआङ नाम्‍पार-ताहक्‍पा थुगी तेन नाङग्‍योकी स्‍याहलला नाहमॱआङ ची़ मेहनाङ दु।

रोमी 2:28

फि ज़ोप्‍तागी च्‍यी़राङ यहूदी ज़ोएँया़ तेहन्‍दामकी यहूदी मिहम्‍बा। ओ़ह ल़ेहमुराङ पेहती मिहया़ला तेन्‍ज्‍येला ज़ुबुला पेहक्‍योगी स्‍या-ताकॱआङ ओ़ह तेहन्‍दामकी स्‍या-ताक मिहम्‍बा।

रोमी 2:23

ख्‍ये छ्य़े-ठिमकी तेहन्‍दाला छ्य़ेन्‍दो तेन्‍ज्‍येनी तेन्‍गु दु यिहॱनाङ च्‍यि ख्‍ये, छ्य़े-ठिमॱराङ गोम्‍दी किन्‍ज्‍योला स्‍ये़हन्‍डील पेहकें?

रोमी 2:13

च्‍यिबेमाना छ्य़े-ठिम ङ्यिहन्‍गेया़ किन्‍ज्‍योकी दिनला टाहङबु मी़हसीहएँ, यिहॱनाङ छ्य़े-ठिम ची़गेया़ टाहङबु सी़हज्‍ये येह।

रोमी 2:26

का़हलेॱआङ स्‍या-ताक माहबेबा मिहगी छ्य़े-ठिम ची़सीमाना च्‍यि खो किन्‍ज्‍योकी दिनला स्‍या-ताक पेहक्‍यो मिह ङ्याम्‍बा माहकाहल ले?

रोमी 2:27

स्‍या-ताक माहबेबाया़गी ख्‍या स्‍या-ताक पेहक्‍यो यहूदीया़ला क्‍येन केन्‍ज्‍ये येह च्‍यिबेमाना ख्‍या ङ्याम्‍बु प्रुहक्‍योकी छ्य़े-ठिम येहकें यिहॱनाङ ख्‍यागी ओ़ह मा़हची ओहले लेहमेन क्‍यिहपाकी मिहया़गी स्‍या-ताक माहबेबा येहकें यिहॱनाङ खुङगी छ्य़े-ठिम ची़सीन।

१ कोरिन्‍थी 7:19

च्‍यिबेमाना स्‍या-ताक पेहकें दाङ स्‍या-ताक मेहपेहकेला च्‍यिॱआङ ख्‍येपार म़ेह, यिहॱनाङ किन्‍ज्‍योगी का ङ्यिहन्‍गेन्‍दी थाम्‍ज्‍यी म़ेदी चा़ छ्यिम्‍बु यिहम्‍बा।

गलाती 6:13

च्‍यिबेमाना स्‍या-ताक पेहकेनया़ राहङगीराङ छ्य़े-ठिम मी़हचीएँ, यिहॱनाङ ख्‍याया़ला स्‍या-ताक पेह च्‍य़ूदी खुङलाॱआङ ओहराङ यहूदीया़ ल़ेहमुराङ ज़ो ख़ूसीन म़ेदी छ्य़ेन्‍दो तेन्‍ज्‍येकी तेहन्‍दाला गा खुङया़गी ख्‍याया़ला स्‍या-ताक पेह च्‍य़ूज्‍ये छोल्‍गे।