रोमी 1:3 - ह्योल्‍मो

³ ओ़ह या़हबु लेहङगुदी किन्‍ज्‍योगी स़ेबु ओहराङ चो़वो येशू मास्‍यीकाकी तेहन्‍दाला यिहम्‍बा। ओहले मिहरो मिहगी मिहली नोम्‍दी क्‍याहल्‍बु दाऊदगी क्‍यिहला ठुङ नाङसीन।

रोमी 1:3 Referans Kwoze

मत्ती 1:1

अब्राहाम दाङ दाऊदकी छार्क्‍यीन येशू मास्‍यीकाकी क्‍यिहया़–

गलाती 4:4

यिहॱनाङ ता़ह किन्‍ज्‍योकी ती़हजी लेप फान्‍ज्‍यो किन्‍ज्‍योगी राहङकी स़ेबुला ताङ नाङसीन। मिहरो पी़हमी-पेहजा लाहमले ठुङ नाङसीन ओहले छ्य़े-ठिम लाहमलेॱराङ ठुङ नाङसीन।

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

यूहन्‍ना 1:49

नथानेलगी येशूला मासीन, “रब्‍बी, राहङनी किन्‍ज्‍योगी स़ेबु यिहन्‍गे दुबा, ओहले राहङनी इस्राएलीया़गी क्‍याहल्‍बु गा यिहन्‍गे दुबा।”

लूका 1:35

ओहले स्‍यिहङगामकी स्‍याहप्‍च्‍यीगी मोहला ल़ेहन क्‍याहप्‍ती सुङ नाङसीन, “नाम्‍पार-ताहक्‍पा थु ख्‍येसाला फेप नाङज्‍ये येह, ओहले चा़ छ्यिम्‍बु किन्‍ज्‍योगी ओङगी टिहप्‍सा ख्‍ये थो़ला ज़्‍य़ू नाङज्‍ये येह। ओ़ह सोङबे ठुङ नाङगे स़ेबु नाम्‍पार-ताहक्‍पा ओहङज्‍ये येह ओहले ओ़ह स़ेबुला किन्‍ज्‍योगी स़ेबु म़ेदी माज्‍ये येह।

१ थेसलोनिकी 1:10

ओहले स्‍यिहङगामले माहर फेप नाङज्‍ये येह म़ेदी लाहम क़ूह तेहकेन किन्‍ज्‍योगी स़ेबुला किन्‍ज्‍योगीॱराङ टोङग्‍यो ग्‍या़लेगी सोम्‍बो ज़्‍याङ च्‍य़ू नाङसीन। ओ़ह स़ेबुराङ येशू यिहम्‍बा, ओहले ताहन्‍दा राहङया़गी क़ूह तेहक्‍योदीॱआङ मिह-रो़हलाॱराङ यिहम्‍बा। ओहले ओहराङ थो़ला ओहङज्‍ये पेहक्‍योगी किन्‍ज्‍योकी थुयाल ङो़ले थार च्‍य़ू नाङगेन्‍दीॱआङ मिह-रो़हराङ यिहम्‍बा।

रोमी 9:5

इस्राएलीया़ ज्‍यिबुराङ छ्यिम्‍बु मिहन थोप्‍क्‍यो चावाया़गी छार्क्‍यीन यिहम्‍बा, मास्‍यीका मिहरोॱआङ दि क्‍यिहपाला ठुङ नाङसीन। मिहरोनी थाम्‍ज्‍यी थो़ला ठिम ताङ नाङगे किन्‍ज्‍योॱराङ यिहम्‍बा। मिहरोला नाहम-माना त़ेरा तेच्‍या फुल्‍ज्‍यु। आमेन।

यूहन्‍ना 20:28

थोमागी येशूला मासीन, “ओ़, ङाहती चो़वो दाङ ङाहती किन्‍ज्‍यो!”

यूहन्‍ना 10:30

याहप दाङ ङाह च्‍यी़राङ यिहन।”

मत्ती 1:16

ओहले याकूबकी पुह योसेफ यिहन्‍गे, योसेफकी पी़हमी मरियम यिहन्‍गे, ओहले ओ़ह मरियम लाहमलेॱराङ येशू ठुङ नाङसीन। मिह-रो़हराङ मास्‍यीका यिहम्‍बा।

२ तिमोथी 2:8

टोहङग्‍योया़लेगी सोम्‍बो ज़्‍याङ नाङग्‍योकी क्‍याहल्‍बु दाऊदकी क्‍यी़ह येशू मास्‍यीकाला टेहम्‍बा साल्‍दोङ, ङाहगी प्रा साल्‍ग्‍योगी या़हबु लेहङगु दिराङ यिहम्‍बा।

