फिलिप्‍पी 3:21 - ह्योल्‍मो

²¹ मास्‍यीकागी ओङ लाहमले थाम्‍ज्‍यीराङ से़हया़ला राहङती ओङ चो़ला नोम फेप नाङज्‍ये येह ओहले ओ़ह ओङ लाहमलेॱराङ ओहराङदी दि स्‍यिदी डोएँ ज़ुबुला मिहरोदी ल़ेहमुराङ ज़िज्‍यिद-च्‍येन ज़ो नाङज्‍ये येह।

फिलिप्‍पी 3:21 Referans Kwoze

कलस्‍सी 3:4

ख्‍यागी तेहन्‍दामगी मिहलीनी मास्‍यीकाॱराङ यिहम्‍बा ओहले मास्‍यीका जाम्‍बुलीङला लो़हदी फेप नाङगेमु मिह थाम्‍ज्‍यीगी मिहरोला थोङज्‍ये येह, ओ़ह ती़हजीला ख्‍याया़लाॱआङ मिहरोकी ज़िज्‍यिद ङ्याम्‍बुराङ ओहङग्‍यो थोङज्‍ये येह।

१ यूहन्‍ना 3:2

ए ङाहगी च्‍याहम्‍बु रो़हया़, ताहन्‍दानी ओहराङ किन्‍ज्‍योगी छार्क्‍यीनया़राङ यिहम्‍बा यिहॱनाङ तिङलेनी ओहराङ च्‍यि ओहङगे यिहम्‍बा, ओ़हगी तेहन्‍दाला किन्‍ज्‍योगी ओहराङला ह्‍अ कोह च्‍य़ू नाङदी म़ेह। यिहॱनाङ मास्‍यीका फेप नाङ फान्‍ज्‍यो ओहराङॱआङ मिहरो ल़ेहमुराङ डोज्‍ये येह च्‍यिबेमाना मिहरो काहन्‍डुमु येहबा, ओहराङगी मिहरोला ओ़ह ल़ेहमुराङ थोङज्‍ये येह।

रोमी 8:29

किन्‍ज्‍योगी राहङगी मिहया़ला तोहङलेराङ ङोह ख्‍येन नाङसीन ओहले राहङगी स़ेबु ल़ेहमुराङ डोज्‍येला दाम नाङसीन च्‍यिबेमाना मिहरोगी स़ेबु आदा-नो़ह दाङ आज्‍यी-नुहमुया़ नाहङला थाम्‍ज्‍यी म़ेदी छ्येस्‍यो ओहङ ख़ूज्‍यु।

मत्ती 28:18

ओहजेला येशू खुङया़ पोहला फेप्‍ती सुङ नाङसीन, “त़ेदोङ, स्‍यिहङगाम दाङ जाम्‍बुलीङगी थाम्‍ज्‍यीराङ ओङ ङाहला नाङदी येह।

मत्ती 17:2

ओ़हला लेप फान्‍ज्‍यो स्‍याहप्‍च्‍यीया़गी ताताबा काहङला येशूकी कुसो ग्‍युर्सीन। येशूगी स्‍याहल्‍दोङ ङ्यिहमा ल़ेहमुराङ येहसेर क्‍याहप्‍सीन ओहले येशूकी नाहम्‍सादी येहपा छ्या़दी कार्पु काहल्‍सीन।

ज्‍याल्‍गा 1:8

“अल्‍फा दाङ ओमेगा ङाहराङ यिहन,” सुङदी ओङज्‍या छ्यिम्‍बु नोम नाङगेन चो़वो छ्येवा किन्‍ज्‍योगी सुङ नाङगु दु, “मिहरो साज्‍या-नाम्‍ज्‍या छ्या़ च्‍य़ू नाङगे म़ेदी तोहङ यिहन्‍ज्‍युराङ ज़्‍य़ू नाङदी येहकें ओहले ताहन्‍दाॱआङ ज़्‍य़ू नाङदी येह ओहले फेप नाङज्‍ये येह।”

मत्ती 22:29

ओहले येशूगी खुङया़ला सुङ नाङसीन, “ख्‍याया़ जोल्‍दी तेहक्‍यो दुबा। ख्‍याया़गी सुङरापगी स्‍याहल दाङ किन्‍ज्‍योगी ओङगी तेहन्‍दाला ङोह स्‍य़ेदी मिहन्‍दु।