ज्‍याल्‍गा 22:12 - ह्योल्‍मो

¹² “त़ेदोङ, ङाह ग्‍यो़बा ओहङगेॱराङ येह, मिह थाम्‍ज्‍यीला खोगी पेहक्‍योगी ल़ेहला ते़बे च्‍याहगा तेर्च्‍ये येह।

ज्‍याल्‍गा 22:12 Referans Kwoze

मत्ती 16:27

च्‍यिबेमाना मिहगी स़ेबु राहङगी याहपकी ज़िज्‍यिद नोम्‍दे स्‍यिहङगामकी स्‍याहप्‍च्‍यीया़ ङ्याम्‍बु फेप्‍नाङगेमु मिह थाम्‍ज्‍यीलाराङ राहङ-राहङगी पेहक्‍यो ल़ेहला ते़बे च्‍याहगा नाङज्‍ये येह।

१ कोरिन्‍थी 3:14

ओ़ह ब्राम थो़ला ज़ोएँ मिहगी ल़ेह मेहला लू़गेमु थाला मेहन्‍डोसीमाना खोगी च्‍याहगा ज्‍योर्च्‍ये येह।

१ कोरिन्‍थी 3:8

च़ूगेन दाङ छ्यु लू़गेनदीला च्‍यिॱआङ ख्‍येपार म़ेह। थाम्‍ज्‍यीगी राहङ-राहङगी ल़ेहला ते़बेकी राहङगी ले़गा ज्‍योर्च्‍ये येह।

ज्‍याल्‍गा 22:7

“त़ेदोङ, ङाह ग्‍यो़बा ओहङगेॱराङ येह। दि छ्य़ेला लुहङतेम्‍बाया़गी प्रुहक्‍योगी सुङ ची़गेया़ काहजे सोनाम-साक्‍पु।”

रोमी 14:12

ओ़ह सोङबे ओहराङ थाम्‍ज्‍यीगी राहङ-राहङगी चिदुङ किन्‍ज्‍योला च्‍याल कोहएँ।

ज्‍याल्‍गा 11:18

ओहले क्‍यिहपा-क्‍यिहपाकी मिहया़ स्‍यिहताङ लाहङदी येह, यिहॱनाङ ता़ह राहङगी थुयाल ज़्‍याङगेन्‍गी ती़हजी लेप्‍सीन। राहङगी ता़ह स्‍यिक्‍यो मिहया़ला ठिम ताङ नाङगेन्‍गी ती़हजी लेप्‍ते येह। राहङला स्‍याहप्‍तो स्‍युहएँया़, लुहङतेम्‍बाया़, राहङगी दाम नाङग्‍योकी मिहया़ ओहले राहङगी छेनकी ज्‍यिक्‍पा खुर्के फ़ेमा-छ्यिम्‍बु थाम्‍ज्‍यीला च्‍याहगा नाङगेन्‍गी ती़हजी ओहले जाम्‍बुलीङला तोङ च्‍य़ूगेया़ला सिहन्‍दा च्‍येकेन्‍गी ती़हजी लेप्‍ते येह।”

ज्‍याल्‍गा 20:12

ओहले स्‍यिक्‍यो मिह फेमा दाङ छ्यिम्‍बु थाम्‍ज्‍यीराङ ज़्‍य़ू-ठिकी दिनला लाहङदी तेहक्‍योदी ङाहगी थोङसीन ओहले छ्य़ेया़ खा फ़ेसीन। लेहमेन छ्य़े च्‍यी़ॱआङ खा फ़ेसीन, ओ़हदी मिहलीगी छ्य़े यिहन्‍गे। ओ़ह छ्य़ेला प्रुहक्‍यो खुङया़गी ल़ेहला ते़बे स्‍यिक्‍यो मिहया़ला ठिम ताङसीन।

ज्‍याल्‍गा 22:20

दि तामगी पाङबु नाङगेन्‍दीगी सुङ नाङगु दु, “तेहम्‍बाराङ, ङाह ओहङगेॱराङ येह।” आमेन, फेप नाङदोङ, ओ़ चो़वो येशू।

ज्‍याल्‍गा 2:23

मोहला तिङ ङ्या़गे थाम्‍ज्‍यीला ङाह तोङ च्‍य़ूज्‍ये येह ओहले थाम्‍ज्‍यीगी सेम्‍बा दाङ नोम्‍साङला ङ्याहम च्‍येकेन्‍दी ङाहराङ यिहन म़ेदी थाम्‍ज्‍यी छेन्‍छोकया़गी क्‍यी़ह ज्‍योर्च्‍ये येह। ङाह ख्‍या थाम्‍ज्‍यीला राहङ-राहङगी ल़ेहला ते़बे च्‍याहगा तेर्च्‍ये येह।

ज्‍याल्‍गा 3:11

त़ेदोङ, ङाह ग्‍यो़बाराङ ओहङज्‍ये येह। ख्‍ये ङ्याम्‍बु च्‍यि येहबा, ओ़हदीला या़हबु पेहती ज़ुङदी ज़्‍यो़, ओहले ख्‍येती पेस्‍यो सुज्‍यीगीॱआङ फ्रो़ज्‍ये म़ेह।