रोमी 13:12 - ह्योल्‍मो

¹² नुहप टाहल सिहन्‍सीन, ओहले ङ्यिहमा पोहलाराङ लेप सिहन्‍दी येह। ओ़ह सोङबे ना़-जुबेकी ल़ेहया़ क्‍युर्ती ता़ह ओहराङ येहसेरकी छेन्‍ज्‍याया़ थो़ कोहएँ।

रोमी 13:12 Referans Kwoze

एफिसी 5:11

ना़-जुबेगी लाहमला स्‍य़ूहदी फेनराङ मे़हथोएँगी ल़ेहया़ पेहकें मिहया़ ङ्याम्‍बु थिन्‍दे ल़ेह पेहॱराङ माहबे। यिहॱनाङ ओ़ह ल़ेह चोक्‍पा यिहन म़ेदी ख्‍येगी तेन तेर।

२ कोरिन्‍थी 6:7

ओहले तेहन्‍दामकी लेहङगु दाङ किन्‍ज्‍योगी ओङला, योबा दाङ योमा ङो़ले टाहङदेनकी छेन्‍ज्‍याया़ थो़गे,

याकूब 1:21

ओ़ह सोङबे ख्‍यागी दि रोहवा चोक्‍पा दाङ नाम्‍दो लाहङज्‍ये ल़ेहमु पेहताङया़ थाम्‍ज्‍यीराङ क्‍युर्तोङ। किन्‍ज्‍योगी राहङगी सुङ ख्‍यागी सेमला ज़्‍या़ नाङदी येहबा ओ़हदीला ख्‍यागी स्‍यिहवा पेहती लेहन्‍दोङ च्‍यिबेमाना दिगीॱराङ ख्‍याला थार च्‍य़ूएँ।

एफिसी 4:22

तोहङमाकी डोलु-तेहलुया़ पेहती राहङगी मिहजी ताङगे ख्‍याया़की निङबा मिहली क्‍युर्तोङ म़ेदी ख्‍याया़गी ह्‍अ केह सिहन्‍दी येह। ख्‍याया़ती चोक्‍पा-चोक्‍पा सेम्‍बाया़गी पेहती ओ़ह निङबा मिहली तोङदी डोॱराङ येहकें।

रोमी 13:14

यिहॱनाङ ङ्यिहमागी छेन्‍ज्‍याया़ ल़ेहमुराङ चो़वो येशू मास्‍यीकाकी छ्याप्‍स्‍यीया़ला पे त़ेदी ओ़ह ल़ेहमुराङ छ्याप्‍स्‍यी पेहतोङ। ओहले ज़ुबुकी तिहक्‍पाकी पेहताङकी सेम्‍बाया़ छाङबु पेहच्‍ये माहछोल।

ज्‍याल्‍गा 22:10

ओहले मिहरोगी येहपाराङ ङाहला सुङ नाङसीन, “दि छ्य़ेला लुहङतेम्‍बाया़गी प्रुहक्‍योगी सुङ पे़हदी मा़हज्‍या च्‍यिबेमाना दि थाम्‍ज्‍यी तेहन्‍दा डुप्‍केन्‍गी ती़हजी पोहलाराङ येह।

१ पत्रुस 2:1

ओ़ह सोङबे ख्‍यागी ना थाम्‍ज्‍यीगी ल़ेह चोक्‍पाया़ क्‍युर्तोङ, चिहन माहक्‍याहप, यिहन्‍दो माहतेन, ठादो माहतेन ओहले मिह ताम च्‍येहकेन्‍गी तामया़ माहलाप।

ज्‍याल्‍गा 1:3

दि छ्य़े टा़हगेन दाङ तिङला बाप ओहङज्‍ये पेहक्‍यो केच्‍याया़गी तेहन्‍दाला प्रुह नाङग्‍योकी सुङला ङ्यिहन्‍दी ची़गेया़ काहजे सोनाम-साक्‍पु। च्‍यिबेमाना दि केच्‍याया़ ग्‍यो़बाराङ तेहन्‍दा डुप्‍च्‍ये येह।

१ कोरिन्‍थी 7:29

आदा-नो़ह दाङ आज्‍यी-नुहमुया़, ङाहगी माएँ ताम देजेराङ यिहम्‍बा, ता़ह ती़हजी माहङबु म़ेह, ओहले ता़ह यिहन्‍ज्‍यु पी़हमी येहकेनया़ पी़हमी म़ेहबा ल़ेहमुराङ पेहती तेहच्‍यु।

१ कोरिन्‍थी 10:11

खुङ थो़ला बाप्‍क्‍योकी दि केच्‍याया़ ओहराङगी तेहन्‍दाला पे च्‍यी़ काहल्‍सीन ओ़ह सोङबे ओहराङ जेम्‍बु पेहती तेह कोहएँ माएँगी तेहन्‍दाला दि केच्‍याया़ प्रुहक्‍यो यिहम्‍बा। ता़ह ओहराङनी दि जाम्‍बुलीङला काल्‍बाया़ तोङगेन्‍गी ती़हजी पोहला लेप सिहन्‍दी येहबा।

