ज्‍याल्‍गा 20:9 - ह्योल्‍मो

⁹ खुङ जाम्‍बुलीङ काहङग्‍याराङ टाहम्‍दे काहल्‍सीन ओहले किन्‍ज्‍योगी मिहया़गी छाउनी दाङ मिहरोगी चेवा जे नाङग्‍योकी क्‍याहसाला कोर-क्‍यिहलेॱराङ का़सीन यिहॱनाङ स्‍यिहङगामले माहर मेह ताहप्‍ते खुङ थाम्‍ज्‍यीराङ चो़हसीन।

ज्‍याल्‍गा 20:9 Referans Kwoze

२ थेसलोनिकी 1:8

ओहले किन्‍ज्‍योला ङोह मे़हस्‍येगेया़ दाङ ओहराङकी चो़वो येशूकी या़हबु लेहङगु मिहङ्यीहन्‍गेनया़ला मिहरोगी मेहबुङ नाहङला फेप्‍ती ङ्य़ेहबा काल नाङज्‍ये येह।

ज्‍याल्‍गा 13:13

दि ङ्यिपा सेम्‍ज्‍येनगी याहम्‍जेन छ्येवाकी ताक्‍छेनया़ तेन्‍सीन। मिह थाम्‍ज्‍यीगी थोङगे पेहती खोगी नामले माहर जाम्‍बुलीङला मेह ताहप च्‍य़ूसीन।

ज्‍याल्‍गा 11:5

का़हलेॱआङ सुज्‍यीगी खुङया़ला तोङ च्‍य़ूज्‍ये छोल्‍सीन माना खुङ खाले थेन्‍ग्‍यो मेहगी खुङया़गी टाहया़ला तोङ च्‍य़ूज्‍ये येह। ओ़हठीॱराङ पेहती खुङया़ला तोङ च्‍य़ूज्‍ये छोल्‍गेया़ थाम्‍ज्‍यीला सेच्‍ये येह।

लूका 17:29

लोत सदोम क्‍याहसाले थेन्‍दी डोएँ ङ्यिहमा थु खुङगी ओ़ह रोहवा पेह तेहती येहकें। ओहले लोत थेन्‍दी काहल फान्‍ज्‍यो नामले माहर मेह दाङ मेहबुङ क्‍याहप्‍ती खुङ थाम्‍ज्‍यीराङ स्‍यिसीन।

लूका 9:54

दि थोङदी याकूब दाङ यूहन्‍नागी येशूला स्‍युहसीन, “चो़वो ला़ह, ङ्यिहगी स्‍यिहङगामले माहर मेह ताहप च्‍य़ूदी दि मिहया़ला तोङ च्‍यू़ज्‍यु माएँ राहङगी थुला ठुङगु दुबा?”

हिब्रू 13:13

ओ़ह सोङबे ओहराङॱआङ पा़ल फिला येशूसाला डो, ओहले मिहया़गी येशूला आब्रु तेन्‍ग्‍यो ओहराङगीॱआङ ना़दोङ।

लूका 21:20

“टाहया़गी यरूशलेम क्‍याहसाला कोर्के ख्‍यागी थोङ फान्‍ज्‍यो क्‍याहसा तोङगे ती़हजी लेप्‍च्‍ये पेहसीन दु म़ेदी ङोह स्‍ये़दोङ।

लूका 19:43

ओ़ह सोङबे तिहरीङ ख्‍ये थो़ला दि रोहवा ती़हजी च्‍यी़ ओहङज्‍ये येह, ख्‍यागी टाहया़गी ख्‍येगी छ्यो़ ज़्‍यिलेराङ मिह मिह-माहङ ओहङदी कोर्च्‍ये येह, ओहले छ्यो़ ज़्‍यिलेराङ ख्‍येला का़ज्‍ये येह।