रोमी 2:13 - ह्योल्‍मो

¹³ च्‍यिबेमाना छ्य़े-ठिम ङ्यिहन्‍गेया़ किन्‍ज्‍योकी दिनला टाहङबु मी़हसीहएँ, यिहॱनाङ छ्य़े-ठिम ची़गेया़ टाहङबु सी़हज्‍ये येह।

रोमी 2:13 Referans Kwoze

१ यूहन्‍ना 3:7

ए ङाहगी च्‍याहम्‍बु पेहजाया़, सुज्‍यीगीॱआङ ख्‍याला चिहन क्‍याहप माहङ्युहङज्‍यु। मास्‍यीका टाहङबु येहकें ल़ेहमुराङ काहदी मिहगी राहङगी डोलु-तेहलुया़ टाहङबु पेहकें, खो मिह टाहङबु यिहम्‍बा

रोमी 2:25

का़हलेॱआङ ख्‍येगी छ्य़े-ठिम ची़सीमाना स्‍या-ताक पेहक्‍यो ठाबेराङ यिहम्‍बा, यिहॱनाङ ख्‍येगी छ्य़े-ठिम मी़हचीसीमानाती ख्‍येगी स्‍या-ताक पेहक्‍यो यिहॱनाङ ओ़हला च्‍यिॱआङ ख्‍येप्‍साङ म़ेह।

गलाती 2:16

यिहॱनाङ, दि केच्‍या ङ्यिहगी ङोह स्‍ये़सीन– येशू मास्‍यीकाला तेहपा पेहना मिहम्‍बा, छ्य़े-ठिम ची़देनी मिह किन्‍ज्‍योगी दिनला टाहङबु सी़ह मी़हखुएँ। ओ़ह सोङबे ओहराङ छ्य़े-ठिम लाहमले मिहम्‍बा यिहॱनाङ मास्‍यीका थो़ला पेहक्‍योकी यिह-छ्य़े लाहमले टाहङबु सी़ह ख़ूज्‍यु म़ेदीराङ ओहराङगीॱआङ ओहराङगी तेहपा मास्‍यीका येशू थो़ला ज़्‍या़क्‍यो यिहम्‍बा, च्‍यिबेमाना छ्य़े-ठिम लाहमले सुज्‍यीॱआङ टाहङबु सी़ह मी़हखुएँ।

१ यूहन्‍ना 2:29

मास्‍यीका टाहङबु येह म़ेदी ख्‍याया़ला क्‍यी़हराङ येह। ओ़ह सोङबे किन्‍ज्‍योगी दिनला ठाबे सी़हएँगी ल़ेह पेहकें मिहया़ च्‍यी़राङ मिहरोगी छार्क्‍यीनया़ ओहङज्‍ये येह माएँ तामॱआङ ख्‍याया़ला क्‍यी़हराङ येह।

रोमी 10:5

मोशागी छ्य़े-ठिम लाहमले ओहङगेन टाहङदेनकी तेहन्‍दाला दि ल़ेहमु प्रुह नाङदी येह, “छ्य़े-ठिम ची़गे मिह ओ़ह लाहमलेॱराङ थार्च्‍ये येह।”

लूका 8:21

ओहले येशूगी सुङ नाङसीन, “किन्‍ज्‍योगी सुङदेन ङ्यिहन्‍गे दाङ ची़नाङ डुप्‍केया़राङ ङाहगी आमा दाङ ङाहगी नो़हया़ यिहम्‍बा!”

रोमी 3:30

च्‍यिबेमाना किन्‍ज्‍योनी च्‍यिमे च्‍यी़राङ ज़्‍य़ू नाङदी येहबा। मिहरोगी यहूदीया़ला खुङया़गी तेहपा लाहमले टाहङबु सी़ह च्‍य़ू नाङगे ओहले लेहमेन क्‍यिहपाकी मिहया़लाॱआङ खुङया़गी तेहपा लाहमलेॱराङ टाहङबु सी़ह च्‍य़ू नाङगे।

ल़ेह-पेन 13:39

येशूला यिह छ्य़ेगेया़ थाम्‍ज्‍यी तिहक्‍पा ङो़ले थार्पा ज्‍योर्ती किन्‍ज्‍योगी ज़ी़नाङला ठाबे सी़हगे। मोशागी नाङग्‍यो छ्य़े-ठिमगी मिहया़ला थार्पा तेर मी़हखुएँ।

लूका 18:14

ङाहगी ख्‍याला माएँ, ओ़ह फरिसी म़ेदी ठाल तुहएँ मिहती किन्‍ज्‍योगी ज़ी़लुला या़हबु थेन्‍सीन ओहले खो खाङबाला लो़ह काहल्‍सीन। च्‍यिबेमाना सुगी राहङगी राहङला छ्यिम्‍बु ज़ोज्‍ये छोल्‍गे खो फेमा ओहङज्‍ये येह ओहले सुगी राहङला फेमा ज़ोएँ खो छ्यिम्‍बु ओहङज्‍ये येह।”

गलाती 5:4

छ्य़े-ठिम ची़दे किन्‍ज्‍योकी दिनला च्‍यिॱआङ क्‍येन म़ेहबाकी मिह डोज्‍ये छोल्‍गेया़ ख्‍या मास्‍यीका ङ्याम्‍बु खा फे़-सिहन्‍दी येह। किन्‍ज्‍योकी काटीन लाहमले ख्‍या ज्‍यिबुराङ था़-रिहङबु काहल्‍दी येह।

रोमी 3:23

च्‍यिबेमाना मिह थाम्‍ज्‍यीगी तिहक्‍पा पेहती येह, ओहले किन्‍ज्‍योकी ज़िज्‍यिद यिहन्‍ज्‍यु था़-रिहङबु काहल्‍दी येह।

रोमी 3:20

ओ़ह सोङबे छ्य़े-ठिमला ची़दी सुज्‍यीॱआङ किन्‍ज्‍योगी दिनला टाहङबु सी़ह मी़हखुएँ, च्‍यिबेमाना छ्य़े-ठिमगीनी मिहगी पेहक्‍योगी तिहक्‍पाला ङोह स्‍य़े च्‍यी़राङ च्‍य़ूगे।

यूहन्‍ना 13:17

ख्‍याया़गी दि ताम ङोह स्‍य़ेदी दिला ते़बे ल़ेह पेहसीमाना, किन्‍ज्‍योगी ख्‍याया़ला मेलाम नाङज्‍ये येह।

१ कोरिन्‍थी 4:4

ङाहला च्‍यिरा क्‍येन येहबा ल़ेहमुनी ङाहला म़ेह ऩे दु यिहॱनाङ ओ़हगी ङाह नाम्‍पार-ताहक्‍पा येह म़ेदीनी दास्‍यी तेर मी़हखुएँ। ङाहला ठिम ताङ नाङगेनी चो़वोॱराङ यिहम्‍बा।

याकूब 1:27

तुहक्‍पुला छ्यिक्‍यो ह्‍युग्‍मो दाङ टो़टेया़ला रो़हराम पेहकेन ओहले जाम्‍बुलीङकी चोक्‍पा से़हया़ यिहन्‍ज्‍यु राहङ था़-रिहङबु तेहकेंॱराङ किन्‍ज्‍यो याहपला थु ङ्य़ेबु ओहङगेन्‍गी चाङमा दाङ नाम्‍पार-ताहक्‍पा छ्य़े यिहम्‍बा।