ज्‍याल्‍गा 10:11 - ह्योल्‍मो

¹¹ ओहले ङाहला दि ल़ेहमु का नाङसीन, “ख्‍येगी माहङबुराङ मिहया़, क्‍यिहपाया़, तामया़ ओहले क्‍याहल्‍बुया़ला ता़ह किन्‍ज्‍योगी च्‍यि च्‍यि जे नाङज्‍ये येह म़ेदी स्‍य़े कोहच्‍ये येह।”

ज्‍याल्‍गा 10:11 Referans Kwoze

ज्‍याल्‍गा 17:15

ओहले ओ़ह स्‍यिहङगामकी स्‍याहप्‍च्‍यीगी ङाहला सुङ नाङसीन, “ख्‍येगी थोङग्‍योकी ओ़ह स्‍याहङ-छो़मु तेहक्‍योगी छ्युया़दी लेहमेन लेहमेन क्‍यिहपा, लेहमेन लेहमेन क्‍याहल-खाप दाङ लेहमेन लेहमेन ताम माएँगी मिहया़ यिहम्‍बा।”

ज्‍याल्‍गा 14:6

दि तिङले ङाहगी नामला उहर्ती तेहक्‍यो लेहमेन स्‍यिहङगामकी स्‍याहप्‍च्‍यी च्‍यी़ थोङसीन। थाम्‍ज्‍यी क्‍यिहपा, छाङ, ताम दाङ लुहङबाकी मिहया़ला था़ म़ेहबा या़हबु लेहङगु स्‍येच्‍येला खो ओहङगेॱराङ येहकें।

ज्‍याल्‍गा 11:9

ङ्यिहमा फेदाङ ज़्‍यि थु खुङया़की रो़हला मिहया़, छाङया़, तामया़ दाङ क्‍यिहपा-क्‍यिहपाकी मिहया़गी ते़मु ताज्‍ये येह ओहले ओ़ह रो़हया़ तुह च्‍य़ूज्‍ये म़ेह।

ज्‍याल्‍गा 5:9

खुङया़गी दि ल़ेहमु म़ेदी लु साम्‍बा च्‍यी़ लेहन्‍सीन, “दि स्‍युगु टिहल्‍मा लेहन्‍ज्‍ये दाङ दि थे़जी रोप्‍ती खा फे़ज्‍येला राहङज्‍यीॱराङ सी़हज्‍ये येह च्‍यिबेमाना राहङला मिहया़गी सेसीन ओहले राहङ ठा़गी थाम्‍ज्‍यी क्‍यिहपा, ताम, लुहङबा दाङ जाम्‍बुलीङगी मिहया़ला किन्‍ज्‍योगी तेहन्‍दाला ङ्योह नाङसीन।

ज्‍याल्‍गा 10:10

ओहले ङाहगी ओ़ह स्‍यिहङगामकी स्‍याहप्‍च्‍यीगी छ्या़ले को़बाकी यिहगी लेहन्‍दे साहसीन। ओहले ङाहगी खाला ओ़हदी तिप-प्राहङ ल़ेहमुराङ ङार्मु काहल्‍सीन यिहॱनाङ ओ़ह साह सिहन फान्‍ज्‍योदी ङाहगी फोवा क्‍युर्पु काहल्‍सीन।

ज्‍याल्‍गा 11:1

दि तिङले ताहप्‍च्‍येला ङाहला ङ्युङमागी प्रेहका ल़ेहमु च्‍यी़ तेर्ती येहकें ओहले मेहन्‍दा च्‍यी़गी ङाहला दि ल़ेहमु मासीन, “लाहङदी सोङ, किन्‍ज्‍योकी छ्योखाङ दाङ ओ़हगी छ्येकाङ ताहप्‍तोङ ओहले छ्योखाङला छ्येपा फुल्‍गेया़ला टाहङमा क्‍याहप्‍तोङ।

ज्‍याल्‍गा 17:10

ओ़ह गो़ तिहनदी क्‍याहल्‍बु तिहनॱआङ यिहम्‍बा। मेहन्‍दा ङा तोङ सिहन्‍दी येह, च्‍यी़दी येहॱराङ येहबा, ओहले लेहमेन च्‍यी़दी तोहरोङॱआङ ओहङदी म़ेह। खो ओहङ फान्‍ज्‍यो ङ्यिहमा ङ्युहङसे़ च्‍यी़राङ खोगी ओङ छ्य़ेज्‍ये येह।

ज्‍याल्‍गा 17:12

“ख्‍येगी थोङग्‍योकी रोहवा च्‍य़ूदी क्‍याहल्‍बु च्‍यु यिहम्‍बा, खुङया़गी ताहन्‍दा थु क्‍याहल्‍बु पेहच्‍येला ओङ ज्‍योर्ती म़ेह। यिहॱनाङ खुङया़गी ओ़ह सेम्‍ज्‍येन ङ्याम्‍बु ङ्यिहमा ङ्युहङसेगी तेहन्‍दाला क्‍याहल्‍बुगी ओङ ज्‍योर्च्‍ये येह।