रोमी 11:1 - ह्योल्‍मो

¹ आहन्‍डा यिहन्‍सीमानानी ङाहगी टी़हएँ, “च्‍यि किन्‍ज्‍योगी इस्राएलीया़ला क्‍युर ज़्‍या़ नाङग्‍यो यिहम्‍बा ले? मिहम्‍बा, च्‍यिबेमाना ङाह राहङॱआङ अब्राहामकी छार्क्‍यीन, बेन्‍यामीन छाङकी इस्राएली यिहम्‍बा।

रोमी 11:1 Referans Kwoze

२ कोरिन्‍थी 11:22

च्‍यि खुङया़ हिब्रू यिहम्‍बा? ङाहॱआङ यिहम्‍बा। च्‍यि खुङ इस्राएली यिहम्‍बा? ङाहॱआङ यिहम्‍बा। च्‍यि खुङ अब्राहामकी छार्क्‍यीनया़ यिहम्‍बा? ङाहॱआङ यिहम्‍बा।

फिलिप्‍पी 3:5

ङ्यिहमा क्‍य़ेहला ङाहती स्‍या-ताक काहल्‍ग्‍यो यिहम्‍बा। क्‍यी़हराङ ताज्‍ये मानानी ङाह बेन्‍यामीन छाङकी इस्राएल क्‍यिहपाती यिहम्‍बा, हिब्रूया़दीॱआङ हिब्रू, छ्य़े-ठिमकी तेहन्‍दाला माज्‍ये माना फरिसी यिहम्‍बा।

ल़ेह-पेन 26:4

ङाह राहङगी क्‍याहल-खापला, ओहले यरूशलेम क्‍याहसाला राहङगी क्‍यिहपाया़गी पाहरक्‍यीलाराङ छारक्‍यो यिहम्‍बा। ओ़ह सोङबे यहूदीया़गी ङाहला पेहजा यिहन्‍ज्‍युराङ या़हबु पेहती ङोह स्‍ये़उ येहबा।

ल़ेह-पेन 22:3

ओहले पावलगी मासीन, “ङाह किलिकिया लुहङबागी टार्सस माएँ क्‍याहसाला क्‍येक्‍योगी यहूदी यिहम्‍बा। यिहॱनाङ, ङाह यरूशलेमलाराङ छारक्‍यो यिहम्‍बा। ओहले लोबेन गमलिएलगी स्‍याहप्‍च्‍यी पेहती ङाहगी ओहराङगी चावा यिहन्‍ज्‍यु ची़दी ओहङग्‍योगी छ्य़े-ठिम या़हबु पेहती लोप ङ्युहङसीन। तिहरीङ राहङ फे़बेया़गी किन्‍ज्‍यो ङो़ले काहजे सेम ताङग्‍यो येहबा, ओहजेराङ ङाहगीॱआङ राहङगी सेम किन्‍ज्‍यो ङो़ले ताङदे येहकें।

रोमी 9:3

ङाहला मास्‍यीकालेगी खा फ़ेगेनकी मे़मु सू़हदी ङाहती क्‍यिहपा दाङ ङाहती यहूदी आदा-नो़ह दाङ आज्‍यी नुहमुया़ती थार्के यिहनानी ङाह ज्‍यिबुराङ क़ेहनाङ लाहङज्‍ये येहकें। खुङया़ थार्च्‍यु माएँज्‍यीराङ ङाहती ज्‍यिबुराङ छ्यिम्‍बु सेम्‍बा येहबा।

रोमी 3:4

ओ़हठी माहयोहङज्‍यु, मिह थाम्‍ज्‍यीगी स्‍योप क्‍याहपॱनाङ किन्‍ज्‍योगी नाहमॱआङ स्‍योप क्‍याहप मेहनाङगे। छ्य़ेला दि ल़ेहमु प्री़हदी येहबा, “राहङगी सुङ नाङग्‍योकी स्‍याहलला राहङ ठाबे दु म़ेदी मिहया़गी थोङज्‍ये येह ओहले ठिम ताङ नाङगेन ङ्यिहमाला राहङगीराङ क्‍याहल नाङज्‍ये येह।”

लूका 20:16

“ओहले स्‍यिहङ ताहक्‍पु ओहङदी खुङया़ला सेच्‍ये येह, ओहले कुहन्‍डुम स्‍यिहङ लेहमेन मिहया़ला तेर्च्‍ये येह।” मिहया़गी दि ताम थे़दी मासीन, “दि ल़ेहमु नाहमॱआङ माहयोहङज्‍यु!”

रोमी 11:11

ओ़ह सोङबे ङाह माएँ, खुङया़ तोङज्‍येलाॱराङ नार्तो क्‍याहप्‍ती रिहल्‍ग्‍यो यिहम्‍बा ले? ओ़ह ल़ेहमु मिहम्‍बा। इस्राएलीया़गी किन्‍ज्‍योकी का मा़हचीबा सोङबे खुङया़गी ज्‍योर कोहएँगी थार्पा लेहमेन क्‍यिहपाकी मिहया़गी ज्‍योर्सीन। दि थोङदी इस्राएलीया़गी खुङ ङ्याम्‍बु ठादो पेहच्‍यु।