ज्‍याल्‍गा 20:14 - ह्योल्‍मो

¹⁴ दि तिङले स्‍यिवा दाङ साप्‍स्‍यी तिहङ ती़हदी तेहक्‍योगी मेहबुङ नाहङला क्‍युर चाहङसीन। दि मेहबुङगी छो़दी ङ्यिपा स्‍यिवा यिहम्‍बा।

ज्‍याल्‍गा 20:14 Referans Kwoze

१ कोरिन्‍थी 15:26

मास्‍यीकागी थाम्‍ज्‍यी म़ेदी तिङस्‍योला तोङ च्‍य़ू नाङगेन्‍गी टाहदी स्‍यिवा यिहम्‍बा।

ज्‍याल्‍गा 20:6

तोहङस्‍यो सोम्‍बो लो़हदी लाहङगेया़ काहजे सोनाम-साक्‍पु दाङ नाम्‍पार-ताहक्‍पा। खुङया़ला ङ्यिपा स्‍यिवागी च्‍यिॱआङ पेह मी़हखुएँ, यिहॱनाङ खुङ किन्‍ज्‍यो दाङ मास्‍यीकाकी पूजाहारी काहल्‍दी मिहरो ङ्याम्‍बु लो़ह तोङरा च्‍यी़ थु ओङ छ्य़े ङ्युहङज्‍ये येह।

ज्‍याल्‍गा 21:8

यिहॱनाङ ज्‍यी़गेया़, यिह मे़ह-छ्ये़गेया़, नाम्‍दो लाहङज्‍ये ल़ेहमु ल़ेह पेहकेनया़, मिह सेकेनया़, छ्येउ-छ्येंमु पेहकेनया़, ङ्येहन क्‍याहप्‍केनया़, कुला छ्येपा फुल्‍गेया़ ओहले स्‍योप क्‍याहप्‍केनया़ थाम्‍ज्‍यी मेह दाङ मेहबुङगी छो नाहङला डोज्‍ये येह। दि ङ्यिपा स्‍यिवा यिहम्‍बा।”

ज्‍याल्‍गा 19:20

ओहले ओ़ह सेम्‍ज्‍येन दाङ खोगी छापला याहम्‍जेम्‍बाकी ताक्‍छेनया़ तेन्‍गे ओ़ह चिहन क्‍याहप्‍के लुहङतेम्‍बालाॱआङ ज़ुङसीन। दि याहम्‍जेम्‍बागी ल़ेहया़ लाहमले ओ़ह चिहन क्‍याहप्‍कें लुहङतेम्‍बागी ओ़ह सेम्‍ज्‍येनगी पार क्‍याहप्‍कें दाङ खोगी कुला छ्येपा फुल्‍गे थाम्‍ज्‍यीला गो़ कोर च्‍य़ूदी येहकें। ओ़ह ङ्यिकालाराङ ती़हदी तेहक्‍यो मेहबुङगी छो नाहङला सोम्‍बोराङ क्‍युर चाहङसीन।

ज्‍याल्‍गा 1:18

ओहले सोम्‍बो येहकेन्‍दीॱआङ ङाहराङ यिहन। ङाह स्‍यिक्‍यो येहकें, यिहॱनाङ ता़ह त़ेदोङ, ङाह नाहम्‍स्‍यी किन्‍दुॱराङ सोम्‍बो काहल्‍दी येह, स्‍यिवा दाङ साप्‍स्‍यी तिहङकी दिमीया़ ङाह ङ्याम्‍बु येहबा।

ज्‍याल्‍गा 21:4

ओहले मिहरोगी खुङया़गी मी़गी मिज्‍यु थाम्‍ज्‍यीराङ फी़ नाङज्‍ये येह। ता़ह यिहन्‍ज्‍यु सुॱआङ स्‍यि कोहच्‍ये म़ेह। सुगीॱआङ तुहङाल पेहती ङुह कोहच्‍ये म़ेह, ओहले तुहक्‍पुॱआङ ओहङज्‍ये म़ेह। च्‍यिबेमाना तोहङमागी केच्‍याया़ योहल सिहन्‍दी येह।

