ज्‍याल्‍गा 16:2 - ह्योल्‍मो

² दि तिङले तोहङस्‍यो स्‍यिहङगामकी स्‍याहप्‍च्‍यी फेप्‍ती राहङगी फार्को जाम्‍बुलीङला पुङ नाङसीन, ओहले दिगी पेहती ओ़ह सेम्‍ज्‍येनकी पार क्‍याहप्‍क्‍यो दाङ खोगी कुला छ्येपा फुल्‍गे मिहया़ला नाम्‍दो लाहङज्‍ये ल़ेहमु ज्‍यिबुराङ सुह क्‍याहप्‍केन्‍गी स्‍योवा दाङ बेल्‍देरया़ थेन्‍ज्‍ये छ़ूसीन।

ज्‍याल्‍गा 16:2 Referans Kwoze

ज्‍याल्‍गा 8:7

तोहङस्‍यो स्‍यिहङगामकी स्‍याहप्‍च्‍यीगी रोहवा-लीङ फुएँमु ठा़ ङ्याम्‍बु से़दी सेरा दाङ मेह जाम्‍बुलीङला क्‍याहप्‍सीन। दिगी पेहते बो सुमला बो च्‍यी़ जाम्‍बुलीङ छी़सीन ओहले बो सुमला बो च्‍यी़ तोहङबोया़ ओहले रेबेॱराङ ङुम्‍बु चाया़ छी़सीन।

ज्‍याल्‍गा 16:11

खुङ राहङगी स्‍योवा दाङ बेल्‍देरकी तुहक्‍पुगी पेहती खुङया़गी स्‍यिहङगामकी किन्‍ज्‍योला मे़मु क्‍याहप्‍सीन। यिहॱनाङ खुङगी राहङगी पेहक्‍योगी तिहक्‍पाकी ल़ेहया़ले स्‍या़बा माहन्‍डुप।

ल़ेह-पेन 12:23

हेरोदगी किन्‍ज्‍योला चा़ माहबेबा सोङबे ओ़हजेलाराङ चो़वो छ्येवागी स्‍यिहङगामकी स्‍याहप्‍च्‍यी च्‍यी़गी खोला क्‍याहप्‍सीन ओहले खो च्‍योङलोङ क्‍याहप्‍ती स्‍यिसीन।

ज्‍याल्‍गा 14:16

दि ल़ेहमु पेहती मुक्‍पा थो़ला ज़्‍य़ू नाङगेन्‍दीगी राहङगी सोहरा नोम्‍दी जाम्‍बुलीङगी कामेया़ तुह नाङसीन।

ज्‍याल्‍गा 13:12

खोगी तोहङस्‍यो सेम्‍ज्‍येनकी ओङ लाहमलेॱराङ ओ़ह सेम्‍ज्‍येनकी छापला ओङ छ्य़ेसीन ओहले जाम्‍बुलीङ दाङ ओ़हला तेहकेन्‍गी मिह थाम्‍ज्‍यीला खोगी तोहङस्‍यो सेम्‍ज्‍येनला छ्येपा फुल च्‍य़ूसीन। ओ़ह सेम्‍ज्‍येनदी नाहन्‍दी छ्यिम्‍बु टा़ह सिहन्‍ग्‍यो येहकें।

ज्‍याल्‍गा 14:9

ओ़ह स्‍यिहङगामकी स्‍याहप्‍च्‍यी ङ्यी़ तिङले लेहमेन स्‍यिहङगामकी स्‍याहप्‍च्‍यी च्‍यी़ दि ल़ेहमु म़ेदी ओहङसीन, “का़हलेॱआङ सुज्‍यीगी ओ़ह सेम्‍ज्‍येन दाङ खोगी कुला छ्येपा फुल्‍दी प्राला दाङ लाहक्‍पाला खोगी पार क्‍याहप्‍सीन माना,

ज्‍याल्‍गा 16:1

ओहजेला ङाहगी किन्‍ज्‍योकी छ्योखाङले स्‍यिहङगामकी स्‍याहप्‍च्‍यी तिहनला दि ल़ेहमु सुङगेनॱराङ जेक्‍यो सुङ-क़े छ्यिम्‍बुच्‍यी थ़ेसीन, “ख्‍याया़ सोङ ओहले किन्‍ज्‍योकी थुयालगी फार्को तिहन जाम्‍बुलीङला पुङ तेर।”