ज्‍याल्‍गा 8:7 - ह्योल्‍मो

⁷ तोहङस्‍यो स्‍यिहङगामकी स्‍याहप्‍च्‍यीगी रोहवा-लीङ फुएँमु ठा़ ङ्याम्‍बु से़दी सेरा दाङ मेह जाम्‍बुलीङला क्‍याहप्‍सीन। दिगी पेहते बो सुमला बो च्‍यी़ जाम्‍बुलीङ छी़सीन ओहले बो सुमला बो च्‍यी़ तोहङबोया़ ओहले रेबेॱराङ ङुम्‍बु चाया़ छी़सीन।

ज्‍याल्‍गा 8:7 Referans Kwoze

ज्‍याल्‍गा 9:4

ओहले जाम्‍बुलीङला येहकेन्‍की चा़ दाङ तोहङबोया़ला च्‍यी़ॱआङ ऩे माहक्‍याल, यिहॱनाङ प्रालाला किन्‍ज्‍योकी थे़जी माहक्‍याहपकी मिहया़ला च्‍यी़राङ ने क्‍याल्‍दोङ म़ेदी का नाङसीन।

ज्‍याल्‍गा 9:18

जाम्‍बुलीङकी मिहया़ला बो सुमला बो च्‍यी़ याहमगी सेसीन। ओ़ह याहमदी ताबु खाले थेन्‍ग्‍योगी मेह, तिहपा दाङ मेहलो येहकें।

ज्‍याल्‍गा 9:15

ओहले ओ़ह स्‍यिहङगामकी स्‍याहप्‍च्‍यी ज़्‍यिला ताङ तेर्सीन, खुङला जाम्‍बुलीङगी मिह क्‍यिहपाकी बो सुमला बो च्‍यी़ तोङ च्‍य़ूज्‍येला ओ़ह ती़हजी, ओ़ह ङ्यिहमा, ओ़ह दावा दाङ ओ़ह लो़हकी तेहन्‍दाला ठाबे पेहते ज़्‍या़क्‍यो येहकें।

ज्‍याल्‍गा 16:21

ओहले नामले माहर किलो खाल ङ्यी़गी सेराया़ मिहया़ थो़ला क्‍याहप्‍च्‍ये छ़ूसीन। ज्‍यिबुराङ छ्यिम्‍बु सेरा क्‍याहप्‍ती मिहया़ तुहक्‍पुला छ्यिक्‍यो सोङबे मिहया़गी किन्‍ज्‍योला मे़मु क्‍याहप्‍च्‍ये छ़ूसीन च्‍यिबेमाना तेहम्‍बाराङ दि छे़राङ म़ेहबा तुहक्‍पु येहकें।

ज्‍याल्‍गा 16:2

दि तिङले तोहङस्‍यो स्‍यिहङगामकी स्‍याहप्‍च्‍यी फेप्‍ती राहङगी फार्को जाम्‍बुलीङला पुङ नाङसीन, ओहले दिगी पेहती ओ़ह सेम्‍ज्‍येनकी पार क्‍याहप्‍क्‍यो दाङ खोगी कुला छ्येपा फुल्‍गे मिहया़ला नाम्‍दो लाहङज्‍ये ल़ेहमु ज्‍यिबुराङ सुह क्‍याहप्‍केन्‍गी स्‍योवा दाङ बेल्‍देरया़ थेन्‍ज्‍ये छ़ूसीन।

ज्‍याल्‍गा 12:4

ओहले ओ़ह डुककी ङामागी नामला येहकेन्‍की कार्मा बो सुमला बो च्‍यी़ च्‍यो़हदी जाम्‍बुलीङला क्‍युर चाहङसीन। पेहजा क्‍ये-लुहङ मे़हबाराङ ओ़ह पेहजाला साहज्‍ये म़ेदी डुक ओ़ह पी़हमी दिनला लाङदी तेहक्‍यो येहकें।

ज्‍याल्‍गा 6:8

ओहले ङाहगी सेर-हुर ताबु च्‍यी़ थोङसीन, ओहले ओ़ह थो़ला स्‍येहन्‍ग्‍योकी मिहन “स्‍यिजा” येहकें ओहले “साप्‍स्‍यी तिहङदी” खोगी तिङदा तिङ ताहदा क्‍याहप्‍को येहकें। ओहले जाम्‍बुलीङकी मिह बो ज़्‍यिला बो च्‍यी़ पादाङ, मुहयी, याहम, दाङ रिहदाया़लेगी सेकेन्‍गी ओङ खुङया़ला नाङग्‍यो येहकें।

१ पत्रुस 1:24

च्‍यिबे मासीमाना, “मिह थाम्‍ज्‍यी थाङगागी चाया़ ल़ेहमुराङ यिहम्‍बा ओहले खुङया़गी ज़िज्‍यिदॱआङ रिहगी मेहन्‍दो ल़ेहमुराङ यिहम्‍बा। थाङगागी चाया़ काम्‍दी डोएँ ओहले रिहगी मेहन्‍दो प्रुहप्‍ती डोएँ।

याकूब 1:11

च्‍यिबेमाना ङ्यिहमा छान्‍दी स्‍यार्ती काहर्नाङ डोएँमु मेहन्‍दो येहदी डोएँ ओहले ज़ोप्‍ताॱआङ तोर्ती डोएँ। ओ़हठीॱराङ पेहती छ्युक्‍पु मिहॱआङ राहङगी ल़ेहया़ला कोहल्‍दी राहङ मिहजी तोङदी डोएँ।

ज्‍याल्‍गा 7:1

दि तिङले जाम्‍बुलीङला, छो-क्‍याहम्‍जोला ओहले का़हन्‍दीॱआङ तोहङबोया़ला ल्‍हा़बा लुङजी माह-क्‍याहप्‍च्‍यु म़ेदी स्‍यिहङगामकी स्‍याहप्‍च्‍यी ज़्‍यिगी जाम्‍बुलीङकी छ्यो़ ज़्‍यिगी ल्‍हा़बाला का़दी जाम्‍बुलीङकी छ्यो़ ज़्‍यिला लाहङदी तेहक्‍यो ङाहगी थोङसीन।