रोमी 13:11 - ह्योल्‍मो

¹¹ टेहम्‍बा ज़्‍यो़, काहन्‍डुमु ती़हजी ओहङज्‍ये पेहक्‍यो येहबा। ओ़ह ख्‍याया़लाॱआङ क्‍यी़हराङ येह, ता़ह ख्‍या ङ्यि स़ेती लाहङदी तेहकेन्‍गी ठाबे ती़हजी लेप सिहन्‍दी येह, च्‍यिबेमाना ओहराङगी तोहङले यिह छ्य़ेक्‍यो म़ेदीॱआङ ताहन्‍दा ओहराङगी थार्पा तोहरोङ पोहला लेप्‍ती येह।

रोमी 13:11 Referans Kwoze

१ पत्रुस 4:7

ता़ह ना थाम्‍ज्‍यी तोङदी डोएँगी ती़हजी पोहलाराङ लेप सिहन्‍दी येह। ओ़ह सोङबे राहङगी सोल्‍वाङकी तेहन्‍दाला राहङ सेम थिक-चिला ज़्‍या़दी जेम्‍बु पेहती तेहतोङ।

एफिसी 5:14

ओ़ह सोङबे छ्य़ेला दि ल़ेहमु सुङ नाङदी येह, “ए ङ्यि लो़हदी तेहक्‍योया़ ङ्यि स़ेतोङ ओहले स्‍यिक्‍योया़लेगी लोहङ, ओहले मास्‍यीकागी ख्‍याया़ला येहसेर नाङज्‍ये येह।”

१ कोरिन्‍थी 15:34

जेम्‍बु पेह, ता़ह यिहन्‍ज्‍यु तिहक्‍पा माहबे। च्‍यिबेमाना काहजे मिहया़लानी किन्‍ज्‍योगी तेहन्‍दाला क्‍यी़हराङ म़ेह। ख्‍याया़ला ङोह छाज्‍यु म़ेदी ङाहगी दि माक्‍यो यिहम्‍बा।

ज्‍याल्‍गा 22:20

दि तामगी पाङबु नाङगेन्‍दीगी सुङ नाङगु दु, “तेहम्‍बाराङ, ङाह ओहङगेॱराङ येह।” आमेन, फेप नाङदोङ, ओ़ चो़वो येशू।

लूका 21:28

ओहले दि ल़ेहमु से़हया़ ओहङगे ती़हजीला ख्‍याया़ लाहङदी राहङगी गो़ याहर क्‍या़दोङ, च्‍यिबेमाना ख्‍याया़गी थार्पा पोहलाराङ लेप्‍ते येह।”

ज्‍याल्‍गा 22:12

“त़ेदोङ, ङाह ग्‍यो़बा ओहङगेॱराङ येह, मिह थाम्‍ज्‍यीला खोगी पेहक्‍योगी ल़ेहला ते़बे च्‍याहगा तेर्च्‍ये येह।

१ कोरिन्‍थी 10:11

खुङ थो़ला बाप्‍क्‍योकी दि केच्‍याया़ ओहराङगी तेहन्‍दाला पे च्‍यी़ काहल्‍सीन ओ़ह सोङबे ओहराङ जेम्‍बु पेहती तेह कोहएँ माएँगी तेहन्‍दाला दि केच्‍याया़ प्रुहक्‍यो यिहम्‍बा। ता़ह ओहराङनी दि जाम्‍बुलीङला काल्‍बाया़ तोङगेन्‍गी ती़हजी पोहला लेप सिहन्‍दी येहबा।

मत्ती 16:3

येहपाराङ ङाटुराङ नाम माहर्मु दाङ ना़-जुबे डोएँमु ‘तिहरीङनी नाम क्‍याहप्‍के’ म़ेदी माएँ। दि ल़ेहमु पेहती नामला त़ेदी ङ्यिहमा काहन्‍डुमु ओहङगे! म़ेदी ङोह स्‍य़ेएँ, यिहॱनाङ दि ती़हजीला बाप ओहङज्‍ये पेहक्‍योगी ता़स्‍यीया़ ख्‍याया़ ङोह मे़हस्‍येएँ।

याकूब 5:8

ओ़हठीॱराङ पेहती ख्‍यागीॱआङ ना़स्‍यीङ छ्यिम्‍बु पेहती कू़हदी तेहतोङ। राहङ सेम सान्‍दी पेहती तेह, च्‍यिबेमाना चो़वो फेप नाङगेन्‍गी ती़हजी पोहलाराङ येह।

२ पत्रुस 3:9

राहङ ताहम्‍ज्‍याकी तेहन्‍दाला चो़वोगी फिमु जे नाङगे म़ेदी लाहला मिहया़गी माॱनाङ मिहरोगी फिमु जे नाङग्‍यो म़ेह। यिहॱनाङ ख्‍या नाहङला सुज्‍यीॱआङ माहतोङज्‍यु, यिहॱनाङ ख्‍या थाम्‍ज्‍यीगी सेमकी स्‍या़बा पेहच्‍यु सुङदी चो़वो ख्‍याया़गी तेहन्‍दाला कू़हदे ज़्‍य़ू नाङदी येहबा।

२ पत्रुस 3:11

दि थाम्‍ज्‍यी किन्‍ज्‍योगी तोङ च्‍य़ू नाङगे सुङबे नाम्‍पार-ताहक्‍पा दाङ टाहङदेनकी मिहजी ताङ कोहएँ।

१ यूहन्‍ना 2:18

ए पेहजाया़, ता़ह तिङस्‍यो ती़हजी दिराङ यिहन। मास्‍यीकाला टाह पेहकें मिहया़ थेन्‍गेॱराङ येह माएँ ताम ख्‍यागी थ़े सिहन्‍दी येह। ता़ह मास्‍यीकाला टाह पेहकेनया़ माहङबुराङ थेन सिहन्‍दी येह। ओ़ह सोङबे दिराङ तिङस्‍यो ती़हजी यिहम्‍बा म़ेदी ओहराङला क्‍यी़ह येहबा।

ज्‍याल्‍गा 1:3

दि छ्य़े टा़हगेन दाङ तिङला बाप ओहङज्‍ये पेहक्‍यो केच्‍याया़गी तेहन्‍दाला प्रुह नाङग्‍योकी सुङला ङ्यिहन्‍दी ची़गेया़ काहजे सोनाम-साक्‍पु। च्‍यिबेमाना दि केच्‍याया़ ग्‍यो़बाराङ तेहन्‍दा डुप्‍च्‍ये येह।

ज्‍याल्‍गा 22:10

ओहले मिहरोगी येहपाराङ ङाहला सुङ नाङसीन, “दि छ्य़ेला लुहङतेम्‍बाया़गी प्रुहक्‍योगी सुङ पे़हदी मा़हज्‍या च्‍यिबेमाना दि थाम्‍ज्‍यी तेहन्‍दा डुप्‍केन्‍गी ती़हजी पोहलाराङ येह।