रोमी 12:19 - ह्योल्‍मो

¹⁹ ङाहगी च्‍याहम्‍बु रो़हया़, सु ङ्याम्‍बुॱआङ नाहमॱआङ स्‍यिहताङगी क्‍यिम्‍बा माहच्‍याल। यिहॱनाङ दि ल़ेह किन्‍ज्‍योकी थुयालला ज़्‍या़दोङ। च्‍यिबेमाना, छ्य़ेला दि ल़ेहमु प्री़हदी येहबा, “क्‍यिम्‍बा लेहन्‍गेन्‍गी ल़ेह ङाहती यिहन, ङाहगीराङ क्‍यिम्‍बा लेहन्‍ज्‍ये येह।”

रोमी 12:19 Referans Kwoze

हिब्रू 10:30

च्‍यिबेमाना “क्‍यिम्‍बा लेहन्‍गेन्‍गी ल़ेह ङाहती यिहम्‍बा, ङाहराङगी क्‍यिम्‍बा च्‍याल्‍गे” म़ेदी सुङ नाङगेन्‍दीला ओहराङगी ङोह स्‍य़ेएँ। ओहले छ्य़ेला दि ल़ेहमु म़ेदीॱआङ प्री़हदी येहबा, “चो़वो छ्येवागीराङ राहङ मिहया़ला ठिम ज़ी़ नाङज्‍ये येह।”

रोमी 12:17

मिहगी ख्‍येला चोक्‍पा पेहसीन म़ेदी ख्‍येगी खोला चोक्‍पा पेहच्‍ये माहछोल। मिह थाम्‍ज्‍यीगी दिनला च्‍यि या़हबु येहबा ओ़हला सेम ताङदोङ।

१ थेसलोनिकी 4:6

दिगी तेहन्‍दाला सुज्‍यीगीॱआङ राहङगी आदा-नो़हला गो़ कोर्ती खो लाहमले खेप्‍साङ माहतेन्‍ज्‍यु। दि ल़ेहमु तामला चो़वोगी ङ्य़ेहबा काल नाङज्‍ये येह। ङ्यिहगी ख्‍या फ़ेबे-म़ेहमेया़ला तोहङलेराङ दिगी तेहन्‍दाला छ्यिसाल-नाहङसाल पेहती ज्‍यी़-ङोर तेर सिहन्‍दी येहबा।

रोमी 12:14

ख्‍याला तुहक्‍पु तेर्केन मिहला मे़मु माहक्‍याहप, खुङला मेलाम क्‍याहप्‍तोङ।

मत्ती 5:39

यिहॱनाङ ङाह ख्‍याया़ला माएँ, ख्‍याया़गी सु ङ्याम्‍बुॱआङ क्‍यिम्‍बा माहलेहन। का़हलेॱआङ सुज्‍यीगी ख्‍येगी योबा डाम्‍बाला क्‍याहप्‍सीमाना योमा डाम्‍बाॱआङ सेहतेर।

रोमी 13:4

च्‍यिबेमाना ओङ छ्य़ेगेया़ किन्‍ज्‍योला स्‍याहप्‍तो स्‍युहएँगी मिहया़ यिहम्‍बा ओहले मिहरोगी खुङया़ला ख्‍याया़लाॱराङ या़हबु ओहङज्‍यु म़ेदी कुल नाङग्‍यो यिहम्‍बा। ख्‍यागी ल़ेह चोक्‍पा पेहसीनमाना च्‍यी़राङ स्‍युहङ ङ्याम्‍बु ज्‍यी़दोङ च्‍यिबेमाना ख्‍याला ङ्य़ेहबा काल्‍ज्‍येला स्‍युहङ ङ्याम्‍बु ओङ येहबा। स्‍युहङनी ल़ेह चोक्‍पा पेहकेनया़ला ङ्य़ेहबा काल्‍गेन किन्‍ज्‍योला स्‍याहप्‍तो स्‍युहएँगी मिहया़ यिहम्‍बा।

एफिसी 4:27

ओहले ती़ह गो-छ्येवाला लोहङ माहतेर।

२ तिमोथी 4:14

च्‍या़गी ल़ेह पेहकेन अलेक्‍जेन्‍डरगी ङाहला माहङबुराङ चोक्‍पा पेहसीन। खोगी पेहक्‍योगी ल़ेहला ते़बे चो़वोगी खोला ठिम ताङ-नाङज्‍यु।