१ कोरिन्‍थी 1:9

किन्‍ज्‍यो यिह-छ्य़ेबु यिहम्‍बा। मिहरोगीॱराङ राहङगी स़ेबु ओहराङगी चो़वो येशू मास्‍यीकाकी छोक्‍पाला ख्‍याया़ला क़े क्‍याहप नाङसीन।

ल़ेह-पेन 2:30

यिहॱनाङ क्‍याहल्‍बु दाऊद लुहङतेम्‍बा यिहन्‍गे, ओहले खोगी छार्क्‍यीनलेगीराङ मेहन्‍दा च्‍यी़ खोगी ज़्‍य़ू-ठिला ज़्‍य़ू च्‍य़ू नाङज्‍ये येह म़ेदी खोला क्‍यी़ह येहकें। च्‍यिबेमाना किन्‍ज्‍योगी खो ङ्याम्‍बु दि ताहम्‍ज्‍या ज़्‍या़ नाङदी येहकें।

यूहन्‍ना 20:31

ख्‍यागी येशूला किन्‍ज्‍योगी स़ेबु, मास्‍यीका यिहन म़ेदी यिह छ्य़ेदोङ, ओहले ख्‍यागी येशूकी छेनला यिह छ्य़ेदी था़ म़ेहबाकी मिहली ज़ाङबु ज्‍योर ख़ूज्‍यु म़ेदी प्रुहक्‍यो यिहम्‍बा।

यूहन्‍ना 10:36

याहपगी नाम्‍पार-ताहक्‍पा ज़ो नाङदी जाम्‍बुलीङला ताङ नाङग्‍यो मिहगी ‘ङाह किन्‍ज्‍योगी स़ेबु यिहम्‍बा’ म़ेदी माएँमु काह-ठि पेहती किन्‍ज्‍योला स्‍ये़हन्‍डील पेहक्‍यो काहल्‍बा ले?

यूहन्‍ना 5:25

तेहम्‍बाराङ ङाह ख्‍याला माएँ, ओ़ह ती़हजी ओहङगेॱराङ येह, ओहले ओ़ह ती़हजीदी ताहन्‍दाॱराङ यिहन, दि ती़हजीला स्‍यिक्‍यो मिहया़गी किन्‍ज्‍योकी स़ेबुगी सुङ-क़े थे़ज्‍ये येह ओहले ङ्यिहन्‍गेया़ थार्च्‍ये येह।

लूका 1:69

किन्‍ज्‍योगी ङाहगी तेहन्‍दाला राहङला स्‍याहप्‍तो स्‍युहएँ दाऊदगी क्‍यिह ङो़ले थार्पा थोप च्‍य़ू नाङगेन ओङ छ्यिम्‍बु मेहन्‍दा च्‍यी़ ताङ नाङदी येह,

मत्ती 27:43

खोगी किन्‍ज्‍योला म़ेहबा पेहको येहकें ओहले ‘ङाहनी किन्‍ज्‍योगी स़ेबु यिहम्‍बा’ म़ेदी डोउ येहकें। का़हलेॱआङ किन्‍ज्‍योगी थुला ठुङदी येहसीमानानी ता़ह किन्‍ज्‍योगीॱराङ खोला थार च्‍य़ू नाङज्‍यु” म़ेदी मासीन।

मत्ती 26:63

यिहॱनाङ येशूगी च्‍यिॱआङ सुङ माहनाङ। येहपाराङ पूजाहारी गो-छ्येवागी, “सोम्‍बो किन्‍ज्‍योगी छेनला ना क्‍याल्‍दी म़ेदोङ, च्‍यि ख्‍ये तेहम्‍बाराङ किन्‍ज्‍योगी स़ेबु मास्‍यीका यिहम्‍बा?” म़ेदी टी़हसीन।

मत्ती 15:22

ओ़ह ग्‍या़गी पी़हमी च्‍यी़ ओहङदी क़े तेन्‍दी मासीन, “ओ़ चो़वो, दाऊदकी स़ेबु ङाहला निङज्‍यी जे नाङदोङ! ङाहगी पोहमोला ल्‍हेन्‍डीगी ज्‍यिबुराङ तुहक्‍पु तेर्ते येह।”

मत्ती 12:23

दि थोङदी मिह थाम्‍ज्‍यीराङ याहम्‍जेनज्‍यी ने़दी दि ल़ेहमु म़ेदी ताम माज्‍ये छ़ूसीन, “च्‍यि मिह-रो़हराङ दाऊदगी स़ेबु, थार्पा नाङगेन्‍गी क्‍याहल्‍बु यिहम्‍बानी?”

