ज्‍याल्‍गा 4:1 - ह्योल्‍मो

¹ दि तिङले ङाहगी तासीन, ओहले स्‍यिहङगामला खा फे़क्‍यो कोह च्‍यी़ थोङसीन। ङाहगी तोहङले थे़क्‍यो क़ेदी रोहवा-लीङगी क़े ल़ेहमु येहकें ओहले ओ़ह क़े लाहमलेॱराङ ङाह ङ्याम्‍बु दि ल़ेहमु जेती स्‍याहल सुङ नाङगेराङ येहकें, “याहर जा़दे स्‍यो ओहले दि तिङले ओहङगेन्‍गी केच्‍याया़ ङाहगी ख्‍येला तेन्‍ज्‍ये येह।”

ज्‍याल्‍गा 4:1 Referans Kwoze

ज्‍याल्‍गा 11:12

ओहले ओ़ह लुहङतेम्‍बा ङ्यी़गी स्‍यिहङगामले दि ल़ेहमु सुङ-क़े छ्यिम्‍बुच्‍यी थ़ेसीन, “देला याहर स्‍यो।” ओहले थाम्‍ज्‍यी टाहया़गी ताएँ ताएँॱराङ ओ़ह मिह ङ्यी़ मुक्‍पाला क्‍या़दी स्‍यिहङगामला काहल्‍सीन।

ज्‍याल्‍गा 1:19

ओ़ह सोङबे ख्‍येगी च्‍यि थोङगे, ओहले च्‍यि येहबा, ओहले दि तिङले च्‍यि बाप ओहङज्‍ये येहबा ओ़ह प्री़हदोङ।

ज्‍याल्‍गा 1:10

चो़वोकी ङ्यिहमाला ङाह नाम्‍पार-ताहक्‍पा थुगी काहङदी येहकें, ओहले रोहवा-लीङती ल़ेहमु छ्यिम्‍बु सुङ-क़ेला ङाहगी क्‍याहप ङो़ले ङाहला दि ल़ेहमु सुङगेनॱराङ जेक्‍यो ङाहगी थ़ेसीन,

मर्कूस 1:10

ओहले छ्युलेगी फिला थेन फेप-लुहङ मे़हबाराङ स्‍यिहङगाम खा फ़ेसीन ओहले नाम्‍पार-ताहक्‍पा थु दुङगुकुर ल़ेहमु जेती राहङ थो़ला फेप नाङगेराङ जेक्‍यो येशूगी ज़ी़ नाङसीन।

ज्‍याल्‍गा 22:6

दि तिङले स्‍यिहङगामकी स्‍याहप्‍च्‍यीगी ङाहला सुङ नाङसीन, “दि सुङया़ सेमले खाल ख़ूएँ दाङ तेहन्‍दाम येह। लुहङतेम्‍बाया़ला नाम्‍पार-ताहक्‍पा थु नाङगेन्‍गी चो़वो छ्येवा किन्‍ज्‍योगी राहङगी स्‍याहप्‍च्‍यीया़ला दि ग्‍यो़बाराङ ओहङज्‍ये पेहक्‍योगी तामया़ तेन्‍ज्‍येला राहङगी स्‍यिहङगामकी स्‍याहप्‍च्‍यी ताङ नाङदी येह।”

ज्‍याल्‍गा 16:17

ओहले तिहम्‍बा स्‍यिहङगामकी स्‍याहप्‍च्‍यीगी राहङगी फार्को ल्‍हा़बाला पुङ नाङसीन। ओहले छ्येकाङकी ज़्‍य़ूॱठिलेगी सुङ-क़े छ्यिम्‍बुच्‍यीगी दि ल़ेहमु सुङ नाङग्‍यो थ़ेसीन, “ता़ह सिहन्‍सीन।”

ल़ेह-पेन 7:56

ओहले खोगी मासीन, “त़ेदोङ, ङाहगी स्‍यिहङगाम खा फे़क्‍यो थोङसीन, ओहले मिहगी स़ेबुला किन्‍ज्‍योगी योबा ङो़ले ज़्‍याङदी ज़्‍य़ूक्‍यो थोङसीन।”

यूहन्‍ना 16:13

ओहले मिहरो, पे यिहॱना़: तेहन्‍दामकी थु फेप फान्‍ज्‍यो मिहरोगीॱराङ ख्‍याला थाम्‍ज्‍यी तेहन्‍दामगी लाहमला ॱठि नाङज्‍ये येह। मिहरोगी राहङ लाहमले च्‍यिॱआङ सुङ नाङज्‍ये म़ेह। मिहरोगी सेन नाङग्‍योकी स्‍याहलया़ॱराङ सुङ नाङज्‍ये येह, ओहले तिङमा ङ्यिहमाया़ला ओहङज्‍ये पेहक्‍योगी केच्‍याया़ ख्‍याला स्‍य़े नाङज्‍ये येह।

लूका 3:21

ओहले मिह थाम्‍ज्‍यीगी बप्‍तिस्‍मा लेहन्‍सीन, ओहले येशूगीॱआङ बप्‍तिस्‍मा नोम्‍दी सोल्‍वाङ ताप्‍ती ज़्‍य़ू नाङगेमु स्‍यिहङगाम खा फ़ेसीन,

ल़ेह-पेन 10:11

ओहले खोगी स्‍यिहङगाम खा फ़ेदी स्‍यिहङगामले माहर सुहर ज़्‍यिला ताहम्‍ग्‍योगी गार्क्‍याङ छ्यिम्‍बु च्‍यी़ जाम्‍बुलीङ ङो़ले चाहर तेहक्‍यो थोङसीन।

मत्ती 3:16

बप्‍तिस्‍मा नोम छार फान्‍ज्‍यो येशू छ्युलेगी थेन फेप्‍सीन। ओ़हजेलाराङ स्‍यिहङगाम खा फ़ेसीन, ओहले येशूगी किन्‍ज्‍योगी थु दुङगुकुर ल़ेहमुराङ जेती राहङ थो़ला फेप नाङग्‍यो ज़ी़ नाङसीन।

ज्‍याल्‍गा 1:12

ओहले ङाह ङ्याम्‍बु स्‍याहल सुङगेन्‍दी सु यिहम्‍बा नि म़ेदी क्‍याहप लो़हदी ताएँमु ङाहगी सेरकी छ्येकुङ तिहन थाल थोङसीन।

ज्‍याल्‍गा 11:19

ओहले स्‍यिहङगामला किन्‍ज्‍योकी छ्योखाङ खा फ़ेसीन, ओहले छ्योखाङ नाहङला ताहम्‍ज्‍या ज़्‍या़ नाङग्‍योकी काहम थोङसीन। ओ़ह तिङला येहसेर क्‍याहप्‍सीन। ज़ी़ज्‍ये ल़ेहमु क़ेया़ ओहले गड्याङ-गुडुङ म़ेदी नाम क़े तेन्‍ग्‍यो थ़ेसीन। साङगुल ओहङसीन ओहले छ्यिम्‍बु-छ्यिम्‍बु सेराया़ क्‍याहप्‍सीन।

ज्‍याल्‍गा 19:11

ओहले ङाहगी स्‍यिहङगाम खा फे़क्‍यो थोङसीन ओहले ओ़हला ताबु कार्पु च्‍यी़ थोङसीन। ओ़ह ताबु खाला स्‍येहन नाङग्‍योगी छेनदी “यिह-छ्य़ेबु दाङ तेहन्‍दाम” दुबा। मिहरोगी टाहङदेनला ठिम दाङ मा़ क्‍याहप नाङगे।