दि तिङले स्यिहङगामकी स्याहप्च्यीगी ङाहला सुङ नाङसीन, “दि सुङया़ सेमले खाल ख़ूएँ दाङ तेहन्दाम येह। लुहङतेम्बाया़ला नाम्पार-ताहक्पा थु नाङगेन्गी चो़वो छ्येवा किन्ज्योगी राहङगी स्याहप्च्यीया़ला दि ग्यो़बाराङ ओहङज्ये पेहक्योगी तामया़ तेन्ज्येला राहङगी स्यिहङगामकी स्याहप्च्यी ताङ नाङदी येह।”
ज्याल्गा 19:9 - ह्योल्मो9 दि तिङले स्यिहङगामकी स्याहप्च्यीगी ङाहला दि ल़ेहमु सुङ नाङसीन, “दि ताम प्री़हदोङ, ल़ूह स्ये़बुकी पा़हमागी डेनला पाहङज्येन क्याहप्क्योगी मिहया़ काहजे सोनाम-साक्पु!” येहपाराङ ङाहला स्यिहङगामकी स्याहप्च्यीगी सुङ नाङसीन, “दि स्याहल किन्ज्योगी सुङ नाङग्योकी तेहन्दामगी सुङ यिहम्बा।” Gade chapit la |
ज्याल्गा 19:9
27 Referans Kwoze
दि तिङले ङाहगी स्यिहङगामले दि ल़ेहमु सुङग्यो सुङ-क़े च्यी़ थ़ेसीन, “दि ताम प्री़हदोङ: ता़ह यिहन्ज्यु चो़वोला यिह छ्य़ेदी स्यिएँया़ काहजे सोनाम-साक्पु।” नाम्पार-ताहक्पा थुगी दि ल़ेहमु सुङ नाङगु दु, “यिहम्बा, च्यिबेमाना ता़ह यिहन्ज्यु खुङया़गी राहङगी तुहक्पु दाङ कादुपले थाङ सो ङ्युहङज्ये येह ओहले खुङया़गी ल़ेह खुङ ङ्याम्बुराङ ओहङज्ये येह।”
“फिलाडेल्फियाकी छेन्छोकला चारा पेहकेन्गी स्यिहङगामकी स्याहप्च्यीला दि ताम प्री़हदोङ: ‘किन्ज्योॱराङ नाम्पार-ताहक्पा दाङ तेहन्दाम यिहन, मिहरो ङ्याम्बुराङ क्याहल्बु दाऊदकी दिमी येहबा, मिहरोगी खा फे़ नाङग्योकी कोह सुज्यीगीॱआङ क्याहप मी़हखुएँ ओहले मिहरोगी क्याहप नाङग्योकी कोह सुज्यीगीॱआङ खा फे़ मी़हखुएँ मिहरोगी दि ल़ेहमु सुङ नाङगु दु।
“सार्डिस छेन्छोकला चारा पेहकेन्गी स्यिहङगामकी स्याहप्च्यीला दि ताम प्री़हदोङ: ‘कार्मा तिहन दाङ किन्ज्योकी थु तिहन नोम्गेन्दीगी दि ल़ेहमु सुङ नाङगु दु। ख्याती ल़ेहया़ ङाहला क्यी़ह येह, ख्याया़ सोम्बो येह म़ेदी लोहङटी काहल्दी येहबा, यिहन्ज्येनी माज्येराङ माना ख्याया़ स्यि सिहन्दी येह।
दि छ्य़ेकी केच्या येशू मास्यीकागी तेन नाङग्यो यिहम्बा। राहङ स्याहप्च्यीया़गी ग्यो़बाराङ बाप ओहङज्ये पेहक्यो केच्याया़गी तेहन्दाला ङोह स्य़े ख़ूज्यु म़ेदी किन्ज्योगी येशूला दि ज्याल्गा नाङग्यो येहकें। येशूगी दि केच्या प्रा साल नाङज्येला स्यिहङगामकी स्याहप्च्यी च्यी़ला राहङला स्याहप्तो स्युएँगी यूहन्नासाला ताङ नाङसीन।
Piblisite