रोमी 2:21 - ह्योल्‍मो

²¹ ता़ह ओ़हठी यिहन्‍सीमाना ख्‍येगी लेहमेन मिहया़लाती लोप्‍कें ओहले च्‍यि राहङलादी मेहलोप्‍कें ले? ओहले ख्‍ये लेहमेनया़लादी कुमेन क्‍याहप्‍च्‍ये मेहयोहङगे म़ेदी लोप्‍कें, ओहले ख्‍ये राहङगीदी कुमेन क्‍याहप्‍कें?

रोमी 2:21 Referans Kwoze

१ कोरिन्‍थी 9:27

यिहॱनाङ ङाह राहङगी ज़ुबुला ज्‍यिबुराङ तुहक्‍पु तेर्ती च्‍याहङदार पेहकें ओहले ङाह राहङगी ज़ुबु दाङ सेमला थिला ज़्‍या़गे, मिहन्‍सीमानानी लेहमेनया़ला या़हबु लेहङगु स्‍येती ङाह राहङती च्‍याहगा ज्‍योर्च्‍येगी तेहन्‍दाला सी़हज्‍ये म़ेह।

लूका 12:47

“ताहक्‍पुगी सेम ङोह स्‍य़ेदीॱआङ पेह कोहएँगी ल़ेह मेहबेगे योक्‍पुया़ला ताहक्‍पुगी ङ्य़ेहबा छ्यिम्‍बु काल्‍ज्‍ये येह।”

लूका 11:46

ओहले येशूगी सुङ नाङसीन “ख्‍या छ्य़े-ठिमकी लोबेनया़ॱआङ काहजे छा़ तुहवा! च्‍यिबेमाना खुर मी़हखुएँगी खुर्पु ख्‍यागी मिहया़ला खुर च्‍य़ूएँ, ओहले ख्‍या राङदी खुर्पु क्‍या़ज्‍येनी फारॱराङ ज़्‍यो़ राहङ लाहक्‍पा जुबीगीॱआङ मे़हन्‍देएँ!”

लूका 19:22

ओहजेला क्‍याहल्‍बुगी मासीन, ‘ए फेन मे़हथोएँगी योक्‍पु, ख्‍येगी खाले थेन्‍ग्‍यो तामलेराङ ङाह ख्‍येला ठिम ताङगे। का़हन्‍दी मा़हज्‍याबा ओ़हदीॱराङ लेहन्‍गे ओहले का़हन्‍दी माहताप्‍पा ओ़हदीॱराङ टू़हगेन ङाह सेम सान्‍दी मिह यिहन म़ेदी ख्‍येला क्‍यी़ह दु ले!

लूका 4:23

ओहले येशूगी सुङ नाङसीन, “ङाहला क्‍यी़ह येह, ता़हनी ख्‍यागी ङाहला दि पे ज़्‍या़दी माज्‍ये येह– ‘ए आम्‍ज्‍यी, तोहङले राहङगी राहङला टा़ह च्‍य़ूदोङ! राहङगी कफर्नहुम ठोमला छ्या़ले छ्यिम्‍बु जेक्‍योदी ङ्यिहगी थ़ेसीन। तेहम्‍बाराङ यिहन्‍सीमानानी राहङगी फायुला आङ ओ़ह ल़ेहमुराङ याहम्‍जेन छ्यिम्‍बु छ्या़ले जे नाङदोङ!’”

मत्ती 21:13

ओहले येशूगी खुङया़ला सुङ नाङसीन, “सुङरापला दि ल़ेहमु प्री़हदी येहबा– ‘ङाहगी खाङबाला सोल्‍वाङ ताप्‍केन्‍गी खाङबा म़ेदी माज्‍ये येह।’ यिहॱनाङ ख्‍याया़गीनी दि छ्योखाङला ज्‍याक्‍पाया़गी फुक्‍पा गा ज़ोसीन दुबा!”

गलाती 6:13

च्‍यिबेमाना स्‍या-ताक पेहकेनया़ राहङगीराङ छ्य़े-ठिम मी़हचीएँ, यिहॱनाङ ख्‍याया़ला स्‍या-ताक पेह च्‍य़ूदी खुङलाॱआङ ओहराङ यहूदीया़ ल़ेहमुराङ ज़ो ख़ूसीन म़ेदी छ्य़ेन्‍दो तेन्‍ज्‍येकी तेहन्‍दाला गा खुङया़गी ख्‍याया़ला स्‍या-ताक पेह च्‍य़ूज्‍ये छोल्‍गे।