ज्‍याल्‍गा 11:8 - ह्योल्‍मो

⁸ खुङकी रो़ह ओ़ह छ्यिम्‍बु क्‍याहसा यरूशलेमकी लाहमया़ला आहन्‍डाराङ लिहच्‍ये येह। पे यिहॱना़ ओ़ह क्‍याहसाती “सदोम” दाङ “मिश्र” यिहम्‍बा। ओ़ह क्‍याहसालाराङ खुङया़गी चो़वोला क्‍याहङस्‍यीङला च्‍याङग्‍यो येहकें।

ज्‍याल्‍गा 11:8 Referans Kwoze

ज्‍याल्‍गा 18:10

खुङया़गी मोहगी ङ्य़ेहबा राहङला माह फो़ज्‍यु म़ेदी था़-रिहङबुराङ लाहङदी दि ल़ेहमु माज्‍ये येह, “ओहो! ओहो! ख्‍ये क्‍याहसा छ्यिम्‍बु, ख्‍ये स्‍युक छ्यिम्‍बु बेबिलोन! याहम्‍बीज्‍यीलाराङ ख्‍येगी ङ्य़ेहबा ख्‍ये थो़ला बाप ओहङसीन।”

ज्‍याल्‍गा 18:21

ओहले स्‍युक छ्यिम्‍बु स्‍यिहङगामकी स्‍याहप्‍च्‍यी च्‍यी़गी ला़हवोर छ्येवा तोह च्‍यी़ क्‍या़दी दि ल़ेहमु सुङदी छो-क्‍याहम्‍जोला क्‍युर नाङसीन, “दि ल़ेहमुराङ पेहती दि क्‍याहसा छ्यिम्‍बु बेबिलोनॱआङ स्‍युकगी क्‍युर चाहङज्‍ये येह ओहले ओ़हदी येहपाराङ नाहमॱआङ थोङज्‍ये म़ेह।

हिब्रू 13:12

ओ़हठीॱराङ पेहती येशूगीॱआङ राहङदी ठा़गी मिहया़ला तिहक्‍पालेगी नाम्‍पार-ताहक्‍पा ज़ो नाङज्‍येला मिहरो क्‍याहसाकी फिला तुहक्‍पु खुर्ते टोहङ नाङसीन।

ज्‍याल्‍गा 18:18

खुङया़गी ओ़ह क्‍याहसा छ्यिम्‍बु छी़दे तिहपा थेन्‍ग्‍यो थोङसीम्‍बाॱराङ दि ल़ेहमु म़ेदी क़े तेन्‍सीन, “दि ल़ेहमु छ्यिम्‍बु क्‍याहसा लेहमेन का़हॱलाङ म़ेहबा येहकें!”

ज्‍याल्‍गा 11:9

ङ्यिहमा फेदाङ ज़्‍यि थु खुङया़की रो़हला मिहया़, छाङया़, तामया़ दाङ क्‍यिहपा-क्‍यिहपाकी मिहया़गी ते़मु ताज्‍ये येह ओहले ओ़ह रो़हया़ तुह च्‍य़ूज्‍ये म़ेह।

यहूदा 1:7

काह-ठि पेहती सदोम, गमोरा दाङ ओ़ह साहर-सुहरकी क्‍याहसाया़ छ्येउ-छ्येंमु पेहती पे-मिहस्‍यीएँ ल़ेह चोक्‍पाया़ला छ्यिक्‍यो येहकें, खुङया़गी नाहम-आङ मिहस्‍यीएँगी मेहकी ङ्य़ेहबा खुर्ती येह। दि ल़ेहमु पेहती खुङ ओहराङगी तेहन्‍दाला पे च्‍यी़ काहल्‍दी येह।

२ पत्रुस 2:6

किन्‍ज्‍योगी सदोम दाङ गमोरा क्‍याहसाला मेह ताङदे तोङ च्‍य़ू नाङसीन ओहले ओ़ह ग्‍या़गी स्‍यी़हॱराङ तोङ च्‍य़ू नाङसीन, दि ल़ेहमु जेती किन्‍ज्‍योला मे़हक्‍याप्‍के मिहया़गी गादी काहन्‍डुमु ओहङगु दुबा म़ेदी खुङया़ला पे च्‍यी़ तेन नाङसीन।

मत्ती 10:15

तेहम्‍बाराङ ङाहगी ख्‍याया़ला माएँ, ठिम ताङ नाङगेन ङ्यिहमाला ओ़ह क्‍याहसाकी मिहया़गी तुहक्‍पु म़ेदीनी सदोम दाङ गमोरा क्‍याहसाकी मिहया़गी तुहक्‍पु गा ना़ खू़-दाङ ओहङज्‍ये येह।”

ज्‍याल्‍गा 18:2

मिहरोगी सुङ-क़े छ्यिम्‍बु तेन्‍दी दि ल़ेहमु सुङ नाङसीन, छ्यिम्‍बु क्‍याहसा बेबिलोन ता़ह तोङसीन, ता़ह ल्‍हान्‍डा-ल्‍हेन्‍डी दाङ मेहचाङा नाम्‍स्‍यीया़, नामे नाजोकी नाम्‍दो लाहङज्‍ये ल़ेहमु दाङ चाङमा म़ेहबाकी च्‍याह-च्‍यिहवाया़ ओ़हला तेहच्‍ये येह।

