ज्‍याल्‍गा 22:11 - ह्योल्‍मो

¹¹ ल़ेह ङ्येहम्‍बा पेहकेनया़गी ल़ेह ङ्येहम्‍बा पेहतीराङ तेहच्‍यु, ङोहजागी ल़ेह पेहकेनया़गी ङोहजागी ल़ेह पेहतीराङ तेहच्‍यु, टाहङबु ल़ेह पेहकेनया़गी टाहङबु ल़ेह पेहतीराङ तेहच्‍यु, ओहले नाम्‍पार-ताहक्‍पा येहकें मिहया़ नाम्‍पार-ताहक्‍पाराङ ओहङज्‍यु।”

ज्‍याल्‍गा 22:11 Referans Kwoze

२ तिमोथी 3:13

यिहॱनाङ मिह ङ्येहम्‍बाया़ दाङ ठाग तिएँया़गी लेहमेन मिहया़ला गो़ कोर च्‍य़ूज्‍ये येह ओहले खुङ राहङॱआङ गो़ ली़ज्‍ये येह ओहले खुङ जेन-जेन नोहङदी डोज्‍ये येह।

मत्ती 15:14

खुङया़ला च्‍योल्‍दो माहतेन, खुङया़नी मी़ मेहथोङगेन गोबाया़ यिहम्‍बा। मी़ मेहथोङगेन मिहगी राहङसा मी़ मेहथोङगेन मिहला ठिसीमानानी, ङ्यिकाराङ ओमला छ्यिकें।”

मत्ती 5:6

किन्‍ज्‍योगी थुला ने़जेबा थाम्‍ज्‍यीराङ से़हया़ तेहन्‍दा डुप्‍च्‍यु म़ेदी सेम तिहङ यिहन्‍ज्‍युराङ चा़ पेहकेनया़ काहजे सोनाम-साक्‍पु, च्‍यिबेमाना खुङया़गी चा़ पेहक्‍योगी से़हया़ किन्‍ज्‍योगी तेहन्‍दा डुप च्‍य़ू नाङज्‍ये येह।

यहूदा 1:24

ता़ह, का़हन्‍दीगी मिहया़ला रिहल्‍गे यिहन्‍ज्‍यु थार च्‍य़ू थुप्‍कें, ओहले का़हन्‍दीगी ख्‍याया़ला काहसो डो च्‍य़ू नाङदी किन्‍ज्‍योकी ज़िज्‍यिदगी दिनला च्‍यिॱआङ ङ्य़ेहबा-छ्यू़बा म़ेहबा जेती लाहङ च्‍य़ू थुप्‍कें,

मत्ती 25:10

“ओहले ओ़ह रिहक्‍पा म़ेहबागी पी़हमी ङा नुम ङ्योह डोएँमु माहक्‍पा साम्‍बा लेप्‍सीन। ओहले ठाबे पेहती तेहक्‍योगी पी़हमी ङादी माहक्‍पा साम्‍बा ङ्याम्‍बुराङ पा़हमागी डेन साहज्‍येला खाङबा नाहङला स्‍य़ूहसीन, ओहले खाङबागी कोहॱआङ क्‍याहप्‍सीन।”

एफिसी 5:27

ओहले मास्‍यीकागी छेन्‍छोकला क्‍या-साङे येहसेर ल़ेहमु जेती राहङगी दिनला ख्‍योङ ख़ूज्‍यु, ओहले ओ़ह छेन्‍छोक च्‍यिॱआङ मेम्‍बा म़ेहबा ओहङ कोहएँ, ङ्येर्माङ छ्या़क्‍यो ओहङज्‍ये मेहयोहङगे, ङ्य़ेहबा-छ्यू़बा म़ेहबा ओहङ कोहएँ, ओहले नाम्‍पार-ताहक्‍पा दाङ च्‍यिॱआङ क्‍येन माहफो़बा ओहङ कोहएँ।

मत्ती 21:19

लाहमकी सुहरला को़स्‍यीङ तोहङबो ज़ी़दी को़स्‍यीङ या़हक्‍यो येहबा नि म़ेदी येशू ओ़ह तोहङबो पोहला फेप नाङसीन, यिहॱनाङ ओ़ह तोहङबोला लाहप्‍तीज्‍यी मिहम्‍बानी लेहमेन च्‍यिॱआङ म़ेहबा येहकें। येशूगी ओ़ह तोहङबोला सुङ नाङसीन, “ता़ह यिहन्‍ज्‍यु ख्‍येला नाहमॱआङ को़स्‍यीङ मा़हयाहज्‍यु।” ओ़ह को़स्‍यीङ तोहङबो ओ़ह ती़हजीलाराङ काम्‍सीन।

यूहन्‍ना 8:21

येशूगी खुङया़ला येहपाराङ सुङ नाङसीन, “ङाह दि ग्‍या़ले डोज्‍ये येह, ओहले ख्‍याया़गी ङाहला छोल्‍ज्‍ये येह, यिहॱनाङ ख्‍याया़ राहङगी तिहक्‍पाला स्‍यिज्‍ये येह। ङाह डोएँगी ग्‍या़ला, ख्‍याया़ ओहङ मी़हखु।”

ज्‍याल्‍गा 16:21

ओहले नामले माहर किलो खाल ङ्यी़गी सेराया़ मिहया़ थो़ला क्‍याहप्‍च्‍ये छ़ूसीन। ज्‍यिबुराङ छ्यिम्‍बु सेरा क्‍याहप्‍ती मिहया़ तुहक्‍पुला छ्यिक्‍यो सोङबे मिहया़गी किन्‍ज्‍योला मे़मु क्‍याहप्‍च्‍ये छ़ूसीन च्‍यिबेमाना तेहम्‍बाराङ दि छे़राङ म़ेहबा तुहक्‍पु येहकें।

ज्‍याल्‍गा 22:3

किन्‍ज्‍योगी मे़मु क्‍याहप नाङग्‍योकी से़हया़ ता़ह यिहन्‍ज्‍यु ओ़ह क्‍याहसाला च्‍यिॱआङ लिहच्‍ये म़ेह। किन्‍ज्‍यो दाङ ल़ूह स्‍ये़बुकी ज़्‍य़ू-ठि ओ़ह क्‍याहसाला ओहङज्‍ये येह, ओहले मिहरोला स्‍याहप्‍तो स्‍युएँया़गी मिहरोला छ्येपा फुल्‍ज्‍ये येह।

कलस्‍सी 1:22

यिहॱनाङ ता़ह राहङगी दिनला ख्‍याया़ला नाम्‍पार-ताहक्‍पा, ङ्य़ेहबा-छ्यू़बा म़ेहबा दाङ च्‍यिॱआङ फातुर माहफो़बा पेहती तेन्‍ज्‍येला मास्‍यीकाकी कुसोगी स्‍यिवा लाहमले किन्‍ज्‍योगी राहङ ङ्याम्‍बु ख्‍याया़ला थिन च्‍य़ू नाङसीन।

मत्ती 5:45

आहन्‍डा पेहसीमाना ख्‍याया़ स्‍यिहङगामला ज़्‍य़ू नाङगेन्‍गी याहप्‍च्‍येन आबागी पुह-पोहमो ओहङज्‍ये येह च्‍यिबेमाना किन्‍ज्‍योगी मिह चोक्‍पा दाङ मिह या़हबु ङ्यिकालाराङ ङ्यिहमागी टे़ह नाङगेन ओहले तिहक्‍च्‍येम्‍बा दाङ टाहङबु ङ्यिकाराङगी तेहन्‍दाला नाम क्‍याहप च्‍य़ू नाङगेन।