ज्‍याल्‍गा 22:14 - ह्योल्‍मो

¹⁴ “मिहलीगी तोहङबोकी ओङ ज्‍योर्च्‍येला ओहले क्‍याहसाकी कोहलेगी नाहङला स्‍य़ूह ङ्युहङज्‍यु म़ेदी राहङगी काप्‍च्‍या ठी़दी चाङमा ज़्‍या़गेया़ काहजे सोनाम-साक्‍पु।

ज्‍याल्‍गा 22:14 Referans Kwoze

ज्‍याल्‍गा 21:27

ल़ूह स्‍ये़बुकी मिहलीकी छ्य़ेला मिहन प्रुहक्‍योया़ च्‍यी़राङ ओ़ह क्‍याहसा नाहङला स्‍य़ूह ङ्युहङज्‍ये येह। मेहचाङा से़हया़, ङोहजागी ल़ेह पेहकेनया़ ओहले चिहन क्‍याहप च्‍य़ूगेनया़ ओ़ह नाहङला स्‍य़ूह ङ्युहङज्‍ये म़ेह।

१ यूहन्‍ना 5:3

च्‍यिबेमाना किन्‍ज्‍योगी काया़ ङ्यिहन्‍गेन्‍दीॱराङ ओहराङगी किन्‍ज्‍योला चेवा पेहक्‍यो यिहम्‍बा। किन्‍ज्‍योगी काया़ ची़ज्‍येला ओहजेबा खेन्‍दा-का़हबु म़ेह।

ज्‍याल्‍गा 22:7

“त़ेदोङ, ङाह ग्‍यो़बा ओहङगेॱराङ येह। दि छ्य़ेला लुहङतेम्‍बाया़गी प्रुहक्‍योगी सुङ ची़गेया़ काहजे सोनाम-साक्‍पु।”

१ यूहन्‍ना 3:3

ओहले मास्‍यीकाला दि ल़ेहमु रेहवा पेहकेनया़गी राहङला मास्‍यीकाला ल़ेहमुराङ चाङमा पेहती ज़्‍या़गे।

यूहन्‍ना 14:15

ख्‍यागी ङाहला तेहम्‍बाराङ चेवा पेहकें यिहनानी ङाहगी काया़ॱआङ ची़ज्‍ये येह।

ज्‍याल्‍गा 2:7

सुती नाम्‍ज्‍यो येहबा खोगी ङ्यिहन्‍ज्‍यु, किन्‍ज्‍योकी थुगी छेन्‍छोकया़ला च्‍यि सुङ नाङगेराङ येहबा। सुगी क्‍याहल्‍गे ओ़हदीला ङाह किन्‍ज्‍योकी स्‍यिहङगामकी क्‍याहल्‍सीला येहकेन्‍की मिहली तेर्के तोहङबोकी सेदो साहज्‍येला तेर्च्‍ये येह।’”

१ कोरिन्‍थी 7:19

च्‍यिबेमाना स्‍या-ताक पेहकें दाङ स्‍या-ताक मेहपेहकेला च्‍यिॱआङ ख्‍येपार म़ेह, यिहॱनाङ किन्‍ज्‍योगी का ङ्यिहन्‍गेन्‍दी थाम्‍ज्‍यी म़ेदी चा़ छ्यिम्‍बु यिहम्‍बा।

यूहन्‍ना 10:7

ओ़ह सोङबे येशूगी खुङया़ला येहपाराङ सुङ नाङसीन, “तेहम्‍बाराङ, ङाह ख्‍याया़ला माएँ, ल़ूहया़गी कोह ङाहराङ यिहम्‍बा।

यूहन्‍ना 10:9

कोह ङाहराङ यिहम्‍बा, का़हलेॱआङ सुज्‍यी ङाह लाहमले पेहती नाहङला स्‍य़ूहसीन माना खोला थार च्‍य़ूज्‍ये येह, ओहले खो फि-नाहङ ओहङगे-डोएँ पेहच्‍ये येह, ओहले खोगी पाङगाकी चाया़ काहजे मामा साह ङ्युहङज्‍ये येह।

ज्‍याल्‍गा 7:14

ओहले ङाहगी खोला मासीन, “लाहसो, ङाहला क्‍यी़ह म़ेह लाह। ओ़हनी राहङगीराङ ङोह ख्‍येन नाङगे।” ओहले खोगी ङाहला मासीन, “खुङ तुहक्‍पु छ्यिम्‍बु ना़दे ओहङग्‍योगी मिहया़ यिहम्‍बा ओहले खुङगी राहङ-राहङगी काप्‍च्‍याया़ ल़ूह स्‍ये़बुकी ठा़गी ठी़दी कार्पु जे़दी येह।”

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।

ज्‍याल्‍गा 21:12

ओ़ह क्‍याहसा कोर-क्‍यिहलेॱराङ छ्यिम्‍बु दाङ थोम्‍बु चिक्‍पाया़ ची़क्‍यो येहकें। ओ़हला कोह च्‍यिङ्यी़ येहकें। ओहले ओ़ह कोह च्‍यिङ्यी़लाराङ स्‍यिहङगामकी स्‍याहप्‍च्‍यी रे़ह-रे़ह ज़्‍य़ू नाङदी येहकें। ओ़ह कोहया़ला इस्राएलकी क्‍यिहपा च्‍यिङ्यी़दीॱराङ मिहन प्री़हदी येहकें।

१ कोरिन्‍थी 9:5

च्‍यि लेहमेन ल़ेह-पेनया़ ल़ेहमुराङ, चो़वोगी नो़ह दाङ केफासला ल़ेहमुराङ ङ्यिहलाॱआङ किन्‍ज्‍योला यिह छ्य़ेक्‍योगी पी़हमी थो़दी डोएँ ओङ म़ेहबा ले?

१ कोरिन्‍थी 8:9

यिहॱनाङ जेम्‍बु पेह, ख्‍येगी राहङवाङगी यिह-छ्य़ेला मा-फाम्‍बु येहकें मिहया़ तिहक्‍पाला माहछ्यीज्‍यु।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

यूहन्‍ना 4:12

दि कोल्‍मुनी ङ्यिहगी चावा याकूबगी ज़ो नाङग्‍यो यिहम्‍बा। ओहले मिहरो दाङ खुङगी पुह पोहमोया़ ओहले बासोया़गी दि कोल्‍मुगी छ्युराङ थुङगो येहकें। च्‍यि राहङ ङ्यिहती चावा याकूब म़ेदीॱआङ चा़ छ्यिम्‍बु यिहम्‍बा ले?”