रोमी 10:6 - ह्योल्‍मो

⁶ तेहपा लाहमले किन्‍ज्‍योगी दिनला टाहङबु सी़हगेन्‍की तेहन्‍दाला छ्य़ेगी दि ल़ेहमु सुङ नाङगे, “ख्‍येगी सेम-सेमला दि ल़ेहमु माहमा, ‘स्‍यिहङगामला सु डोएँ’?” (पे यिहॱना़: मास्‍यीकाला माहर नोम फेप्‍च्‍येला)

रोमी 10:6 Referans Kwoze

यूहन्‍ना 6:58

स्‍यिहङगामले ओहङग्‍योगी खुरानी ख्‍यागी आख्‍ये मे़हमेया़गी साहक्‍योगी खुरा ल़ेहमु मिहम्‍बा। ओ़ह खुरा ख्‍यागी आख्‍ये मे़हमेया़गी साहसीन ओहले स्‍यिसीन। यिहॱनाङ दि खुरा साहएँया़दी नाहमॱआङ स्‍यिज्‍ये म़ेह।”

फिलिप्‍पी 3:9

ओहले ङाह मिहरो ल़ेहमुराङ काहल्‍ग्‍यो थोङज्‍यु। छ्य़े-ठिम ची़दे किन्‍ज्‍योकी दिनला ठाबे सी़हगेन ङाह राहङदीराङ टाहङदेन मिहन। यिहॱनाङ ता़ह किन्‍ज्‍योगीॱराङ ङाहला मास्‍यीकाला तेहपा नाङग्‍यो सोङबे ठाबे सी़ह च्‍य़ू नाङगे। दि टाहङदेन तेहपाला छ्या़दी येहबा।

रोमी 4:13

अब्राहामगी छ्य़े-ठिम ची़क्‍यो सोङबे मिहम्‍बा, यिहॱनाङ खोगी किन्‍ज्‍योला यिह छ्य़ेक्‍यो सोङबे खो टाहङबु सी़ह ख़ूसीन ओहले किन्‍ज्‍योगी खो दाङ खोगी छार्क्‍यीनया़ला जाम्‍बुलीङला ओङ ज्‍योर्केया़ ज़ो नाङज्‍ये येह सुङदी ताहम्‍ज्‍या ज़्‍या़ नाङसीन।

रोमी 3:22

दि ल़ेहमु पेहती येशू मास्‍यीकाला तेहपागी मिह थाम्‍ज्‍यीला किन्‍ज्‍योगी टाहङबु सी़ह च्‍य़ू नाङगे च्‍यिबेमाना किन्‍ज्‍योगी सुलाॱआङ ङ्येम्‍बा-ङ्य़ेहरी जे मेहनाङगे,

हिब्रू 11:7

तेहपा लाहमलेॱराङ नोआगी ओ़ह ती़हजी थु मी़गी थोङॱराङ माहथोङबा से़हया़गी तेहन्‍दाला किन्‍ज्‍यो लाहमले ज़्‍योरक्‍यो काला तेहपा पेहती राहङ खाङबा म़ेहमे थाम्‍ज्‍यीला थार च्‍य़ूज्‍येला छ्यु-टुह च्‍यी़ ज़ोसीन। दि ल़ेहमु पेहती नोआगी जाम्‍बुलीङगी मिह रेबेॱराङ तिहक्‍च्‍येम्‍बा यिहन म़ेदी तेन तेर्सीन ओहले खो राहङदी तेहपा लाहमले किन्‍ज्‍योगी दिनला मिह टाहङबु सी़ह ख़ूसीन।

हिब्रू 1:3

मास्‍यीकागी किन्‍ज्‍योकी ज़िज्‍यिदकी क्‍या-साङे तेन नाङगे ओहले मास्‍यीकाॱराङ किन्‍ज्‍योकी तेहम्‍बा-तेहन्‍सुम ङ्य़ेहरी यिहम्‍बा। ओहले मिहरोगी वाङज्‍या छ्यिम्‍बु सुङलाॱराङ रेबेॱराङ से़हया़ छ्या़दे येहबा। मिहया़ला तिहक्‍पालेगी कोहङदा नाङगेन्‍गी छ्या़ले छार फान्‍ज्‍यो मिहरो वाङज्‍या छ्यिम्‍बु नोम्‍गेन किन्‍ज्‍योकी योबा ङो़ले ज़्‍य़ू नाङसीन।

रोमी 3:25

च्‍यिबेमाना किन्‍ज्‍योगी, तिहक्‍पा कोहङदा तेर्केन्‍की मार्च्‍ये फुल्‍ज्‍येला मास्‍यीकाला ताङ नाङसीन। ओ़ह सोङबे येशूगी राहङगी कु-ठा़ ओहराङगी तेहन्‍दाला स्‍याहल च्‍य़ू नाङसीन म़ेदी यिह छ्य़ेगे मिह थाम्‍ज्‍यीगी तिहक्‍पाकी कोहङदा ज्‍योर्च्‍ये येह। दि छ्या़ले किन्‍ज्‍योगी राहङगी टाहङदेन तेन्‍ज्‍येला जे नाङसीन च्‍यिबेमाना मास्‍यीका फेप नाङगे म़ेदी तोहङले किन्‍ज्‍योगी राहङगी थुयाल ना़दी ज़्‍य़ू नाङदी येहकें ओहले तोहङले मिहया़गी पेहक्‍यो तिहक्‍पाया़ला नाङदा जे माहनाङ।

यूहन्‍ना 6:38

च्‍यिबेमाना ङाह राहङगी सेमला ऩेक्‍योगी तामया़ छाङबु पेहच्‍येला स्‍यिहङगामले माहर ओहङग्‍यो मिहन, यिहॱनाङ ङाहला ताङ नाङगेन्‍दीती थु-सेम छाङबु पेहच्‍येला ङाह ओहङग्‍यो यिहम्‍बा।

यूहन्‍ना 6:33

च्‍यिबेमाना किन्‍ज्‍योगी नाङगे खुरानी ओ़हदीॱराङ यिहन का़हन्‍दीगी स्‍यिहङगामले माहर फेप्‍ती जाम्‍बुलीङला मिहली नाङगे।”