ज्‍याल्‍गा 2:25 - ह्योल्‍मो

²⁵ यिहॱनाङ ङाह माहयोहङ थु ख्‍या ङ्याम्‍बु च्‍यि च्‍यि येहबा, ओ़हला थिक-चि पेहती तेहतोङ।

ज्‍याल्‍गा 2:25 Referans Kwoze

ज्‍याल्‍गा 3:11

त़ेदोङ, ङाह ग्‍यो़बाराङ ओहङज्‍ये येह। ख्‍ये ङ्याम्‍बु च्‍यि येहबा, ओ़हदीला या़हबु पेहती ज़ुङदी ज़्‍यो़, ओहले ख्‍येती पेस्‍यो सुज्‍यीगीॱआङ फ्रो़ज्‍ये म़ेह।

ज्‍याल्‍गा 22:7

“त़ेदोङ, ङाह ग्‍यो़बा ओहङगेॱराङ येह। दि छ्य़ेला लुहङतेम्‍बाया़गी प्रुहक्‍योगी सुङ ची़गेया़ काहजे सोनाम-साक्‍पु।”

ज्‍याल्‍गा 3:3

ओ़ह सोङबे ख्‍येगी च्‍यि ज्‍योर्पा ओहले च्‍यि थे़बा, ओ़ह टेहम्‍बा साल्‍दोङ, ओ़हला थिक-चि पेहती तेह ओहले स्‍या़बा डुप्‍तोङ। का़हलेॱआङ ख्‍ये ङ्यि माहछे़बा पेहती मेहतेहसीमानानी ङाह कुमेन ल़ेहमु पेहती ओहङज्‍ये येह, ओहले ङाह काहजे ती़हजीला ओहङज्‍ये येह म़ेदी ख्‍येगी क्‍यी़ह ज्‍योर्च्‍ये म़ेह।

हिब्रू 10:23

ओहराङगी सेम तिहङ यिहन्‍ज्‍युराङ यिह छ्य़ेक्‍यो रेहवाला ओहराङ सेम माहयाहङबा पेहती सान्‍दी पेहती ज़ुङदी ज़्‍या़ कोहएँ, च्‍यिबेमाना ताहम्‍ज्‍या ज़्‍या़ नाङगेन्‍गी किन्‍ज्‍यो यिह-छ्य़ेबु ज़्‍य़ू नाङदी येह।

ज्‍याल्‍गा 22:20

दि तामगी पाङबु नाङगेन्‍दीगी सुङ नाङगु दु, “तेहम्‍बाराङ, ङाह ओहङगेॱराङ येह।” आमेन, फेप नाङदोङ, ओ़ चो़वो येशू।

१ थेसलोनिकी 5:21

ताम थाम्‍ज्‍यी या़हबु पेहती ङ्याहम च्‍येतोङ, ओहले का़हन्‍दी ताम या़हबु येहबा ओ़ह ताम या़हबु पेहती ची़दोङ।

रोमी 12:9

ख्‍याया़गी निङज्‍यी पेहक्‍योदी मिहया़ला तेन्‍ज्‍येगी तेहन्‍दाला मिहम्‍बा यिहॱनाङ ओ़ह निङज्‍यी तेहन्‍दाम ओहङ कोहएँ। ल़ेह चोक्‍पाया़ क्‍युर्ती या़हबु ल़ेहला स्‍य़ूहदोङ।

ज्‍याल्‍गा 1:7

त़ेदोङ, मिहरो मुक्‍पाला फेप नाङगेराङ येह, ओहले मिह थाम्‍ज्‍यीगी मिहरोला थोङज्‍ये येह ओहले मिहरोला दुङगी चो़क्‍योया़गीॱआङ थोङज्‍ये येह। थाम्‍ज्‍यी मी़गी मिहरोला थोङज्‍ये येह। ओहले जाम्‍बुलीङकी थाम्‍ज्‍यी क्‍यिहपाया़गी मिहरोगी तेहन्‍दाला ङ्याहङेन पेहच्‍ये येह। दि ल़ेहमुराङ ओहङज्‍यु। आमेन।