ज्‍याल्‍गा 20:13

छो-क्‍याहम्‍जोगी ओ़हला येहकेन्‍गी स्‍यिक्‍यो मिहया़ तेर्सीन, ओहले स्‍यिवा दाङ साप्‍स्‍यी तिहङगीॱआङ राहङ ङ्याम्‍बु येहकेन्‍गी स्‍यिक्‍यो मिहया़ तेर्सीन। खुङ थाम्‍ज्‍यीला राहङ-राहङगी पेहक्‍यो ल़ेहला ते़बे ठिम ताङसीन।

ज्‍याल्‍गा 20:10

क्‍यिहपा-क्‍यिहपाला गो़ कोर च्‍य़ूगेन्‍गी ओ़ह दियाबलसला मेह दाङ मेहबुङ नाहङला क्‍युर चाहङसीन, ओ़हला ओ़ह सेम्‍ज्‍येन दाङ चिहन क्‍याहप्‍केन्‍गी लुहङतेम्‍बाॱआङ येहकें। ओ़ह ग्‍या़ला खुङया़गी ङ्यिहन-नुहप नाहम्‍स्‍यी किन्‍दुॱराङ तुहक्‍पु खुर्च्‍ये येह।

१ कोरिन्‍थी 15:53

च्‍यिबेमाना तोङदी डोएँगी ल़ेहनाङया़गी ता़ह नाहमॱआङ मेहतोङगेन्‍गी ल़ेहनाङया़ ल़ेहन कोहएँ ओहले दि स्‍यिदी डोएँगी ज़ुबुगी ता़ह नाहमॱआङ मिहस्‍यीएँगी ज़ुबु ल़ेहन कोहएँ यिहम्‍बा।

ज्‍याल्‍गा 20:15

मिहलीगी छ्य़ेला मिहन मा़हप्रीहबा मिहया़ला ओ़ह मेहबुङगी छो नाहङला क्‍युर चाहङसीन।

ज्‍याल्‍गा 2:11

सुती नाम्‍ज्‍यो येहबा खोगी ङ्यिहन्‍ज्‍यु, किन्‍ज्‍योकी थुगी छेन्‍छोकया़ला च्‍यि सुङ नाङगेराङ येहबा! सुगी क्‍याहल्‍गे, खोला ङ्यिपा स्‍यिवागी च्‍यिॱआङ ने क्‍याल ख़ूज्‍ये म़ेह।’”

ज्‍याल्‍गा 6:8

ओहले ङाहगी सेर-हुर ताबु च्‍यी़ थोङसीन, ओहले ओ़ह थो़ला स्‍येहन्‍ग्‍योकी मिहन “स्‍यिजा” येहकें ओहले “साप्‍स्‍यी तिहङदी” खोगी तिङदा तिङ ताहदा क्‍याहप्‍को येहकें। ओहले जाम्‍बुलीङकी मिह बो ज़्‍यिला बो च्‍यी़ पादाङ, मुहयी, याहम, दाङ रिहदाया़लेगी सेकेन्‍गी ओङ खुङया़ला नाङग्‍यो येहकें।

ज्‍याल्‍गा 14:10

खोगीॱआङ किन्‍ज्‍योगी थुयालकी फार्कोला च्‍यिॱआङ मा़हसेहबा पेहती ठाबे पेहक्‍यो किन्‍ज्‍योकी थुयालकी छ्याङ काहर्पा थुङज्‍ये येह। ओहले नाम्‍पार-ताहक्‍पा स्‍यिहङगामकी स्‍याहप्‍च्‍यीया़ दाङ ल़ूह स्‍ये़बुकी दिनला मेह दाङ मेहबुङ नाहङला ङ्य़ेहबा काल नाङज्‍ये येह।