ज्‍याल्‍गा 16:19

ओहले ओहजे छ्यिम्‍बु क्‍याहसानी बो सुम काहल्‍सीन। ओहले थाम्‍ज्‍यी क्‍याहल-खापकी क्‍याहसाया़ रोहम्‍दी तोङसीन। किन्‍ज्‍योगी ओ़ह छ्यिम्‍बु बेबिलोन माएँ क्‍याहसाला टेहम्‍बा साल नाङसीन ओहले मिहरो राहङगी ज्‍यी़ज्‍ये ल़ेहमु थुयालगी काहङग्‍यो फार्कोलेगी खोला थुङज्‍येला नाङसीन। ओ़ह फार्को, मिहरोगी थुयालकी छ्याङगी काहङग्‍यो येहकें।

ज्‍याल्‍गा 14:8

ओहले येहपाराङ लेहमेन स्‍यिहङगामकी स्‍याहप्‍च्‍यी च्‍यी़ दि ल़ेहमु म़ेदी ओहङसीन, “ता़ह चो़हसीन! क्‍याहसा छ्यिम्‍बु बेबिलोन चो़हसीन। ओ़हदीगी जाम्‍बुलीङकी थाम्‍ज्‍यी क्‍यिहपाया़ला मोहगी छ्येउ-छ्येंमुकी मेहन्‍ज्‍याले थुङ च्‍य़ूदी खुङया़ला ज़ि च्‍य़ूसीन।”

ज्‍याल्‍गा 11:13

ओ़हजेलाराङ स्‍युक छ्यिम्‍बु साङगुल ओहङसीन ओहले ओ़ह छ्यिम्‍बु क्‍याहसाती बो च्‍यु रोहम्‍सीन। ओहले दि साङगुल डोएँमु मिह तोङरा तिहन स्‍यिसीन। ओहले लेहमेन बाँकी लिहक्‍यो मिहया़ माहङबुराङ ज्‍यी़सीन ओहले खुङगी स्‍यिहङगामकी किन्‍ज्‍योला त़ेरा तेच्‍या फुल्‍सीन।

हिब्रू 6:6

खुङ मास्‍यीकाला तेहपा लो़हदी तोङदी डोसीमानानी खुङला येहपाराङ स्‍या़बा पेह च्‍य़ूदी मास्‍यीका ङो़ले ख्‍योङ मी़हखुएँ। च्‍यिबेमाना खुङगी राहङदीराङ तेहन्‍दाला किन्‍ज्‍योगी स़ेबुला येहपाराङ क्‍याहङस्‍यीङला च्‍याङगे, ओहले खुङगी मिह थाम्‍ज्‍यीगी दिनला मास्‍यीकाला आब्रु तेन्‍गे।

ल़ेह-पेन 9:4

शाऊल साला च्‍यार-ताप क्‍याहप्‍सीन, ओहले याहङमे-याहङ खोगी दि ल़ेहमु सुङ-क़े च्‍यी़ थ़ेसीन, “शाऊल, ए शाऊल ख्‍ये ङाहला च्‍यिबे तुहक्‍पु तेर्के?”

ज्‍याल्‍गा 18:24

ता़ह बेबिलोन क्‍याहसाला ङ्य़ेहबा फो़ सिहन्‍दी येह च्‍यिबेमाना लुहङतेम्‍बा दाङ किन्‍ज्‍योकी मिहया़ ओहले जाम्‍बुलीङला सेक्‍यो मिहया़गी ठा़ दि क्‍याहसालाराङ स्‍याहल्‍ग्‍यो च्‍य़ेह सिहन्‍ग्‍यो येहकें।

ज्‍याल्‍गा 17:5

मोहगी प्रालाला साङदे ज़्‍या़क्‍योगी मिहन च्‍यी़ प्री़हदे येहकें, “छ्यिम्‍बु बेबिलोन, थाम्‍ज्‍यी जाम्‍बुलीङकी स्‍याहङ-छो़मु दाङ नाम्‍दो लाहङज्‍ये ल़ेहमु ल़ेहया़ पेहकेनया़गी आमा!”

ज्‍याल्‍गा 17:1

ओ़ह फार्को तिहन नोम्‍गेन स्‍यिहङगामकी स्‍याहप्‍च्‍यी तिहन नाहङले मेहन्‍दा च्‍यी़ ङाहसाला फेप्‍ती सुङ नाङसीन, “देला स्‍यो, माहङबुराङ चाङबुया़गी पोहला तेहकेन ओ़ह छ्यिम्‍बु स्‍याहङ छो़मुगी काह-ठि पेहती ङ्य़ेहबा खुर कोहच्‍ये येह म़ेदी ङाह ख्‍येला तेन्‍गे।

ज्‍याल्‍गा 14:20

ओहले क्‍याहसा फिला येहकेन्‍की कुहन्‍डुम च्‍यिर्सा ग्‍या़ला ओ़ह कुहन्‍डुमया़ च्‍यिर्सीन ओहले ओहलेगी ठा़गी स्‍योलो थेन्‍सीन। ओ़ह ठा़, ताबुगी खाला क्‍याहप्‍क्‍योकी खम्‍देर थु थोम्‍बु ओहले नेसा क्‍याह सुमचे थु रिहङबु फेल्‍दी येहकें।

ज्‍याल्‍गा 17:18

ख्‍येगी थोङग्‍योकी ओ़ह स्‍याहङ-छो़मु जाम्‍बुलीङगी थाम्‍ज्‍यी क्‍याहल्‍बुया़ थो़ला ओङ छ्य़ेएँगी क्‍याहसा छ्यिम्‍बु यिहम्‍बा।