२ कोरिन्‍थी 10:4

च्‍यिबेमाना ङ्यिहती मा़ क्‍याहप्‍केन्‍गी छेन्‍ज्‍याया़ दि जाम्‍बुलीङदी मिहम्‍बा, यिहॱनाङ किन्‍ज्‍योगी नाङग्‍यो छेन्‍ज्‍याया़ लाहमले ती़हया़गी ओङला तोङ च्‍य़ूज्‍ये येह ओहले मे़हकोहएँकी ताम लोहङडीया़लाॱआङ फाम च्‍य़ूज्‍ये येह। ओहले दि छेन्‍ज्‍याया़गी टाहया़ तेहकेन्‍गी थाम्‍ज्‍यीराङ ग्‍या़या़ रोम्‍ज्‍ये येह।

एफिसी 5:8

च्‍यिबेमाना लेहमा च्‍यी़ ख्‍याया़ ना़-जुबेला येहकें, यिहॱनाङ ता़ह ख्‍याया़ चो़वोकी पुह-पोहमो काहल्‍ग्‍यो सोङबे क्‍या-साङेला येहबा। ओ़ह सोङबे ख्‍याया़ क्‍या-साङेकी पुह पोहमोया़ ल़ेहमुराङ पेहती राहङगी डोलु-तेहलुया़ या़हबु पेहतोङ।

हिब्रू 10:25

लाहला मिहया़ छोक्‍पाला मेहन्‍डोएँगी बा़नी ओहङगे ल़ेहमु ओहराङ ङ्याम्‍बुदी ओ़ह ल़ेहमु बा़नी ओहङज्‍ये मेहयोहङगे। चो़वोकी ङ्यिहमा पोहला ओहङगेॱराङ पेहक्‍यो ख्‍याया़गी थोङग्‍यो सोङबे छोक्‍पा पेहच्‍येला च्‍यी़गी च्‍यी़ला जेन माहङबु आ़र क्‍ये च्‍य़ूदोङ।

हिब्रू 12:1

ओहराङ देजे माहङा मिह पाङबुया़गी पाहरक्‍यीला येहकें सोङबे ओहराङ डोएँगी लाहमला का़ज्‍ये छोल्‍गेन्‍गी से़हया़ ओहले ओहराङला कोहल च्‍य़ूगेन्‍गी तिहक्‍पाया़ला ओहराङगी क्‍युर कोहएँ ओहले ओहराङ थाक-ताङदी किन्‍ज्‍योगी ते़ च्‍यू़ नाङग्‍योगी ग्‍या़ ङो़ले छ्योङ कोहएँ।

याकूब 5:8

ओ़हठीॱराङ पेहती ख्‍यागीॱआङ ना़स्‍यीङ छ्यिम्‍बु पेहती कू़हदी तेहतोङ। राहङ सेम सान्‍दी पेहती तेह, च्‍यिबेमाना चो़वो फेप नाङगेन्‍गी ती़हजी पोहलाराङ येह।

१ पत्रुस 4:7

ता़ह ना थाम्‍ज्‍यी तोङदी डोएँगी ती़हजी पोहलाराङ लेप सिहन्‍दी येह। ओ़ह सोङबे राहङगी सोल्‍वाङकी तेहन्‍दाला राहङ सेम थिक-चिला ज़्‍या़दी जेम्‍बु पेहती तेहतोङ।

२ पत्रुस 3:9

राहङ ताहम्‍ज्‍याकी तेहन्‍दाला चो़वोगी फिमु जे नाङगे म़ेदी लाहला मिहया़गी माॱनाङ मिहरोगी फिमु जे नाङग्‍यो म़ेह। यिहॱनाङ ख्‍या नाहङला सुज्‍यीॱआङ माहतोङज्‍यु, यिहॱनाङ ख्‍या थाम्‍ज्‍यीगी सेमकी स्‍या़बा पेहच्‍यु सुङदी चो़वो ख्‍याया़गी तेहन्‍दाला कू़हदे ज़्‍य़ू नाङदी येहबा।

२ पत्रुस 3:11

दि थाम्‍ज्‍यी किन्‍ज्‍योगी तोङ च्‍य़ू नाङगे सुङबे नाम्‍पार-ताहक्‍पा दाङ टाहङदेनकी मिहजी ताङ कोहएँ।

१ यूहन्‍ना 2:18

ए पेहजाया़, ता़ह तिङस्‍यो ती़हजी दिराङ यिहन। मास्‍यीकाला टाह पेहकें मिहया़ थेन्‍गेॱराङ येह माएँ ताम ख्‍यागी थ़े सिहन्‍दी येह। ता़ह मास्‍यीकाला टाह पेहकेनया़ माहङबुराङ थेन सिहन्‍दी येह। ओ़ह सोङबे दिराङ तिङस्‍यो ती़हजी यिहम्‍बा म़ेदी ओहराङला क्‍यी़ह येहबा।