मत्ती 9:27

येशू ओ़ह ग्‍या़लेगी फेप नाङगेमु मी़ मेहथोङगेन मिह ङ्यी़गी “ओ़ दाऊदकी स़ेबु, ङ्यिहला निङज्‍यी जे नाङदोङ” म़ेदी क़े तेन्‍गेॱराङ येशूला ताहदा क्‍याहप्‍ती काहल्‍सीन।

मत्ती 3:17

ओ़हजेलाराङ स्‍यिहङगामले, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ सेम काहसो येह” म़ेदी माएँ सुङ-क़े च्‍यी़ थ़ेसीन।

मत्ती 1:6

ओहले यिशैकी पुह क्‍याहल्‍बु दाऊद यिहन्‍गे। दाऊदकी पुह सोलोमन यिहन्‍गे। सोलोमनकी आमादी उरियाहगी पी़हमी यिहन्‍गे।

ज्‍याल्‍गा 2:18

“थिआटीरा छेन्‍छोकला चारा पेहकेन स्‍यिहङगामकी स्‍याहप्‍च्‍यीला दि ताम प्री़हदोङ: ‘मेह ल़ेहमु ती़हगेन च्‍येन दाङ मेहला सा़दीमाराङ ताहर्ती ज़्‍या़क्‍योकी पित्तल ल़ेहमु येहपा छ्या़गे स्‍याहप नोम्‍ग्‍यो किन्‍ज्‍योकी स़ेबुगी दि ल़ेहमु सुङ नाङगु दु।

२ यूहन्‍ना 1:7

“येशू मास्‍यीका मिहगी कुसो नोम्‍दे फेप माहनाङ” म़ेदी गो़ कोर्के मिहया़ माहङबुराङ जाम्‍बुलीङला ओहङ सिहन्‍दी येह। दि ल़ेहमु मिहया़राङ चिहन क्‍याहप्‍के दाङ मास्‍यीकाला टाह पेहकेनया़ यिहम्‍बा।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।

१ यूहन्‍ना 5:5

सुगी जाम्‍बुलीङला काहल ख़ूएँ? येशूला किन्‍ज्‍योगी स़ेबु यिहन म़ेदी यिह छ्य़ेएँ मिहगीराङ जाम्‍बुलीङला क्‍याहल ख़ूएँ।

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

१ यूहन्‍ना 4:15

येशूॱराङ किन्‍ज्‍योगी स़ेबु यिहम्‍बा माएँ मिह ङ्याम्‍बु किन्‍ज्‍यो ज़्‍य़ू नाङगे ओहले खो किन्‍ज्‍यो ङ्याम्‍बु ओहङगे।

१ यूहन्‍ना 3:23

किन्‍ज्‍योगी का च्‍यि यिहम्‍बा मासीमाना किन्‍ज्‍योगी स़ेबु येशू मास्‍यीकाला यिह-छ्य़ेबु ओहङ कोहएँ ओहले मास्‍यीकागी सुङ नाङग्‍यो ल़ेहमुराङ ओहराङ थाम्‍ज्‍यीगी च्‍यी़गी च्‍यी़ला चेवा पेह कोहएँ यिहम्‍बा।

१ यूहन्‍ना 3:8

तिहक्‍पा पेहतीराङ तेहकें मिहती ती़ह गो-छ्येवागी मिह यिहम्‍बा। ती़ह गो-छ्येवागी छ़ूगे यिहन्‍ज्‍युराङ तिहक्‍पा पेहतीराङ ओहङदी येह। ओ़ह सोङबे ती़ह गो-छ्येवागी ल़ेहला तोङ च्‍य़ू नाङज्‍येला किन्‍ज्‍योगी स़ेबु फेप नाङसीन।

१ यूहन्‍ना 1:3

ओहले ख्‍यागीॱआङ ङ्यिह ङ्याम्‍बुराङ छोक्‍पा पेहच्‍यु म़ेदी ङ्यिहगी च्‍यि थोङबा ओहले च्‍यि थे़बा, ओ़ह ख्‍याला स्‍येको येहबा। ङ्यिहगी छोक्‍पाती किन्‍ज्‍यो याहप दाङ मिह-रो़हगी स़ेबु येशू मास्‍यीका ङ्याम्‍बु येहबा।

१ तिमोथी 3:16

तेहम्‍बाराङ किन्‍ज्‍योला क्‍याप्‍केन्‍गी तेहन्‍दा ङोहॱराङ स्‍ये मी़हखुएँगी नाहङ-ताम काहजे छ्यिम्‍बु येहबा? मास्‍यीका मिहगी पी़नाङ नोम्‍दी फेप नाङसीन, नाम्‍पार-ताहक्‍पा थुगी मिहरोला टाहङबु यिहम्‍बा म़ेदी तेन नाङसीन ओहले मिहरोला स्‍यिहङगामकी स्‍याहप्‍च्‍यीया़गीॱआङ थोङसीन। ओहले मिहरोकी तेहन्‍दाला लुहङबा लुहङबागी मिहया़गी थ़ेसीन, जाम्‍बुलीङला मिहरोला मिहया़गी यिह-छ्य़े पेहसीन ओहले किन्‍ज्‍योगी मिहरोला येहपाराङ स्‍यिहङगामला ज्‍यिबुराङ चा़ जेती नोम फेप्‍सीन!

