ज्‍याल्‍गा 19:19 - ह्योल्‍मो

¹⁹ ओहले ओ़ह सेम्‍ज्‍येन दाङ जाम्‍बुलीङगी क्‍याहल्‍बुया़ राहङ-राहङगी माक्‍मीया़ ख्‍योङदी कार्पु ताबु खाला स्‍येहन नाङगे दाङ मिहरोगी माक्‍मीया़ला टाह पेहती मा़ क्‍याहप्‍च्‍येला जोम्‍ग्‍यो ङाहगी थोङसीन।

ज्‍याल्‍गा 19:19 Referans Kwoze

ज्‍याल्‍गा 16:16

ओहले हिब्रू तामला आर-मागेड्डोन माएँ ग्‍या़ला ओ़ह ङ्येहम्‍बा नाम्‍स्‍यीया़गी ओ़ह क्‍याहल्‍बुया़ला रुहप पेहसीन।

ज्‍याल्‍गा 16:14

दिया़ याहम्‍जेन-याहम्‍जेनकी ताक्‍छेनया़ तेन्‍गेन्‍गी ल्‍हेन्‍डीगी नाम्‍स्‍यीया़ यिहम्‍बा। दिया़ थाम्‍ज्‍यी जाम्‍बुलीङकी क्‍याहल्‍बुया़ साला डोएँ, ओहले वाङज्‍या छ्यिम्‍बु नोम नाङगेन किन्‍ज्‍योकी चा़ छ्यिम्‍बु ङ्यिहमाला मा़ क्‍याहप्‍च्‍येला दिया़ला रुहप पेहकें।

ज्‍याल्‍गा 18:9

मोह ङ्याम्‍बु छ्येउ-छ्येंमु पेहकें दाङ खाम्‍साङ-ङ्याहम्‍साङ पेहकें जाम्‍बुलीङकी क्‍याहल्‍बुया़ मोहला सा़क्‍योगी तिहपा थोङदी मोहगी तेहन्‍दाला ज्‍यिबुराङ तुहङाल पेहती ङुहज्‍ये येह।

ज्‍याल्‍गा 14:9

ओ़ह स्‍यिहङगामकी स्‍याहप्‍च्‍यी ङ्यी़ तिङले लेहमेन स्‍यिहङगामकी स्‍याहप्‍च्‍यी च्‍यी़ दि ल़ेहमु म़ेदी ओहङसीन, “का़हलेॱआङ सुज्‍यीगी ओ़ह सेम्‍ज्‍येन दाङ खोगी कुला छ्येपा फुल्‍दी प्राला दाङ लाहक्‍पाला खोगी पार क्‍याहप्‍सीन माना,

ज्‍याल्‍गा 11:7

ओहले खुङया़गी प्रा साल कोहएँगी ल़ेहया़ सिहन फान्‍ज्‍यो साप्‍स्‍यी तिहङले थेन्‍दी ओहङगेन ओ़ह सेम्‍ज्‍येनगी खुङ ङ्यी़ ङ्याम्‍बु मा़ क्‍याहप्‍ती खुङया़ला क्‍याहल्‍दी सेच्‍ये येह।

ज्‍याल्‍गा 19:21

ओहले खुङया़गी माक्‍मीया़लादी कार्पु ताबु खाला स्‍येहन नाङग्‍योकी स्‍याहललेगी थेन्‍ग्‍यो पादाङगी सेसीन। ओहले च्‍याह-च्‍यिहवा थाम्‍ज्‍यीगी खोगी स्‍या टेहपा काहङगे थु साहसीन।