ज्‍याल्‍गा 1:6 - ह्योल्‍मो

⁶ मिहरोगी राहङगी किन्‍ज्‍यो दाङ याहपला स्‍याहप्‍तो स्‍युहज्‍येला ओहराङला पूजाहारीकी ओङ नाङदी येहबा। ओहले येशू मास्‍यीकाकी चा़ दाङ ओङ नाहम्‍स्‍यी किन्‍दु लिहच्‍यु। आमेन।

ज्‍याल्‍गा 1:6 Referans Kwoze

ज्‍याल्‍गा 5:10

ओ़ह लाहमले ओहराङ किन्‍ज्‍योला स्‍याहप्‍तो स्‍युहज्‍येला पूजाहारीगी क्‍याहल्‍सी च्‍यी़ ज़ो नाङसीन ओहले खुङया़गी जाम्‍बुलीङ थो़ला ओङ छ्य़ेज्‍ये येह।”

ज्‍याल्‍गा 20:6

तोहङस्‍यो सोम्‍बो लो़हदी लाहङगेया़ काहजे सोनाम-साक्‍पु दाङ नाम्‍पार-ताहक्‍पा। खुङया़ला ङ्यिपा स्‍यिवागी च्‍यिॱआङ पेह मी़हखुएँ, यिहॱनाङ खुङ किन्‍ज्‍यो दाङ मास्‍यीकाकी पूजाहारी काहल्‍दी मिहरो ङ्याम्‍बु लो़ह तोङरा च्‍यी़ थु ओङ छ्य़े ङ्युहङज्‍ये येह।

रोमी 11:36

च्‍यिबेमाना ना थाम्‍ज्‍यी मिहरोगीॱराङ छ्या़ च्‍य़ू नाङग्‍यो यिहन ओहले ओ़ह थाम्‍ज्‍यी मिहरो लाहमले ओहले मिहरोगी तेहन्‍दालाराङ यिहन। मिहरोला नाहम्‍स्‍यी किन्‍दुॱराङ ज़िज्‍यिद ओहङज्‍यु! आमेन।

ज्‍याल्‍गा 4:11

“ए ओहराङगी चो़वो दाङ किन्‍ज्‍यो, राहङ ज़िज्‍यिद, ची़नाङ दाङ ओङ नोम्‍ज्‍ये सी़हगेन्‍दी ज़्‍य़ू नाङदी येहबा च्‍यिबेमाना ना थाम्‍ज्‍यी राहङगीराङ छ्या़ च्‍य़ू नाङग्‍यो यिहम्‍बा, ओहले राहङगी थुला ठुङग्‍यो ल़ेहमुराङ ओ़हदी ओहङसीन ओहले ओ़ह से़हया़ छ्या़सीन।”

२ पत्रुस 3:18

यिहॱनाङ ओहराङ चो़वो दाङ थार्पा नाङगेन येशू मास्‍यीकाकी काटीन दाङ येहन्‍देनला याहरक्‍यी पेहती सोङ। मिह-रो़हलाॱराङ ताहन्‍दा दाङ नाहम-माना ज़िज्‍यिद ओहङज्‍यु। आमेन।

यहूदा 1:25

ओ़ह च्‍यिमे च्‍यी़राङ किन्‍ज्‍यो, ओहराङला थार्पा नाङगेन येशू मास्‍यीका ओहराङ चो़वो लाहमले ज़िज्‍यिद, ची़नाङ, स्‍युक, ओङ काल्‍बा-काल्‍बा तोहङ यिहन्‍ज्‍यु ताहन्‍दा दाङ छे दाङ छे ओहङज्‍यु। आमेन।

१ पत्रुस 4:11

लुहङ तेर्केन्‍की काबाप ज़्‍योरक्‍यो मिहगी किन्‍ज्‍यो लाहमलेॱराङ लुहङ तेर्च्‍यु। स्‍याहप्‍तो स्‍युहएँ मिहगी किन्‍ज्‍योगी ओङ लाहमले स्‍याहप्‍तो स्‍युहज्‍यु। ओ़ह ल़ेहमु पेहती ल़ेह थाम्‍ज्‍यीला येशू मास्‍यीका लाहमले किन्‍ज्‍योलाॱराङ ज़िज्‍यिद ओहङज्‍यु। मिह-रो़हलाॱराङ ज़िज्‍यिद दाङ ओङ नाहम्‍स्‍यी किन्‍दु ओहङज्‍यु! आमेन।

हिब्रू 13:21

ख्‍याया़ला नामे-नाजो या़हबु गीनया़गी छाङबु ज़ो नाङज्‍यु, ओहले ख्‍याया़गी मिहरोगी थु-सेम तेहन्‍दा डुप च्‍य़ू ख़ूज्‍यु। ख्‍याया़गी मिहरोला थु ङ्ये़एँगी ल़ेह पेह ख़ूज्‍यु म़ेदी येशू मास्‍यीका लाहमले मिहरोगी ख्‍याया़गी सेमला छ्या़ले जे नाङज्‍यु। नाहम्‍स्‍यी किन्‍दु येशू मास्‍यीकाकी ज़िज्‍यिद ओहङज्‍यु।

फिलिप्‍पी 2:11

किन्‍ज्‍योकी ज़िज्‍यिदगी तेहन्‍दाला थाम्‍ज्‍यीगी येशू मास्‍यीकाॱराङ चो़वो यिहन म़ेदी खागी माज्‍ये येह।

रोमी 15:6

दि ल़ेहमु पेहती ख्‍या सेम च्‍यी़ डी़दी क़े च्‍यी़लाॱराङ ओहराङ चो़वो येशू मास्‍यीकाकी किन्‍ज्‍यो दाङ याहपला ख्‍याया़गी ज़िज्‍यिद फुल ख़ूज्‍यु।

मत्ती 6:13

ङ्यिहला ङ्याहम-छेला छ्यि च्‍य़ू माहनाङ, यिहॱनाङ ङ्येहम्‍बालेगी थार च्‍य़ू नाङदोङ। (च्‍यिबेमाना क्‍याहल-खाप, ओङ दाङ ज़िज्‍यिद नाहम्‍स्‍यी किन्‍दु राहङदीराङ यिहन, आमेन )”

१ तिमोथी 6:16

नाहमॱआङ टोहङ मेहनाङगेन्‍दीनी किन्‍ज्‍यो च्‍यी़राङ यिहम्‍बा ओहले मिहरो सुॱआङ लेप मी़हखुएँगी क्‍या-साङेला ज़्‍य़ू नाङगे। मिहरोला सुज्‍यीगीॱआङ नाहरे थु थोङदी म़ेह ओहले थोङॱआङ मी़हखुएँ। नाहम माॱनाङ ज़्‍य़ू नाङगेन्‍गी ओङ दाङ चा़ मिहरो ङ्याम्‍बुराङ ज़्‍य़ू नाङज्‍यु। आमेन।

१ पत्रुस 5:11

नाहम्‍स्‍यी किन्‍दु ओङज्‍या छ्यिम्‍बु मिहरोदीॱराङ ओहङज्‍यु। आमेन।

ज्‍याल्‍गा 1:9

ङाह ख्‍याया़गी आदा यूहन्‍ना यिहम्‍बा। ओहले येशूकी तुहक्‍पु, क्‍याहल्‍सी दाङ ना़स्‍यीङला ङाहॱआङ ख्‍या ङ्याम्‍बु-ङ्याम्‍बुराङ येहकें। किन्‍ज्‍योकी सुङ दाङ येशू मास्‍यीकाती पाङबु तेहक्‍यो सोङबे ङाह पत्‍मोस माएँ छोलिङला येहकें।