हिब्रू 4:14

स्‍यिहङगामला फेप नाङग्‍यो किन्‍ज्‍योकी स़ेबु येशू ओहराङगी गो-छ्येवा पूजाहारी यिहन्‍गे सोङबे ओहराङगी सेम तिहङ यिहन्‍ज्‍युराङ ची़दे ओहङग्‍यो यिह-छ्य़ेला सान्‍दी पेहती तेह कोहएँ।

हिब्रू 3:6

यिहॱनाङ मास्‍यीकाती किन्‍ज्‍योगी ज़िम्‍गाङला यिह-छ्य़ेबु स़ेबु येहकें। ओहराङगी रेहवाला ओहराङगी तिङ थुराङ स्‍युक छ्यिम्‍बु दाङ म़ेहबा पेहसीनमाना ओहराङ किन्‍ज्‍योगी ज़िम्‍गाङ यिहम्‍बा।

यूहन्‍ना 14:3

ओहले ख्‍याया़की तेहन्‍दाला ग्‍या़ ठाबे पेह सिहन फान्‍ज्‍यो ङाह येहपाराङ लो़हदी ओहङज्‍ये येह, ओहले ख्‍याया़ला ङाहसाला ख्‍येर्च्‍ये येह, ओहले ङाह का़हला येहबा, ओ़हला ख्‍याया़ॱआङ ओहङज्‍ये येह।

२ पत्रुस 3:10

यिहॱनाङ चो़वोगी ठिम ताङ नाङगे ङ्यिहमानी याहङमे-याहङ कुमेन ल़ेहमुराङ पेहती ओहङज्‍ये येह। ओहजे काहङला नाम दिङडा तेन्‍दी चो़हज्‍ये येह। ङ्यिहमा, दायुम दाङ कार्माया़ थाम्‍ज्‍यीराङ मेह-टे़हगी स्‍य़ूहज्‍ये येह। जाम्‍बुलीङ दाङ जाम्‍बुलीङला येहकेन्‍गी ना थाम्‍ज्‍यी से़हया़ छी़दी तोङज्‍ये येह।

१ कोरिन्‍थी 11:26

च्‍यिबेमाना दि ल़ेहमु पेहती ख्‍यागी खुरा साहएँमु ओहले दि स्‍याहलु लाहमले थुङगेमु चो़वो माहफेप थु मिहरो टोहङग्‍योगी तेहन्‍दाला ख्‍यागी मिहया़ला प्रा साल्‍ज्‍ये येह।

१ कोरिन्‍थी 4:5

ओ़ह सोङबे किन्‍ज्‍योकी ठाबे जे नाङग्‍योकी ती़हजी म़ेदी तोहङले ठिम माहताङ, चो़वो फेप नाङगे ती़हजी थु कू़हदोङ। मिहरोगी ना़-जुबेला यिहप्‍ती तेहक्‍योकी से़हया़ क्‍या-साङेला नोम फेन नाङज्‍ये येह, ओहले मिहकी सेम नाहङकी तामया़ छ्यिसाल-नाहङसाल पेहती तेन नाङज्‍ये येह। ओ़ह ती़हजीला मिह थाम्‍ज्‍यीगी राहङगी ज्‍योर कोहएँकी स्‍याबास किन्‍ज्‍यो लाहमले ज्‍योर्च्‍ये येह।

ल़ेह-पेन 11:28

खुङया़ नाहङला अगाबस माएँ मिह च्‍यी़ येहकें। ओहले खो नाम्‍पार-ताहक्‍पा थुगी काहङदे, “ता़ह जाम्‍बुलीङ थाम्‍ज्‍यीला मुहयी लाहङज्‍ये येह” म़ेदी लुहङदेन स्‍येसीन। ओह मुहयीदी रोमी क्‍याहल-खापगी क्‍याहल्‍बु छ्यिम्‍बु क्‍लौडियसगी ती़हजीला क्‍याहप्‍च्‍ये येह।