रोमी 1:30 - ह्योल्मो30 ओहले मिहला आब्रु तेन्गे, किन्ज्योला क्युक्टो पेहकें, सुॱलाङ चा मेहबेकें, छ्य़ेन्दो तेन्गे ओहले ठासक तेन्गे। ओहले खुङगी चोक्पा-चोक्पा तामया़ छोल्दी माएँ। खुङगी आबा-आमागी माक्यो तामया़ च्यिॱआङ मिहङ्यीहन्गे। Gade chapit la |
रोमी 1:30
42 Referans Kwoze
च्यिबेमाना तोहङले ओहराङॱआङ उल्दुम्बा येहकें, माक्यो ताम मिहङ्यीहन्गेनदी येहकें, आला ख्याम्दी येहकें, नामे नाजोकी डे़छ्या दाङ ङ्याहम्साङ खाम्साङकी योक्पु काहल्दी येहकें, मिहला सेम चोक्पा च्याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्ज्येन पेहको येहकें ओहले ओहराङगीॱआङ मिहया़ला ङ्येन्ज्येनॱराङ पेहको येहकें।
ओहले मिहया़गी किन्ज्यो म़ेदी चा़ पेहक्यो थाम्ज्यीला ओहले छ्येपा फुल्गेन्गी थाम्ज्यीराङ से़हया़ला खोगी टाह पेहच्ये येह ओहले ओ़ह से़हया़ला म़ेदीॱआङ खोगी राहङगी राहङलाराङ चा़ छ्यिम्बु ज़ोज्ये येह, ओहले खोगी राहङगी राहङलाराङ किन्ज्यो यिहम्बा म़ेदी क्याहल्ज्ये येह ओहले खो किन्ज्योकी छ्योखाङ नाहङला तेहच्ये येह।
ओ़ह ती़हजी यिहन्ज्यु येशूगी राहङगी स्याहप्च्यीया़ला राहङगी खुर कोहकेन्गी तेहन्दाला थेका सिरेराङ सुङ नाङज्ये छ़ूसीन। येशूगी सुङ नाङसीन, “ङाहगी यरूशलेमला काहल्दी एल्डरया़, पूजाहारी छ्यिम्बुया़ दाङ छ्य़े-ठिमकी लोबेनया़लेगी तुहक्पु खुर कोहच्ये येह, ओहले तिङले स्यि कोहच्ये येह, यिहॱनाङ स्याहक्पु सुमलादी ङाह येहपाराङ स्यिक्योलेगी सोम्बो लाहङज्ये येह।”
च्यिबेमाना ङाह ख्याला थु ओहङगेमु ङाहगी ने़क्यो ल़ेहमु ख्या मेहयोहङडो ओहले ख्यागी ने़क्यो ल़ेहमु ङाह मेहयोहङडो म़ेदी ङाहला ज्यी़सु येहकें। ख्याया़गी पाहरक्यीला ठ़ूस्यी, ठादो, स्यिहताङ, राहङदी च्यी़राङ ख्येप्साङ ताएँ, ख्येर क्याहप्कें, मिहदाम च्येहके, छ्य़ेन्दो तेन्गे दाङ मिहला गो़ थोम च्य़ूगेन्गी तामया़ॱआङ ओहङडो।
Piblisite