ज्‍याल्‍गा 14:5 - ह्योल्‍मो

⁵ खुङया़गी खाले नाहमॱआङ स्‍योप क्‍याहप्‍केन्‍गी तामया़ माहथेन। खुङला च्‍यिॱआङ क्‍येन म़ेह।

ज्‍याल्‍गा 14:5 Referans Kwoze

एफिसी 5:27

ओहले मास्‍यीकागी छेन्‍छोकला क्‍या-साङे येहसेर ल़ेहमु जेती राहङगी दिनला ख्‍योङ ख़ूज्‍यु, ओहले ओ़ह छेन्‍छोक च्‍यिॱआङ मेम्‍बा म़ेहबा ओहङ कोहएँ, ङ्येर्माङ छ्या़क्‍यो ओहङज्‍ये मेहयोहङगे, ङ्य़ेहबा-छ्यू़बा म़ेहबा ओहङ कोहएँ, ओहले नाम्‍पार-ताहक्‍पा दाङ च्‍यिॱआङ क्‍येन माहफो़बा ओहङ कोहएँ।

यहूदा 1:24

ता़ह, का़हन्‍दीगी मिहया़ला रिहल्‍गे यिहन्‍ज्‍यु थार च्‍य़ू थुप्‍कें, ओहले का़हन्‍दीगी ख्‍याया़ला काहसो डो च्‍य़ू नाङदी किन्‍ज्‍योकी ज़िज्‍यिदगी दिनला च्‍यिॱआङ ङ्य़ेहबा-छ्यू़बा म़ेहबा जेती लाहङ च्‍य़ू थुप्‍कें,

यूहन्‍ना 1:47

येशूगी नथानेलला राहङ ङो़ले ओहङगेॱराङ पेहक्‍यो ज़ी़दी खोगी तेहन्‍दाला सुङ नाङसीन, “त़ेदोङ, खो तेहम्‍बा-तेहन्‍सुमॱराङ इस्राएली यिहन, खोला च्‍यिॱआङ क्‍येन म़ेह।”

कलस्‍सी 1:22

यिहॱनाङ ता़ह राहङगी दिनला ख्‍याया़ला नाम्‍पार-ताहक्‍पा, ङ्य़ेहबा-छ्यू़बा म़ेहबा दाङ च्‍यिॱआङ फातुर माहफो़बा पेहती तेन्‍ज्‍येला मास्‍यीकाकी कुसोगी स्‍यिवा लाहमले किन्‍ज्‍योगी राहङ ङ्याम्‍बु ख्‍याया़ला थिन च्‍य़ू नाङसीन।

लूका 23:4

ओहले पिलातसगी पूजाहारी छ्यिम्‍बु दाङ जोम्‍ग्‍यो मिहया़ला, “ङाहगीनी दि मिहला ठिम ताङ कोहएँगी तेहन्‍दा च्‍यिॱआङ मेहथोङ दु” म़ेदी मासीन।

१ पत्रुस 3:10

च्‍यिबेमाना, “का़हन्‍दीगी मिहलीला चेवा पेहकें ओहले ङ्यिहमा या़हबुया़ थोङगेन्‍गी सेम्‍बा पेहकें, ओ़हदीगी राहङगी च्‍येलेला ल़ेह चोक्‍पा ङो़ले ओहले राहङगी खाला चिहन क्‍याहप्‍केन्‍गी तामया़ माएँ ङो़ले था़-रिहङबुराङ ज़्‍या़दोङ।

मत्ती 12:34

ए प्रुहलगी छार्क्‍यीनया़! ख्‍याया़ राहङराङ मिह ङ्येहम्‍बा येहबा, या़हबु ताम काह-ठि पेहती मा ख़ूज्‍ये ले? च्‍यिबेमाना सेमला च्‍यि येहकें, ओ़हदीॱराङ खाले थेन्‍गे।

हिब्रू 9:14

मास्‍यीकाकी ठा़गीनी जेन माहङबु ख्‍यागी नोम्‍साङला तिहक्‍पाकी ल़ेहया़लेगी चाङमा ज़ोज्‍ये येह, ओहले ख्‍यागी सोम्‍बो ज़्‍य़ू नाङगेन किन्‍ज्‍योला स्‍याहप्‍तो स्‍युह ख़ूज्‍ये येह। च्‍यिबेमाना मिहरोगी नाहम्‍स्‍यी किन्‍दु ज़्‍य़ू नाङगे किन्‍ज्‍योगी थु लाहमले च्‍यिॱआङ क्‍येन म़ेहबा पेहती राहङगी राहङला किन्‍ज्‍योला मार्च्‍ये फुल नाङसीन।

१ पत्रुस 1:19

यिहॱनाङ च्‍यिॱआङ क्‍येन म़ेहबा दाङ ओङबु छाङबु येहकेन्‍की ल़ूह स्‍ये़बुदी ल़ेहमुराङ मास्‍यीकाकी नाङ छ्यिम्‍बु ठा़ लाहमले रिहन च्‍याल्‍दी खा फे़ नाङदी येह।

१ पत्रुस 2:22

“मास्‍यीकाकी तिहक्‍पाया़ च्‍यिॱआङ जे माहनाङ, ओहले मास्‍यीकाकी स्‍याहललेगी चिहन क्‍याहप्‍केन्‍गी स्‍याहलया़ नाहमॱआङ सुङ माहनाङ।”