रोमी 15:15 - ह्योल्मो15 यिहॱनाङ किन्ज्योगी ङाहला नाङग्यो काटीनगी पेहती ख्याया़ला येहपाराङ टेहम्बा साल च्य़ूज्येला ङाहगी आ़र पेहती दि यिहगी प्रुहएँॱराङ येहबा। Gade chapit la |
यिहॱनाङ ताहन्दा ङाह काह-ठि येहबा, ओ़ह थाम्ज्यी किन्ज्योगी काटीनगीॱराङ यिहम्बा ओहले मिहरोगी ङाहगी मिहजीला जे नाङग्योकी काटीन स्यिती काम्बुला थोरो माहकाहल। तोहरोङ खुङया़गी म़ेदीॱआङ माहङबु ङाहगी तुहक्पु पेहसीन। यिहॱनाङ ङाहगी मिहम्बा, ङाह ङ्याम्बु ज़्य़ू नाङगे किन्ज्योगी काटीनगी यिहम्बा।
याकूब, केफास दाङ यूहन्ना छेन्छोककी गो-छ्येवा गोबाया़ यिहन्गे ओहले खुङ फे़बेया़गी किन्ज्योगीॱराङ ङाहला काटीन नाङग्यो दु माएँ ताम ङोह स्य़े फान्ज्यो खुङ फे़बेया़गी बारनाबास दाङ ङाहला रो़ह म़ेदी ची़नाङ पेहसीन। ओहले ङ्यिह फे़बेया़दी लेहमेन क्यिहपाकी मिहया़की पाहरक्यीला ल़ेह पेहकें काहल्सीन ओहले खुङ फ़ेबेया़ती यहूदीया़की पाहरक्यीला ल़ेह पेहकें काहल्सीन।