रोमी 1:9

ङाह सेम तिहङ यिहन्‍ज्‍युराङ किन्‍ज्‍योकी स़ेबुकी या़हबु लेहङगुया़ स्‍येती किन्‍ज्‍योला स्‍याहप्‍तो स्‍युहएँ। ओहले ङाहती सोल्‍वाङला ख्‍याॱलाङ नाहम्‍माॱनाङ टेहम्‍बा साल्‍देॱराङ येह, दिगी पाङबु किन्‍ज्‍यो ज़्‍य़ू नाङदी येह।

ल़ेह-पेन 9:20

ओहले खो लाहम्‍साङराङ यहूदीया़की छो़खाङया़ला स्‍य़ूहदी, “चो़वो छ्येवा येशूॱराङ किन्‍ज्‍योगी स़ेबु यिहम्‍बा” म़ेदी स्‍येच्‍ये छ़ूसीन।

ल़ेह-पेन 8:36

ओहले खुङ लाहमला डोडोपा काहङला छ्यु येहकेन ग्‍या़ च्‍यी़ला लेप्‍सीन। ओहले ओ़ह ङुहरुम मिहगी मासीन, “ज़ी़-नाङदोङ, देला छ्यु दुबा! ङाहला बप्‍तिस्‍मा लेहन्‍ज्‍येला च्‍यि से़हगी का़ ख़ूएँ ले?”

ल़ेह-पेन 3:13

ओ़ह ल़ेहमु मिहम्‍बा, ओहराङगी चावा अब्राहाम, इसहाक दाङ याकूबकी किन्‍ज्‍योगी राहङला स्‍याहप्‍तो स्‍युहएँ येशूला चा़ जे नाङसीन। ख्‍या फ़ेबेॱयागीदी येशूला से कोहकें म़ेदी च्‍योल नाङसीन। पिलातसगी येशूला ताङज्‍ये छोल्‍गेमुॱआङ ख्‍या फे़बेया़गी माहताङ म़ेदी सुङ नाङसीन।

यूहन्‍ना 7:42

मास्‍यीका नि दाऊदकी क्‍यिह दाङ दाऊदकी युहल बेथलेहेमलेॱराङ फेप नाङज्‍ये येह म़ेदी च्‍यि सुङरापला प्रुहक्‍यो म़ेहबा ले?”

यूहन्‍ना 1:34

ङाहगी थोङदी येह, ओहले पाङबु तेर्ती येह, किन्‍ज्‍योगी स़ेबु मिह-रो़हराङ यिहन।”

रोमी 4:1

ता़ह, ओहराङगी चावा अब्राहामकी तेहन्‍दाला च्‍यि माज्‍ये ले? दिगी तेहन्‍दाला मिहरोकी ङ्याहम-लेन काह-ठि येहकें?

रोमी 9:3

ङाहला मास्‍यीकालेगी खा फ़ेगेनकी मे़मु सू़हदी ङाहती क्‍यिहपा दाङ ङाहती यहूदी आदा-नो़ह दाङ आज्‍यी नुहमुया़ती थार्के यिहनानी ङाह ज्‍यिबुराङ क़ेहनाङ लाहङज्‍ये येहकें। खुङया़ थार्च्‍यु माएँज्‍यीराङ ङाहती ज्‍यिबुराङ छ्यिम्‍बु सेम्‍बा येहबा।

१ कोरिन्‍थी 10:18

इस्राएली पे-ठिमला त़ेदोङ, किन्‍ज्‍योला मार्च्‍ये फुल्‍ग्‍योगी से़हया़ साहएँ मिह च्‍यि किन्‍ज्‍योगी छ्येकाङ ङ्याम्‍बु मी़हन्‍डीएँ ले?

१ तिमोथी 2:5

ओहराङ किन्‍ज्‍योॱआङ च्‍यिमे च्‍यी़राङ येह ओहले मिहया़ला किन्‍ज्‍यो ङ्याम्‍बु थ़ू च्‍य़ू थुप्‍केन्‍दीॱआङ च्‍यिमे च्‍यी़राङ येह, ओ़ह थ़ू च्‍य़ू नाङगेन मिहदी मास्‍यीका येशू यिहम्‍बा।