रोमी 11:6 - ह्योल्‍मो

⁶ दि काटीन लाहमले काहल्‍ग्‍यो यिहम्‍बा, ल़ेह पेहती मिहम्‍बा, मिहन्‍सीमानानी काटीन काटीनॱराङ ओहङज्‍ये म़ेहबा येहकें।

रोमी 11:6 Referans Kwoze

२ तिमोथी 1:9

किन्‍ज्‍योगी ओहराङला थार च्‍य़ू नाङसीन, ओहले नाम्‍पार-ताहक्‍पा मिहलीगी तेहन्‍दाला क़े क्‍याहप नाङसीन। ओहराङगी पेहक्‍योगी ल़ेहला ज़ी़दी मिहम्‍बा यिहॱनाङ किन्‍ज्‍यो राहङगी थु दाङ काटीन लाहमले जे नाङग्‍यो यिहम्‍बा। जाम्‍बुलीङ छ्या़गे म़ेदी तोहङलेराङ ओहराङला मास्‍यीका येशूगी दि काटीन नाङग्‍यो यिहम्‍बा।

गलाती 2:21

किन्‍ज्‍योकी काटीनला ङाह मा-लोक पेह मी़हखु, च्‍यिबेमाना छ्य़े-ठिम लाहमले टाहङबु सी़हगे यिहन्‍सीमानानी मास्‍यीका स्‍यिती काम्‍बुला टोहङ नाङसीन।

तीतस 3:5

ओहले किन्‍ज्‍योगी ओहराङला थार्पा नाङसीन। ओहराङगी ल़ेह या़हबु पेहक्‍यो सुङगोराङ दि ल़ेहमु काहल्‍ग्‍यो मिहम्‍बा यिहॱनाङ किन्‍ज्‍योगी ओहराङला निङज्‍यी जेती मिहरोगी ओहराङकी तिहक्‍पाया़ ठु-नाङसीन ओहले नाम्‍पार-ताहक्‍पा थु लाहमले ओहराङला मिहली साम्‍बा नाङसीन।

गलाती 5:4

छ्य़े-ठिम ची़दे किन्‍ज्‍योकी दिनला च्‍यिॱआङ क्‍येन म़ेहबाकी मिह डोज्‍ये छोल्‍गेया़ ख्‍या मास्‍यीका ङ्याम्‍बु खा फे़-सिहन्‍दी येह। किन्‍ज्‍योकी काटीन लाहमले ख्‍या ज्‍यिबुराङ था़-रिहङबु काहल्‍दी येह।

१ कोरिन्‍थी 15:10

यिहॱनाङ ताहन्‍दा ङाह काह-ठि येहबा, ओ़ह थाम्‍ज्‍यी किन्‍ज्‍योगी काटीनगीॱराङ यिहम्‍बा ओहले मिहरोगी ङाहगी मिहजीला जे नाङग्‍योकी काटीन स्‍यिती काम्‍बुला थोरो माहकाहल। तोहरोङ खुङया़गी म़ेदीॱआङ माहङबु ङाहगी तुहक्‍पु पेहसीन। यिहॱनाङ ङाहगी मिहम्‍बा, ङाह ङ्याम्‍बु ज़्‍य़ू नाङगे किन्‍ज्‍योगी काटीनगी यिहम्‍बा।

लूका 6:13

ओहले नाहम लाहङ फान्‍ज्‍यो स्‍याहप्‍च्‍यीया़ला क़े क्‍याहप नाङसीन, ओहले स्‍याहप्‍च्‍यीया़ नाहङला मेहन्‍दा च्‍यिङ्यी़ला दाम्‍दी ल़ेह-पेन ज़ो नाङसीन।