रोमी 2:24 - ह्योल्‍मो

²⁴ च्‍यिबेमाना छ्य़ेला दि ल़ेहमु म़ेदी प्री़हदी येह, “ख्‍ये यहूदीया़गी पेहतीराङ लेहमेन क्‍यिहपाकी मिहया़की पाहरक्‍यीला किन्‍ज्‍योकी छेन नोहङदी काहल्‍दी येह।”

रोमी 2:24 Referans Kwoze

२ पत्रुस 2:2

मिह माहङबुराङ खुङया़गी पे मी़हसीहएँगी लाहमया़ला स्‍य़ूहज्‍ये येह ओहले खुङगी पेहती तेहन्‍दामकी लाहमती आब्रु डोज्‍ये येह।

तीतस 2:5

ओहले खुङगी राहङगी राहङला सेम थिक-चिला ज़्‍या़गेन, टाहङबु सेम थो़गे, मिहला निङज्‍यी पेहकें, या़हबु टोहङबा ज़ुङगे ओहले ख्‍योवागी ओङ चो़ला तेहकेन्‍गी लुहङया़ तेर्च्‍ये येह। ओ़हठी पेहसीमाना च्‍यी़राङ मिहया़गी किन्‍ज्‍योगी लुहङला क्‍येन ता़ ख़ूज्‍ये म़ेह।

१ तिमोथी 6:1

लाबुगी ङ्यास्‍यीङ चो़ला येहकें थाम्‍ज्‍यीगी राहङ-राहङगी ताहक्‍पुला निङ थाक्‍पा यिहन्‍ज्‍युराङ ची़नाङ पेह कोहकें म़ेदी टेहम्‍बा साल्‍दोङ। ओ़ह ल़ेहमु यिहन्‍सीमाना च्‍यी़राङ सुगीॱआङ किन्‍ज्‍योगी छेन दाङ ओहराङगी तेरक्‍योगी लुहङला फातुर च़ू ख़ूज्‍ये म़ेह।

मत्ती 18:7

काहजे छा़ तुहवा दि जाम्‍बुलीङ! च्‍यिबेमाना दि जाम्‍बुलीङला मिहया़ला तिहक्‍पाला छ्यि च्‍य़ूगेन्‍गी से़हया़नी माहङबुराङ येह। दि ल़ेहमु तिहक्‍पाला छ्यि च्‍य़ूगेन्‍गी से़हया़नी ओहङॱराङ ओहङगे, यिहॱनाङ ओ़ह मिहला का़हन्‍दीगी तिहक्‍पाला छ्यि च्‍य़ूगे खोला छा़ तुहवा।”

१ तिमोथी 5:14

ओ़ह सोङबे ख्‍योवा स्‍यिक्‍यो स्‍यार्मा पी़हमी-पेहजाया़गी पा़हमा पेहच्‍यु म़ेदी ङाह लोप्‍ताम क्‍याहप्‍को येह। ओहले खुङया़गी पुह पोहमोया़ क्‍येदी राहङगी टोहङबा ज़ुङदी तेहच्‍यु। ओ़हठी यिहन्‍सीमाना च्‍यी़राङ ओहराङगी टाहया़गी खुङला क्‍येन ताएँगी लोहङ ज्‍योर्च्‍ये म़ेह।