रोमी 11:21 - ह्योल्‍मो

²¹ किन्‍ज्‍योगी तोहङ यिहन्‍ज्‍युराङ येहकेन्‍गी याहल्‍गाया़लानी ल़े माहताङ माना ख्‍याया़ॱलाङ ल़े ताङ नाङज्‍ये म़ेह।

रोमी 11:21 Referans Kwoze

यहूदा 1:5

ख्‍याया़गी दि थाम्‍ज्‍यी लेहमा च्‍यी़ ङोह स्‍य़ेदीॱराङ येहकें यिहॱनाङ ताहन्‍दा ङाह ख्‍याया़ला टेहम्‍बा साल च्‍य़ूएँ चो़वोगी राहङगी मिहया़ला मिश्र क्‍याहल-खापले तेन्‍दी नोम फेप्‍सीन। यिहॱनाङ यिह मे़हछ्य़ेगेया़ला मिहरोगी तोङ च्‍य़ू नाङसीन।

रोमी 11:19

यिहॱनाङ ख्‍यागी दि ल़ेहमुज्‍यीॱआङ मारो, “ङाह ओ़ह या़हबु तोहङबोला कलमी पेहती ताहम ख़ूज्‍यु म़ेदीराङ ओ़ह याहल्‍गाया़ला तुप्‍क्‍यो यिहम्‍बा।”

रोमी 8:32

मिहरोगी राहङगी च्‍यिमे च्‍यी़राङ स़ेबुलानी सी़दी ज़्‍या़ माहनाङ, यिहॱनाङ ओहराङ थाम्‍ज्‍यीगी तेहन्‍दाला नाङसीन। ओहराङगी तेहन्‍दाला राहङगी स़ेबु नाङगे किन्‍ज्‍योगी तोहरोङ मास्‍यीका ङ्याम्‍बुराङ लेहमेन थाम्‍ज्‍यीराङ से़हया़ ओहराङला मेहनाङडो ले?

रोमी 11:17

ओ़ह ल़ेहमुराङ काहजे याहल्‍गाया़ छ्या़दी काहल्‍ग्‍यो ल़ेहमुराङ काहजे यहूदीया़गीॱआङ किन्‍ज्‍योला क्‍युर ज़्‍या़दी काहल्‍सीन। यिहॱनाङ ख्‍या लेहमेन क्‍यिहपाकी मिहया़ती रिहगी जैतून तोहङबो यिहन यिहॱनाङ ता़ह ख्‍या ओ़ह छ्या़दी काहल्‍ग्‍यो याहल्‍गाया़की छापला कलमी काहल्‍दी येह। ता़ह ख्‍यागी ओ़ह या़हबु जैतून तोहङबोकी चार्ङ्यीलेगी सेदो दाङ मिहली ज्‍योर्च्‍ये येह।

रोमी 11:20

दि केच्‍या तेहन्‍दामॱआङ यिहन, खुङया़गी यिह मा़हछ्येबा सोङबेॱराङ खुङया़ला तुप्‍क्‍यो यिहम्‍बा, यिहॱनाङ ओ़हगी छापला ख्‍याया़गी यिह छ्य़ेसीन ओहले किन्‍ज्‍योगी ख्‍याला कलमी जेती ताहम नाङदी येह। दि केच्‍याला ख्‍या छ्य़ेन्‍दो माहतेन, यिहॱनाङ किन्‍ज्‍योगी ज्‍यिक्‍पा खुर्तोङ।

रोमी 11:22

ओ़ह सोङबे किन्‍ज्‍योकी निङज्‍यी दाङ मिहरोकी थु सान्‍दीला ख्‍यागी साम्‍लु ताङदोङ। तोङदी डोएँया़गी तेहन्‍दाला मिहरोगी राहङगी थु सान्‍दी जे नाङगे ओहले मिहरोगी निङज्‍यी चो़ला तेहकेया़लाती मिहरोगी निङज्‍यी जे नाङगे, मिहन्‍सीमानानी ख्‍याया़ॱलाङ तुप्‍ती क्‍युर नाङज्‍ये येह।