ज्‍याल्‍गा 11:7 - ह्योल्‍मो

⁷ ओहले खुङया़गी प्रा साल कोहएँगी ल़ेहया़ सिहन फान्‍ज्‍यो साप्‍स्‍यी तिहङले थेन्‍दी ओहङगेन ओ़ह सेम्‍ज्‍येनगी खुङ ङ्यी़ ङ्याम्‍बु मा़ क्‍याहप्‍ती खुङया़ला क्‍याहल्‍दी सेच्‍ये येह।

ज्‍याल्‍गा 11:7 Referans Kwoze

ज्‍याल्‍गा 13:7

ओहले खोला किन्‍ज्‍योकी मिहया़ ङ्याम्‍बु मा़ क्‍याहप्‍ते क्‍याहल्‍ज्‍येला ओङ तेर्ते येहकें। थाम्‍ज्‍यी छाङ, लुहङबा, ताम दाङ क्‍यिहपाया़ थो़ला ओङ छ्य़ेज्‍येला खोला ओङ तेर्सीन।

यूहन्‍ना 17:4

राहङगी ङाहला चि क्‍याहप नाङग्‍योकी छ्या़लेन तेहन्‍दा डुप च्‍य़ूदी ङाहगी राहङगी छेन दि जाम्‍बुलीङला छ्यिम्‍बु जे़दी येह।

लूका 13:32

ओहले येशूगी खुङया़ला सुङ नाङसीन, “काहल्‍दी ओ़ह लिहन्‍दीला म़ेदोङ, तिहरीङ दाङ नाहङबार ङ्यिहमु ल्‍हेन्‍डीया़ तेन्‍गे ओहले मिहया़ला टा़ह च्‍य़ूएँगी ल़ेह पेहकें ओहले नाङ ङ्यिहमुदी ङाहगी ल़ेह सिहन्‍दा च्‍येकें।

ज्‍याल्‍गा 13:11

दि तिङले ङाहगी जाम्‍बुलीङले थेन्‍दी ओहङग्‍योगी लेहमेन सेम्‍ज्‍येन च्‍यी़ थोङसीन। ल़ूह स्‍ये़बुदी ल़ेहमु खोती रोहवा ङ्यी़ येहकें ओहले खोती क़ेदी डुकती ल़ेहमु येहकें।

ज्‍याल्‍गा 11:3

ओहले फाजीगी काप्‍च्‍या केहन्‍ग्‍यो ङाहगी पाङबु तेर्के मिह ङ्यी़ला ङ्यिहमा तोङरा च्‍यी़ दाङ ङ्यिहक्‍या डुप्‍च्‍यु थु किन्‍ज्‍योकी सुङ प्रा-साल्‍ज्‍येला ताङज्‍ये येह।”

ल़ेह-पेन 20:24

यिहॱनाङ, ङाहगी मिहली ङाहगी तेहन्‍दालानी च्‍यिॱआङ फेन थो़ज्‍ये म़ेह। ङाहला देजे च्‍यी़राङ सेम्‍बा येहबा, किन्‍ज्‍योगी मिहया़ला काटीन जे-नाङदी येहबा माएँ या़हबु लेहङगुगी तामया़ मिहया़ला स्‍य़े ख़ूज्‍यु म़ेदी ओ़ह छ्या़लेया़ तेहन्‍दा डुप च्‍य़ूज्‍येला चो़वो येशूगीराङ ङाहला कुल नाङग्‍यो यिहम्‍बा।

२ तिमोथी 4:7

ङाहगी मा़ या़हबु क्‍याहप सिहन्‍दी येह। ङाहगी छ्योङ कोहएँकी ल़ेह सिहन्‍दा च्‍ये सिहन्‍दी येह ओहले ङाहगी यिह-छ्य़ेला सी़दे ज़्‍या़दी येह।

यूहन्‍ना 19:30

ओहले येशूगी ओ़ह कुहन्‍डुमकी-निङगु क्‍युर्पु छ्ये नाङसीन ओहले येशूगी, “ता़हनी ङाहती ल़ेह थाम्‍ज्‍यीराङ सिहन्‍सीन” म़ेदी सुङ नाङसीम्‍बाराङ उ माहर कुहर जेती टोहङ नाङसीन।

लूका 8:31

ओहले ओ़ह ल्‍हेन्‍डीया़गी येशूला, “ङ्यिहला साप्‍स्‍यी तिहङला ताङ माहनाङ” ओहर-छ्य़े! म़ेदी स्‍युहसीन।

ज्‍याल्‍गा 12:17

ओहजेला ओ़ह डुक पी़हमी ङ्याम्‍बु जेन माहङबु स्‍यिहङताङ लाहङसीन ओहले मोहगी छार्क्‍यीनया़, किन्‍ज्‍योकी का ची़गेया़ दाङ येशूकी लुहङ थो़ला यिह-छ्य़ेबु येहकेनया़ ङ्याम्‍बु मा़ क्‍याहप्‍च्‍येला काहल्‍सीन।