ज्‍याल्‍गा 21:12 - ह्योल्‍मो

¹² ओ़ह क्‍याहसा कोर-क्‍यिहलेॱराङ छ्यिम्‍बु दाङ थोम्‍बु चिक्‍पाया़ ची़क्‍यो येहकें। ओ़हला कोह च्‍यिङ्यी़ येहकें। ओहले ओ़ह कोह च्‍यिङ्यी़लाराङ स्‍यिहङगामकी स्‍याहप्‍च्‍यी रे़ह-रे़ह ज़्‍य़ू नाङदी येहकें। ओ़ह कोहया़ला इस्राएलकी क्‍यिहपा च्‍यिङ्यी़दीॱराङ मिहन प्री़हदी येहकें।

ज्‍याल्‍गा 21:12 Referans Kwoze

ज्‍याल्‍गा 21:25

ङ्यिहमाला क्‍याहसाकी कोहया़ नाहमॱआङ क्‍याहप्‍च्‍ये म़ेह ओहले ओ़हला नाहमॱआङ नाहम से़ज्‍ये म़ेह।

ल़ेह-पेन 26:7

ङ्यिहगी क्‍यिहपा च्‍यिङ्यी़गीॱराङ दि रेहवा पेहक्‍योगी से़हया़ ज्‍योर ख़ूज्‍यु म़ेदी ङ्यिहन-नुहपराङ सेम च्‍यी़ पेहती छ्येपा फुल्‍गो येहकें, ओहले दि रेहवागी तेहन्‍दालाराङ ए क्‍याहल्‍बु लाह, यहूदीया़गी ङाहला फातुर च़ूक्‍यो यिहम्‍बा म़ेदी मासीन।

हिब्रू 1:14

च्‍यि ओ़ह थाम्‍ज्‍यी स्‍यिहङगामकी स्‍याहप्‍च्‍यीया़ थार्पा ज्‍योर्केया़गी तेहन्‍दाला स्‍याहप्‍तो स्‍य़ूहज्‍येला ताङग्‍यो स्‍याहप्‍तो स्‍युहएँकी नाम्‍स्‍यीया़ मिहम्‍बा ले?

लूका 16:22

“ङ्यिहमा च्‍यी़ ओ़ह प्राङबु लाजरस स्‍यिसीन। ओहले स्‍यिहङगामकी स्‍याहप्‍च्‍यीया़गी खोला अब्राहामगी पोहला ख्‍येर्ती ज़्‍या़सीन ओहले ओ़ह छ्युक्‍पु मिहॱआङ ङ्यिहमा च्‍यी़ स्‍यिसीन ओहले साला पिहप्‍सीन।

लूका 15:10

ङाहगी ख्‍याला माएँ, ओ़ह ल़ेहमुराङ पेहती राहङगी सेमगी स्‍या़बा डुप्‍के तिहक्‍च्‍येम्‍बा मेहन्‍दा च्‍यी़गी तेहन्‍दाला किन्‍ज्‍योकी स्‍यिहङगामकी स्‍याहप्‍च्‍यीया़गी दिनला काहसो पेहकें।”

मत्ती 18:10

“जेम्‍बु पेहतोङ, दि फेमा पेहजाया़ का़हन्‍दीॱलाङ ख्‍याया़गी ङ्येन्‍ज्‍येन माहबे। ङाह ख्‍याया़ला माएँ, खुङया़ला ताएँगी स्‍यिहङगामकी स्‍याहप्‍च्‍यीया़ स्‍यिहङगामला ज़्‍य़ू नाङगे ङाहगी किन्‍ज्‍यो याहपकी दिनलाराङ येह।

ज्‍याल्‍गा 21:13

स्‍यार ङो़ले कोह सुम, नुहप ङो़ले कोह सुम, च्‍याहङ ङो़ले कोह सुम ओहले ल्‍हो ङो़ले कोह सुम येहकें।

ज्‍याल्‍गा 21:15

क्‍याहसा दाङ कोह ओहले चिक्‍पा ताहप्‍च्‍येला ङाह ङ्याम्‍बु स्‍याहल सुङ नाङगे स्‍यिहङगामकी स्‍याहप्‍च्‍यीगी छ्या़ला सेरकी प्रेहका च्‍यी़ येहकें।

ज्‍याल्‍गा 22:14

“मिहलीगी तोहङबोकी ओङ ज्‍योर्च्‍येला ओहले क्‍याहसाकी कोहलेगी नाहङला स्‍य़ूह ङ्युहङज्‍यु म़ेदी राहङगी काप्‍च्‍या ठी़दी चाङमा ज़्‍या़गेया़ काहजे सोनाम-साक्‍पु।